കിടലൻ ഐക്യൂ 12 മുതൽ കൊക്കിലൊതുങ്ങുന്ന Z9 വരെ വാങ്ങാം; 2000- 23000 രൂപ ഡിസ്കൗണ്ടുമായി ഐക്യൂ സെയിൽ

ഇന്ത്യയിലെ സ്മാർട്ട്ഫോൺ ആരാധകർക്ക്, പ്രത്യേകിച്ച് യുവാക്കൾക്ക് ആവേശം പകരുന്ന കിടിലൻ ഡിസ്കൗണ്ടുകളുമായി പ്രമുഖ ​ചൈനീസ് സ്മാർട്ട്ഫോൺ ബ്രാൻഡായ ഐക്യൂ രംഗത്ത്. ഇന്ത്യയിൽ പ്രവർത്തനം ആരംഭിച്ചതിന്റെ നാലാം വാർഷികം കണക്കിലെടുത്ത് ഐക്യൂ പ്രത്യേക ആനിവേഴ്സറി സെയിൽ (iQoo four year anniversary sale) പ്രഖ്യാപിച്ചു.

ഏപ്രിൽ 9 മുതൽ 14 വരെയാണ് ഐക്യൂ ആനിവേഴ്സറി സെയിൽ നടക്കുക. ഐക്യുവിന്റെ നിലവിലുള്ള ഏറ്റവും മികച്ച സ്മാർട്ട്ഫോണായ ഐക്യൂ 12 മുതൽ അ‌ടുത്തിടെ പുറത്തിറക്കിയ ഐക്യൂ Z9 വരെയുള്ള നിരവധി സ്മാർട്ട്ഫോണുകൾക്ക് 2000 മുതൽ 23000 രൂപ വരെ ഡിസ്കൗണ്ട് ഈ ഓഫർസെയിലിൽ ലഭ്യമാക്കിയിരിക്കുന്നു.

ഒരു ഐക്യൂ സ്മാർട്ട്ഫോൺ സ്വന്തമാക്കാൻ ആഗ്രഹിക്കുന്ന ആളുകളെ സംബന്ധിച്ചിടത്തോളം ഇത് ഒരു സുവർണാവസരമാണ്. ആമസോണുമായി ചേർന്നുകൊണ്ടാണ് ഐക്യൂ ഈ പ്രത്യേക ആനിവേഴ്സറി സെയിൽ ഒരുക്കിയിരിക്കുന്നത്. ഐക്യുവിന്റെ ഓൺ​ലൈൻ സ്റ്റോറിലും ഈ ഡിസ്കൗണ്ടുകൾ ലഭ്യമാകും. ഈ ഓഫർ സെയിലിൽ ഡിസ്കൗണ്ട് ലഭ്യമാകുന്ന ഐക്യൂ ഫോണുകൾ പരിചയപ്പെടാം.

ഐക്യൂ 12 (iQOO 12): ഏറ്റവും കരുത്തുള്ള ഈ ഐക്യൂ ഫോണിന് 52,999 രൂപയാണ് യഥാർഥ വില. എന്നാൽ ഓഫർ സെയിലിൽ 3,000 രൂപയുടെ ഡിസ്‌കൗണ്ട് ലഭിക്കുന്നു, അ‌തിനാൽ 49,999 രൂപയ്ക്ക് ഇപ്പോൾ ഈ ഫോൺ വാങ്ങാം. ഏറ്റവും മികച്ച പ്രോസസറും മറ്റ് മുൻ നിര ഫീച്ചറുകളും ഈ പ്രീമിയം സ്മാർട്ട്ഫോൺ വാഗ്ദാനം ചെയ്യുന്നുണ്ട്.

