66W ഫ്ലാഷ് ചാർജ് സപ്പോർട്ടുള്ള 4,400 എംഎഎച്ച് ബാറ്ററിയുമായി ഐക്യു നിയോ 5 ഉടൻ അവതരിപ്പിക്കും

കൂടാതെ, ഈ ചാർജർ 30 മിനിറ്റിനുള്ളിൽ മുഴുവൻ ബാറ്ററിയും ചാർജ് ചെയ്യുമെന്നും 50 ശതമാനം ബാറ്ററി ചാർജ് ചെയ്യുന്നതിനായി 10 മിനിറ്റ് സമയം മാത്രമേ എടുക്കൂ എന്നും അവകാശപ്പെടുന്നു. സിം കാർഡ് സ്ലോട്ട്, മൈക്രോഫോൺ, യുഎസ്ബി-സി പോർട്ട്, ലൗഡ്സ്‌പീക്കർ ഗ്രിൽ എന്നിവ ഈ ഹാൻഡ്‌സെറ്റിൻറെ അടിയിൽ ഉണ്ടാകും. ഒരു ഫ്ലാറ്റ് സ്ക്രീൻ ഇതിൽ ഉൾപ്പെടുത്തിയേക്കുമെന്നും ഇത് സ്ഥിരീകരിച്ചു. 6.61 ഇഞ്ച് അമോലെഡ് ഡിസ്‌പ്ലേ, ഫുൾ എച്ച്ഡി + റെസല്യൂഷൻ, 120 ഹെർട്സ് റിഫ്രഷ് റേറ്റ് എന്നിവ ഈ ഫോണിലുണ്ടാകും.

8 ജിബി, 128 ജിബി സ്റ്റോറേജ് വേരിയന്റുമായി ജോടിയാക്കുമെന്ന് പ്രതീക്ഷിക്കുന്ന സ്നാപ്ഡ്രാഗൺ 870 SoC ചിപ്‌സെറ്റായിരിക്കും ഈ ഹാൻഡ്‌സെറ്റിന് മികച്ച പ്രവർത്തനക്ഷമത നൽകുന്നത്. യഥാക്രമം 8 ജിബി + 256 ജിബി, 12 ജിബി + 128 ജിബി, 12 ജിബി + 256 ജിബി എന്നിങ്ങനെ മൂന്ന് സ്റ്റോറേജ് ഓപ്ഷനുകളിൽ കൂടി ഈ സ്മാർട്ഫോൺ വരുമെന്ന് വിശ്വസിക്കപ്പെടുന്നു. മികച്ച ഫോട്ടോഗ്രാഫിക്കായി ഈ സ്മാർട്ട്ഫോണിന് ട്രിപ്പിൾ റിയർ ക്യാമറ മൊഡ്യൂൾ ലഭിക്കാൻ സാധ്യതയുണ്ട്.

അതിൽ 48 എം‌പി സോണി ഐ‌എം‌എക്സ് 589 ലെൻസ്, ഒ‌ഐ‌എസ് സപ്പോർട്ട്, 13 എംപി സൂപ്പർ വൈഡ് ലെൻസ്, 2 എംപി ക്യാമറ എന്നിവയുണ്ട്. മുൻവശത്ത്, 16 എംപി മുൻ ക്യാമറയാണ് ഇതിൽ വരുന്നത്. ഈ ഹാൻഡ്‌സെറ്റ് ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിലായിരിക്കും പ്രവർത്തിക്കുന്നത്, കൂടാതെ ഒരു 5G കണക്റ്റിവിറ്റി ഉൾപ്പെടുമെന്ന് പ്രതീക്ഷിക്കുന്നു. ഐക്യു നിയോ 5 ൻറെ വില പോലും ഓൺ‌ലൈനിൽ ചോർന്നു കഴിഞ്ഞു.

ഇത് ആർ‌എം‌ബി 2,988 (ഏകദേശം 33,700 രൂപ) ആരംഭ വിലയുമായി വിപണിയിൽ വരുമെന്ന് പറയുന്നു. കഴിഞ്ഞ മാസം, ഗീക്ക്ബെഞ്ച് പ്ലാറ്റ്‌ഫോമിൽ "iQOO I2012" എന്ന മോഡൽ നമ്പറുള്ള ഒരു ