ആപ്പിള്‍ ഐഫോണ്‍ XR പ്രീ-ഓര്‍ഡര്‍ ഇന്ത്യയില്‍ ആരംഭിച്ചു, അറിയേണ്ടതെല്ലാം..!

ഫോണ്‍ വേരിയന്റും ലഭ്യതയും

കറുപ്പ്, വെളള, കോറല്‍ മഞ്ഞ, ചുവപ്പ് എന്നീ നിറത്തിലാണ് പുതിയ ഐഫോണുകള്‍ പുറത്തിറങ്ങിയിരിക്കുന്നത്. യുഎസ്, യുകെ. യുഎഇ എന്നീ ആഗോള വിപണി കീഴടക്കാന്‍ വേണ്ടി ഐഫോണ്‍ XR ഒക്ടോബര്‍ 26ന് ഇന്ത്യന്‍ വിപണിയില്‍ എത്തും.

ഐഫോണ്‍ XRന്റെ പ്രീബുക്കിംഗ്

ആപ്പിള്‍ ഐഫോണ്‍ XRന്റെ പ്രീബുക്കിംഗിനായി ഇന്ത്യന്‍ ഉപയോക്താക്കള്‍ക്ക് ഫ്‌ളിപ്കാര്‍ട്ട്, ആമസോണ്‍ ഇന്ത്യ, പേറ്റിഎം മാള്‍, എയര്‍ടെല്‍ ഓണ്‍ലൈന്‍ ഇ സ്റ്റാര്‍ എന്നിവയിലൂടേയും കൂടാതെ ആപ്പിളിന്റെ ഔദ്യോഗിക വിപണന കേന്ദ്രമായ ഇമാജിനിലൂടേയും മുന്‍കൂര്‍ ബുക്കിംഗ് ചെയ്യാം.

ഐഫോണ്‍ XR സവിശേഷതകള്‍

6.1 ഇഞ്ച് എല്‍സിഡി ലിക്വിഡ് റെറ്റിന എച്ച്ഡി ഡിസ്‌പ്ലേയാണ് ഐഫോണ്‍ XRന്. ഐഫോണ്‍ Xന്റെ മുന്‍ഭാഗവും അതു പോലെ ഐഫോണ്‍ 8ന്റെ പുറകു വശവും ചേര്‍ന്ന തരത്തിലാണ് പുതിയ ഫോണ്‍. ഐഫോണ്‍ XS സീരീസുകളില്‍ നിന്നും വ്യത്യസ്ഥമായ അലൂമിനിയം കോട്ടിങ്ങാണ് ഇതിന്റെ മറ്റൊരു പ്രത്യേകത.

അലൂമിയത്തില്‍ നിന്നാണ് ഫോണ്‍ നിര്‍മ്മിച്ചിരിക്കുന്നത്. ആദ്യ എഡ്ജ് ടൂ എഡ്ജ് എല്‍സിഡി ഡിസ്‌പ്ലേയാണ് ഫോണിന്. സ്വയിപ്പ് ചെയ്ത ആംഗ്യം കാണിച്ചാല്‍ ഫോണ്‍ അണ്‍ലോക്ക് ചെയ്യാം. ഈ ഫോണിന്‍ 3ഡി ടച്ചിനു പകരം ഹാപ്ടിക് ടച്ചാണ് ഫോണിനുളളത്.

ഐഫോണ്‍ XS, X മാക്‌സ് എന്നിവയില്‍ ഉപയോഗിച്ചിരിക്കുന്ന A12 ബയോണിക് ചിപ്‌സെറ്റാണ് ഐഫോണ്‍ XRനും കരുത്ത് പകരുന്നത്. ഐഫോണ്‍ XRന്റെ പിന്‍ വശത്ത് 12എംപിയുടെ ഒറ്റ ക്യാമറയാണ്. വില കുറവിന്റെ മറ്റൊരു കാരണം ഇതാണ്. മുന്‍ വശത്ത് 7എംപി ക്യാമറയും ഉള്‍പ്പെടുത്തിയിട്ടുണ്ട്.

A12 ബയോണിക് പ്രോസസര്‍ ഉപയോഗിച്ച് ഏതൊരവസരത്തിലും പോര്‍ട്രേറ്റ് ഷോര്‍ട്ടുകള്‍ എടുക്കാന്‍ 12എംപി ക്യാമറയിലൂടെ സാധിക്കും. കൂടാതെ ഈ ഫോണിന്റെ സിങ്കിള്‍ വൈഡ് ലെന്‍സില്‍ ബോക്കെ ഇഫക്ടും ഉള്‍പ്പെടുത്തിയിട്ടുണ്ട്.