ഐഫോൺ എസ്ഇ Vs റെഡ്മി 10; ബജറ്റ് ആൻഡ്രോയിഡ്, ബജറ്റ് ഐഒഎസ് താരതമ്യം

നിലവിൽ ഇന്ത്യൻ വിപണിയിൽ വാങ്ങാൻ കഴിയുന്ന ഏറ്റവും മികച്ച എൻട്രി ലെവൽ സ്‌മാർട്ട്‌ഫോണുകളിൽ ഒന്നാണ് റെഡ്മി 10 സ്മാർട്ട്ഫോൺ. 120 ഹെർട്സ് ഡിസ്പ്ലെ അല്ലെങ്കിൽ 108 മെഗാ പിക്സൽ ക്യാമറ പോലുള്ള ഉയർന്ന ഫീച്ചറുകൾ ഒന്നും റെഡ്മി 10 സ്മാർട്ട്ഫോണിൽ ലഭ്യമല്ല. പകരം നല്ല ബാറ്ററി ലൈഫിനൊപ്പം മികച്ച ഡേ റ്റു ഡേ പെർഫോമൻസ് ഓഫർ ചെയ്യുന്ന വിധത്തിൽ ആണ് റെഡ്മി 10 സ്മാർട്ട്ഫോൺ ഡിസൈൻ ചെയ്തിരിക്കുന്നത്.

ഐഫോൺ എസ്ഇ 2022 കാലഹരണപ്പെട്ട ഡിസൈൻ ഫീച്ചർ ചെയ്യുന്നതായി വിമർശനം ഉണ്ട്. അതേ സമയം തന്നെ ഫ്ലാഗ്ഷിപ്പ് പ്രൊസസറും ഐഫോൺ എസ്ഇ 2022 പായ്ക്ക് ചെയ്യുന്നു. ഇത് വർഷങ്ങളോളം ഉപയോഗിക്കാൻ കഴിയുന്ന സ്മാർട്ട്ഫോൺ ആയി ഐഫോൺ എസ്ഇ 2022നെ മാറ്റുന്നു. റെഡ്മി 10 സ്മാർട്ട്ഫോണിലും കാര്യങ്ങൾ ഏകദേശം ഇങ്ങനെ തന്നെയാണ്. റെഡ്മി 10 സ്മാർട്ട്ഫോൺ ഫ്ലാഗ്ഷിപ്പ് പ്രൊസസറുമായിട്ടല്ല വരുന്നത്. എന്നാൽ തന്നെയും റെഡ്മി 10 സ്മാർട്ട്ഫോൺ പായ്ക്ക് ചെയ്യുന്ന സ്നാപ്ഡ്രാഗൺ 680 പ്രൊസസർ കരുത്തുറ്റതാണ്. ഒരു പക്ഷെ ഈ പ്രൈസ് റേഞ്ചിൽ ലഭ്യമായതിൽ വച്ച് ഏറ്റവും മികച്ചത്.

ക്വാൽകോം സ്നാപ്ഡ്രാഗൺ 680 എസ്ഒസി പായ്ക്ക് ചെയ്യുന്ന നിരവധി സ്മാർട്ട്ഫോണുകൾ വിപണിയിൽ ലഭ്യമാണ്. ഈ സ്മാർട്ട്ഫോണുകൾക്കെല്ലാം 20,000 രൂപ വരെയാണ് വില വരുന്നത്. അതിന്റെ പകുതി വിലയ്ക്കാണ് റെഡ്മി 10 സ്മാർട്ട്ഫോൺ എത്തുന്നത്. ഇത് റെഡ്മി 10 സ്മാർട്ട്ഫോണിനെ കൂടുതൽ ആകർഷകം ആക്കുന്നു. ആധുനിക സോഷ്യൽ മീഡിയ ആപ്പുകൾ വളരെ എളുപ്പം കൈകാര്യം ചെയ്യുകയും സുഗമമായ ഡേ റ്റു ഡേ പെർഫോമൻസ് ഉറപ്പ് വരുത്തുകയും ചെയ്യുന്നു എന്നതാണ് റെഡ്മി 10 സ്മാർട്ട്ഫോണിന്റെ പ്രത്യേകത. വലിയ വില കൊടുത്ത് സ്മാർട്ട്ഫോണുകൾ വാങ്ങാൻ താത്പര്യം ഇല്ലാത്തവർക്കും റെഡ്മി 10 സ്മാർട്ട്ഫോൺ ഒരു മികച്ച ചോയിസ് ആണ്.

ചില സന്ദർഭങ്ങളിൽ, ഐഫോൺ എസ്ഇ 2022നേക്കാളും ഏറെ കുറഞ്ഞ വിലയിൽ എത്തുന്ന റെഡ്മി 10 സ്മാർട്ട്ഫോൺ കുറഞ്ഞത് കടലാസിൽ എങ്കിലും കൂടുതൽ മികച്ച സ്പെസിഫിക്കേഷനുകൾ പായ്ക്ക് ചെയ്യുന്നു. ബാറ്ററിയുടെ കാര്യത്തിലും റെഡ്മി 10 സ്മാർട്ട്ഫോൺ ഏറെ മുന്നിട്ട് നിൽക്കുന്നു. ഐഫോൺ എസ്ഇ 2022ന്റെ ബാറ്ററിയുടെ മൂന്നിരട്ടി വലുതാണ് റെഡ്മി 10 ലെ ബാറ്ററി. 6,000 എംഎഎച്ച് ബാറ്ററിയുമായാണ് റെഡ്മി 10 വിപണിയിൽ എത്തുന്നത്. അത് പോലെ തന്നെ 50 മെഗാ പിക്സൽ പ്രൈമറി ക്യാമറയും റെഡ്മി 10 സ്മാർട്ട്ഫോണിൽ ലഭ്യമാണ്.

എന്നിരുന്നാലും, പ്രോസസ്സിംഗും സെൻസർ ഗുണനിലവാരവും കാരണം, ഐഫോൺ എസ്ഇ 2022 ന്റെ 12 മെഗാ പിക്സൽ ക്യാമറ റെഡ്മി 10ലെ 50 മെഗാ പിക്സൽ ക്യാമറയേക്കാൾ മികച്ചതായിരിക്കും. പ്രകടനത്തിന്റെ കാര്യത്തിലും ഇത് തന്നെയാണ് സംഭവിക്കുന്നത്. ക്വാൽകോം സ്നാപ്ഡ്രാഗൺ 680 എസ്ഒസി ആപ്പിളിന്റെ എ15 ബയോണിക് ചിപ്പുമായി താരതമ്യം ചെയ്യാൻ കഴിയുന്നതല്ല.

പ്രകടനം, ക്യാമറ എന്നിവയുടെ കാര്യത്തിൽ ഐഫോൺ എസ്ഇ 2022 മികച്ചതായിരിക്കാമെങ്കിലും, റെഡ്മി 10 ഒരു കാര്യത്തിൽ വിജയി തന്നെയാണ്. കാരണം ഒരാൾക്ക് ഒരു ഐഫോൺ എസ്ഇ 2022 ന് പകരം നാല് റെഡ്മി 10 സ്മാർട്ട്ഫോൺ വാങ്ങാൻ കഴിയും. വിലക്കുറവ് മാത്രമല്ല, നൽകുന്ന പണത്തിലും കൂടുതൽ മൂല്യം നൽകുന്ന പെർഫോമൻസും സമാനതകൾ ഇല്ലാത്തതാണ്.