സ്വന്തമാക്കാൻ സമയമായി! ഐഫോൺ 16 സീരീസ് പ്രീ-ഓർഡർ ഇന്ന് ആരംഭിക്കും

ഐഫോൺ 16 സീരീസ് ഇന്ന് (സെപ്റ്റംബർ 13ന) ഇന്ത്യയിൽ പ്രീ-ഓർഡർ ആരംഭിക്കും. ഐഫോൺ 16, ഐഫോൺ 16 പ്ലസ്, ഐഫോൺ 16 പ്രോ, ഐഫോൺ 16 പ്രോ മാക്സ് എന്നീ നാല് പുതിയ ഫോണുകൾ ഉള്ള ഐഫോൺ 16 സീരീസ് ഇന്ത്യയിലും ആഗോള തലത്തിലും കഴിഞ്ഞ ആഴ്ച ലോഞ്ച് ചെയ്‌തു. ഈ പറഞ്ഞ നാല് പുതിയ ഐഫോണുകളിൽ, ഐഫോൺ 16 പ്രോയ്ക്ക് മാത്രമേ ഇന്ത്യയിൽ അതിൻ്റെ മുൻഗാമിയായ ഐഫോൺ 15 പ്രോയെ അപേക്ഷിച്ച് വിലയിൽ കുറവ് ഉണ്ടായിട്ടുള്ളൂ.

ഐഫോൺ 16 സീരീസ് ഇന്ത്യയിൽ ഇന്ന് പ്രീ-ഓർഡർ ചെയ്യാൻ നിരവധി ഐഫോൺ ആരാധകർ ആണ് കാത്തിരിക്കുന്നത്. ഐഫോൺ 16 സീരീസ് ഇന്ത്യയിൽ ഇന്ന് വൈകുന്നേരം ഇന്ത്യൻ സമയം 05:30ന് (IST) പ്രീ-ഓർഡർ ആരംഭിക്കും. കൂടാതെ നാല് ഐഫോൺ 16 മോഡലുകൾ ഷിപ്പിംഗ് ആരംഭിക്കുകയും സെപ്റ്റംബർ 20 മുതൽ ഇന്ത്യയിൽ ഓപ്പൺ സെയിൽ ആരംഭിക്കുകയും ചെയ്യും.

ഉപഭോക്താക്കൾക്ക് പുതിയ ഐഫോൺ 16, ഐഫോൺ 16 പ്ലസ്, ഐഫോൺ 16 പ്രോ, ഐഫോൺ 16 പ്രോ മാക്സ് എന്നിവ ആപ്പിൾ സ്റ്റോറിൽ നിന്നും മുംബൈയിലെയും ഡൽഹിയിലെയും ആപ്പിളിൻ്റെ റീട്ടെയിൽ ലൊക്കേഷനുകളിൽ നിന്നും ആമസോൺ, റിലയൻസ് ഡിജിറ്റൽ, ക്രോമ, വിജയ് സെയിൽസ്, ഫ്ലിപ്കാർട്ട് പോലുള്ള മെഗാ ഇ-കൊമേഴ്‌സ് പ്ലാറ്റ്‌ഫോമുകൾ ഉൾപ്പെടെയുള്ള അംഗീകൃത റീസെല്ലർ വഴിയും മുൻകൂട്ടി ഓർഡർ ചെയ്യാവുന്നതാണ്.

ഐഫോൺ 16, ഐഫോൺ 16 പ്ലസ് വില, കളർ ഓപ്ഷനുകൾ: ഐഫോൺ 16ൻ്റെ ഇന്ത്യയിലെ വില 128 ജിബി മോഡലിന് 79,900 രൂപ മുതലാണ്. കൂടാതെ, 256 ജിബി, 512 ജിബി വേരിയൻ്റുകൾ നിങ്ങൾക്ക് യഥാക്രമം 89,900 രൂപയും 1,09,900 രൂപയിൽ ലഭ്യമാകും. ഐഫോൺ 16 പ്ലസ് 128 ജിബി മോഡലിന് 89,900 രൂപ മുതലാണ് ഇന്ത്യയിലെ വില.

കൂടാതെ, 256 ജിബി, 512 ജിബി വേരിയൻ്റുകൾ നിങ്ങൾക്ക് യഥാക്രമം 99,900 രൂപയിലും 1,19,900 രൂപയിലും ലഭ്യമാകും. ഐഫോൺ 16, ഐഫോൺ 16 പ്ലസ് എന്നിവ അൾട്രാ മറൈൻ, ടീൽ, പിങ്ക്, വൈറ്റ്, ബ്ലാക്ക് കളർ ഓപ്ഷനുകൾ ആണ് വാഗ്ദാനം ചെയ്യുന്നത്.

ഐഫോൺ 16 പ്രോ, ഐഫോൺ 16 പ്രോ മാക്‌സ് വില, കളർ ഓപ്ഷനുകൾ: ഐഫോൺ 16 പ്രോയ്ക്ക് ഇന്ത്യയിൽ അതിൻ്റെ മുൻഗാമിയേക്കാൾ വില കുറച്ചു. ഐഫോൺ 16 പ്രോയുടെ 128 ജിബി മോഡലിന് 1,19,900 രൂപ മുതലാണ് വില. കൂടാതെ, 256 ജിബി, 512 ജിബി, 1 ടിബി വേരിയൻ്റുകൾ നിങ്ങൾക്ക് യഥാക്രമം 1,29,900 രൂപ, 1,49,900 രൂപ, 1,69,900 രൂപ നൽകേണ്ടതായി ഉണ്ട്.

ഐഫോൺ 16 പ്രോ മാക്‌സിൻ്റെ ഇന്ത്യയിലെ വില 256 ജിബി മോഡലിന് 1,44,900 രൂപ മുതലാണ് ആരംഭിക്കുന്നത്. കൂടാതെ, 512 ജിബി, 1 ടിബി വേരിയൻ്റുകൾ നിങ്ങൾക്ക് യഥാക്രമം 1,64,900 രൂപയും 1,84,900 രൂപയും നൽകേണ്ടതുണ്ട്. ഐഫോൺ 16 പ്രോയും ഐഫോൺ 16 പ്രോ മാക്സും ഡെസേർട്ട് ടൈറ്റാനിയം, നാച്ചുറൽ ടൈറ്റാനിയം, വൈറ്റ് ടൈറ്റാനിയം, ബ്ലാക്ക് ടൈറ്റാനിയം ഷേഡുകൾ എന്നിവയിൽ ലഭ്യമാണ്.

അമേരിക്കൻ എക്‌സ്‌പ്രസ്, ആക്‌സിസ് ബാങ്ക്, ഐസിഐസിഐ ബാങ്ക് എന്നിവയുൾപ്പെടെ തിരഞ്ഞെടുത്ത ബാങ്കുകൾ ഉപയോഗിക്കുമ്പോൾ ഉപഭോക്താക്കൾക്ക് നാല് ഐഫോൺ 16 മോഡലുകളിലും 5,000 രൂപ ഇൻസ്റ്റന്റ് ക്യാഷ്ബാക്ക് ലഭിക്കും. കൂടാതെ, മൂന്ന്, ആറ് മാസത്തേക്ക് പലിശ ഇല്ലാതെ നോ-കോസ്റ്റ് ഇഎംഐ പ്ലാനുകൾ ആപ്പിൾ വാഗ്ദാനം ചെയ്യുന്നു.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.