വില കുറഞ്ഞിട്ടുണ്ട്... വേഗം മേടിച്ചോ! ഐഫോൺ 15 പ്ലസ് ഫ്ലിപ്കാർട്ടിൽ ഡിസ്‌കൗണ്ട് വിലയിൽ

ഐഫോൺ 15 പ്ലസ് നിലവിൽ ഫ്ലിപ്പ്കാർട്ടിൽ ഡിസ്‌കൗണ്ട് നിരക്കിൽ വാഗ്ദാനം ചെയ്യുന്നു. ഐഫോൺ 15, ഐഫോൺ 15 പ്രോ, ഐഫോൺ 15 പ്രോ മാക്സ് എന്നിവയ്‌ക്കൊപ്പം 2023 സെപ്റ്റംബറിൽ ഐഫോൺ 15 പ്ലസ് വീണ്ടും ലോഞ്ച് ചെയ്തിരുന്നു. ഇപ്പോൾ, 2024 സെപ്റ്റംബർ 9ന് ഐഫോൺ 16 സീരീസ് ലോഞ്ച് ചെയ്യാൻ തയ്യാറെടുക്കുമ്പോൾ ആണ്, ഐഫോൺ 15, ഐഫോൺ 15 പ്ലസ് എന്നിവയുടെ വില കുറച്ചതായി കാണുന്നത്. ആപ്പിളിൻ്റെ ഔദ്യോഗിക വെബ്‌സൈറ്റിൽ ഐഫോൺ 15 സീരീസിൻ്റെ വില അതേപടി തുടരുന്നു എന്നത് ശ്രദ്ധിക്കേണ്ടതാണ്.

അതായത് ഫ്ലിപ്പ്കാർട്ടിൽ മാത്രം ആണ് ഈ ഡിസ്‌കൗണ്ട് ലഭ്യമാകുന്നത്. അതേ സമയം ഐഫോൺ 15 പ്രോ മോഡലുകൾക്ക് വില കുറവ് ഇല്ല. ഫ്ലിപ്കാർട്ടിൽ ഐഫോൺ 15 പ്ലസിൻ്റെ 128 ജിബി മോഡലിന് നിലവിൽ 75,999 രൂപ ആണ് വില. ആപ്പിളിൻ്റെ ഔദ്യോഗിക വെബ്‌സൈറ്റിൽ ഐഫോൺ 15 പ്ലസ് 128 ജിബി കോൺഫിഗറേഷനായി 89,600 രൂപയ്ക്ക് ലിസ്റ്റ് ചെയ്തിട്ടുണ്ട്.

കിഴിവ് കൂടാതെ, ഐഫോൺ 15 പ്ലസിൽ മറ്റ് ചില ഓഫറുകളും ഫ്ലിപ്പ്കാർട്ട് നൽകുന്നു. കൂടാതെ, ഫ്ലിപ്പ്കാർട്ടിലെ അടിസ്ഥാന 128 ജിബി വേരിയൻ്റിന് വാനില ഐഫോൺ 15 69,999 രൂപയ്ക്ക് ലിസ്റ്റ് ചെയ്തിട്ടുണ്ട്. എന്നാൽ നിലവിൽ ഫോൺ സ്റ്റോക്കില്ല എന്ന് ആണ് കാണിക്കുന്നത്. ഐഫോൺ 15, ഐഫോൺ 15 പ്രോ, ഐഫോൺ 15 പ്രോ മാക്സ് എന്നിവയെല്ലാം അവയുടെ ലോഞ്ച് വിലയിൽ ആണ് നൽകുന്നത്.

അതിനാൽ അടുത്ത ആഴ്ച വരുന്ന ഐഫോൺ 16 സീരീസിനായി കാത്തിരിക്കുന്നതാണ് നല്ലത്. ഐഫോൺ 15 പ്ലസ് സ്മാർട്ട്ഫോണിന്റെ സ്പെസിഫിക്കേഷനുകൾ എന്തൊക്കെ എന്ന് നോക്കാം. ഐഫോൺ 15 പ്ലസ് 512 ജിബി വരെ സ്റ്റോറേജുമായി ജോടിയാക്കിയ A16 ബയോണിക് ചിപ്‌സെറ്റാണ് നൽകുന്നത്. കൂടാതെ, HDR10+, ഡോൾബി വിഷൻ പിന്തുണ എന്നിവ ഉള്ള 6.7 ഇഞ്ച് സൂപ്പർ റെറ്റിന XDR OLED ഡിസ്‌പ്ലേയും ഫോണിനുണ്ട്. സ്‌ക്രീൻ 2,000 നിറ്റ്‌സ് പീക്ക് ബ്രൈറ്റ്നെസ്സ് ആണ്. കൂടാതെ സെറാമിക് ഷീൽഡ് ഗ്ലാസ് ഉപയോഗിച്ച് ഫോൺ സുരക്ഷിതമാണെന്ന് ഉറപ്പ് നൽകുന്നു.

'Sensor-Shift' OIS, ഡ്യുവൽ-പിക്സൽ PDAF എന്നിവയെ പിന്തുണയ്ക്കുന്ന 48 എംപി പ്രൈമറി സെൻസറും f/2.4 അപ്പേർച്ചറുള്ള 12 എംപി അൾട്രാവൈഡ് ലെൻസും ഉള്ള ഒരു ഡ്യുവൽ ക്യാമറ സജ്ജീകരണമാണ് ഐഫോൺ 15 പ്ലസ് നൽകിയിരിക്കുന്നത്. ഐഫോൺ 15 പ്ലസ്സിൻ്റെ ഫ്രണ്ടിൽ, f/1.9 അപ്പേർച്ചർ ഉള്ള 12 എംപി സെൽഫി ക്യാമറയാണ് ഉള്ളത്.

ഐഫോൺ 15 പ്ലസിന് സ്റ്റീരിയോ സ്പീക്കറുകളും പൊടിയും വെള്ളവും പ്രതിരോധിക്കാനുള്ള IP68 റേറ്റിംഗും ഉണ്ട്. ഐഫോൺ 15 പ്ലസ് ഫേസ് ഐഡി, സാറ്റലൈറ്റ് വഴി ഉള്ള എമർജൻസി എസ്ഒഎസ്, വയർലെസ് ചാർജിംഗ്, അൾട്രാ-വൈഡ്ബാൻഡ് പിന്തുണ എന്നിവയും മറ്റ് ഫീച്ചറുകളും വാഗ്ദാനം ചെയ്യുന്നുണ്ട്.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.