ഐഫോൺ 17 പ്രോ മാക്സ് vs സാംസങ് എസ്26 അൾട്ര: ദീപാവലി ഓഫറിൽ ഏത് സ്വന്തമാക്കണം?

ഫെസ്റ്റിവൽ ഓഫറുകൾ അവസാനിക്കാൻ ഇനി മണിക്കൂറുകൾ മാത്രം, ഇന്ന് ഒക്ടോബർ 31! ഐഫോൺ 17 പ്രോ മാക്സും സാംസങ് ഗാലക്സി എസ്26 അൾട്രയും തമ്മിൽ ഏത് തിരഞ്ഞെടുക്കുമെന്ന ആശയക്കുഴപ്പത്തിലാണോ? റീട്ടെയിലർ ഡിസ്കൗണ്ടുകൾക്കൊപ്പം ബാങ്ക് ക്യാഷ്ബാക്കുകൾ കൂടി ചേരുമ്പോൾ വൻ ലാഭത്തിൽ ഇവ സ്വന്തമാക്കാം. ക്രോമയുടെ ആപ്പിൾ ഓഫറുകൾ ഇന്ന് രാത്രിയോടെ അവസാനിക്കും. അതേസമയം സാംസങ്ങിന്റെ ദീപാവലി ക്യാഷ്ബാക്ക്, ദീർഘകാല ഇഎംഐ ഓഫറുകൾ എന്നിവ ഇപ്പോഴും ലഭ്യമാണ്. ഇന്ത്യയിലെ ഇന്നത്തെ യഥാർത്ഥ ഓഫർ വിലയും ഇതിൽ ഏതാണ് നിങ്ങൾക്ക് അനുയോജ്യമെന്ന ഗൈഡും ഇതാ.

ദീപാവലി രാവുകളിലെ നൈറ്റ് ഫോട്ടോഗ്രാഫി, പോർട്രെയ്റ്റുകൾ, മികച്ച വീഡിയോ ക്വാളിറ്റി, ഹീറ്റിങ് പ്രശ്നങ്ങൾ, ചാർജിങ് വേഗത, നെറ്റ്‌വർക്ക് പ്രകടനം, ആഫ്റ്റർ സെയിൽസ് സർവീസ് എന്നിവയെല്ലാം കണക്കിലെടുത്താവണം ഫോൺ തിരഞ്ഞെടുക്കേണ്ടത്. സൂപ്പർ വീഡിയോ ക്വാളിറ്റിക്കും ഉയർന്ന റീസെയിൽ വാല്യൂവിനും ഐഫോൺ തന്നെയാണ് എപ്പോഴും സുരക്ഷിതമായ ഓപ്ഷൻ. എന്നാൽ മികച്ച സൂം ക്വാളിറ്റി, വേഗത്തിലുള്ള ചാർജിങ്, ആകർഷകമായ അപ്‌ഗ്രേഡ് പ്രോഗ്രാമുകൾ എന്നിവയാണ് നോക്കുന്നതെങ്കിൽ സാംസങ്ങാണ് കേമൻ. നിങ്ങളുടെ മുൻഗണനകൾ എന്താണോ അതിനനുസരിച്ച് വേണം ഈ ഫ്ലാഗ്ഷിപ്പ് ഫോണുകളിലൊന്ന് തിരഞ്ഞെടുക്കാൻ.

ഐഫോൺ 17 പ്രോ മാക്സ് vs ഗാലക്സി എസ്26 അൾട്ര: ഇന്നത്തെ വിലയും എവിടെനിന്ന് വാങ്ങാമെന്ന വിവരങ്ങളും

ഐഫോൺ 17 പ്രോ മാക്സിന്റെ 256GB വേരിയന്റ് ഇന്ന് ക്രോമയിൽ 1,13,990 രൂപയ്ക്ക് സ്വന്തമാക്കാം. 4,000 രൂപ ബാങ്ക് ക്യാഷ്ബാക്കും 8,000 രൂപ എക്സ്ചേഞ്ച് ബോണസും ചേർത്തുള്ള വിലയാണിത്. ഓഫറിനായി ക്രോമ ആപ്പിലെ 'Apple Exclusive Offers' പരിശോധിക്കുക. സാംസങ്ങിന്റെ ഔദ്യോഗിക വെബ്‌സൈറ്റിൽ (Samsung.com/in) ഗാലക്സി എസ്26 അൾട്രയ്ക്ക് 13,000 രൂപ ഇൻസ്റ്റന്റ് ക്യാഷ്ബാക്കും 40 മാസത്തെ നോ-കോസ്റ്റ് ഇഎംഐ ഓഫറുമുണ്ട്. എച്ച്‌ഡിഎഫ്‌സി കാർഡുകൾ ഉപയോഗിക്കുകയാണെങ്കിൽ 15,000 രൂപ വരെ ക്യാഷ്ബാക്ക് ലഭിക്കുമെന്നും പരസ്യപ്പെടുത്തുന്നുണ്ട്.