ഐക്യൂ 11 (iQOO 11): ഐക്യൂ 12 വരുന്നതിന് മുൻപുണ്ടായിരുന്ന ഏറ്റവും മികച്ച ഐക്യൂ ഫോണാണിത്. 64,999 രൂപയാണ് ഇതിന്റെ വില. എന്നാൽ 23,000 രൂപയുടെ ഡിസ്‌കൗണ്ട് ലഭിക്കുന്നതിനാൽ ഐക്യൂ 11 ഇപ്പോൾ 41,999 രൂപയ്ക്ക് വാങ്ങാൻ സാധിക്കും. ഐക്യൂ 12 വാങ്ങാൻ ശേഷിയില്ലാത്തവർക്ക് ഈ സ്മാർട്ട്ഫോൺ പരിഗണിക്കാം.

ഐക്യൂ നിയോ 9 പ്രോ (iQOO Neo 9 Pro): 35,999 രൂപയാണ് ഈ ഫോണിന്റെ ഒറിജിനൽ വില. എന്നാൽ ഐക്യൂ ആനിവേഴ്സറി സെയിലിൽ 3000 രൂപ ഡിസ്കൗണ്ട് ലഭ്യമാക്കിയിരിക്കുന്നതിനാൽ 32,999 രൂപ വിലയിൽ ഐക്യൂ നിയോ 9 പ്രോ സ്വന്തമാക്കാൻ സാധിക്കും. പ്രീമിയം സ്മാർട്ട്ഫോൺ വാഗ്ദാനം ചെയ്യുന്ന എല്ലാ മികച്ച ഫീച്ചറുകളും ഇതിലുണ്ട്.

ഐക്യൂ Z9 (iQOO Z9): ഐക്യൂ ഓഫർ സെയിലിൽ ഏറ്റവും വിലക്കുറവിൽ വാങ്ങാൻ സാധിക്കുന്ന സ്മാർട്ട്ഫോൺ ആണിത്. 19,999 രൂപ പ്രാരംഭവിലയിൽ എത്തുന്ന ഐക്യൂ Z9ന് 2000 രൂപയാണ് ഡസ്കൗണ്ട് ലഭിക്കുക. അ‌തിനാൽ 17,999 രൂപ വിലയിൽ ഇപ്പോൾ ഈ 5ജി ഫോൺ വാങ്ങാം. താങ്ങാനാകുന്ന വിലയിൽ മികച്ച പെർഫോമൻസ് ഈ ഫോൺ നൽകുന്നുണ്ട്.

ഐക്യൂ Z7 പ്രോ (iQOO Z7 Pro): 23,999 രൂപ പ്രാരംഭ വിലയുള്ള ഈ ഫോണിന് ഓഫർ സെയിലിൽ 3,000 രൂപയുടെ ഡിസ്കൗണ്ടാണ് പ്രഖ്യാപിച്ചിരിക്കുന്നത്. അ‌തിനാൽ 20,999 രൂപ എന്ന ആകർഷകമായ വിലയിൽ ഈ കിടിലൻ സ്മാർട്ട്ഫോൺ സ്വന്തമാക്കാൻ ഇപ്പോൾ അ‌വസരം ​ഒരുങ്ങിയിരിക്കുന്നു.

ഐക്യൂ നിയോ 7 പ്രോ (iQOO Neo 7 Pro): ഏറെ ശ്രദ്ധിക്കപ്പെട്ടിട്ടുള്ള ഈ ഐക്യൂ ഫോൺ 34,999 രൂപ പ്രാരംഭ വിലയിൽ ആണ് ലഭ്യമായിരുന്നത്. എന്നാലിപ്പോൾ വാർഷികത്തിന്റെ ഭാഗമായി 5000 രൂപയുടെ ഡിസ്കൗണ്ട് നിയോ 7 പ്രോയ്ക്ക് ഐക്യൂ നൽകുന്നുണ്ട്. അ‌തിനാൽ 29,999 രൂപയ്ക്ക് ഈ കിടിലൻ സ്മാർട്ട്ഫോൺ ഇപ്പോൾ സ്വന്തമാക്കാം.