ഐഫോൺ 17 പ്രോ മാക്സ് vs ഗാലക്സി എസ്26 അൾട്ര: ക്യാമറ, പെർഫോമൻസ്, ബാറ്ററി, നെറ്റ്‌വർക്ക്

48MP പ്രോ ഫ്യൂഷൻ ട്രിപ്പിൾ ക്യാമറ സിസ്റ്റം, 4x ടെട്രാപ്രിസം ടെലിഫോട്ടോ ലെൻസ്, പ്രോറെസ് (ProRes), ആപ്പിൾ ലോഗ് (Apple Log) വീഡിയോ സപ്പോർട്ട് എന്നിവയുമായാണ് ഐഫോൺ 17 പ്രോ മാക്സ് എത്തുന്നത്. രാത്രിയിലും കൃത്യമായ കളർ ടോണും മികച്ച സ്റ്റെബിലൈസേഷനും ഇത് ഉറപ്പുനൽകുന്നു. ഇതിലെ എ19 പ്രോ (A19 Pro) ചിപ്‌സെറ്റ് ഏത് ഹെവി ടാസ്കും അനായാസം കൈകാര്യം ചെയ്യും. 25W മാഗ്‌സേഫ്, Qi2 വയർലെസ് ചാർജിങ് സൗകര്യവുമുണ്ട്. ഇ-സിം ഉൾപ്പെടെയുള്ള ഡ്യുവൽ സിം, നാവിക് (NavIC), വൈഡ് റേഞ്ചിലുള്ള ഇന്ത്യൻ 5G ബാന്റുകൾ എന്നിവ ഇതിലുണ്ട്. മറുഭാഗത്ത്, 200MP (f/1.4) പ്രൈമറി ക്യാമറ, 5x പെരിസ്കോപ്പ് ലെൻസ്, 8K വീഡിയോ റെക്കോർഡിങ് എന്നിവയുമായാണ് ഗാലക്സി എസ്26 അൾട്രയുടെ വരവ്. കുറഞ്ഞ വെളിച്ചത്തിലും മികച്ച ഡീറ്റെയിലിങ് നൽകുന്ന ക്യാമറയ്ക്ക് പുറമെ, ആളുകൾക്കിടയിൽ ഉപയോഗിക്കുമ്പോൾ സ്വകാര്യത ഉറപ്പാക്കാൻ ബിൽറ്റ്-ഇൻ 'പ്രൈവസി ഡിസ്‌പ്ലേ'യും ഇതിലുണ്ട്. 5,000mAh ബാറ്ററിയും സൂപ്പർ ഫാസ്റ്റ് ചാർജിങ് 3.0-യുമാണ് ഇതിൽ നൽകിയിരിക്കുന്നത്. ഇന്ത്യൻ നെറ്റ്‌വർക്കുകൾക്ക് അനുയോജ്യമായ ഡ്യുവൽ ഇ-സിം അല്ലെങ്കിൽ ഡ്യുവൽ-സിം സപ്പോർട്ടും ഇതിലുണ്ട്.

ഐഫോണിൽ പ്രോറെസ് വീഡിയോകളോ ഗാലക്സിയിൽ 8K വീഡിയോകളോ ചിത്രീകരിക്കുന്ന കണ്ടന്റ് ക്രിയേറ്റർമാർ 512GB വേരിയന്റ് തിരഞ്ഞെടുക്കുന്നതാണ് നല്ലത്; കൂടുതൽ ഉപയോഗമുള്ളവർ 256GB ഒഴിവാക്കുക. ഇന്ത്യയിൽ ആപ്പിൾകെയർ+ (Theft and Loss പ്രൊട്ടക്ഷൻ ഉൾപ്പെടെ) ലഭ്യമാണ്. സാംസങ് കെയർ+ പ്രതിമാസം 917 രൂപ മുതൽ ലഭ്യമാകും. മികച്ച സൂം സൗകര്യവും വേഗത്തിലുള്ള ചാർജിങ്ങുമാണ് ആവശ്യമെങ്കിൽ ഗാലക്സി എസ്26 അൾട്ര തിരഞ്ഞെടുക്കാം. അതല്ല, മികച്ച വീഡിയോ ക്വാളിറ്റിയും ഉയർന്ന റീസെയിൽ വാല്യൂവുമാണ് നോക്കുന്നതെങ്കിൽ ഐഫോൺ വാങ്ങുന്നതാണ് ബുദ്ധി.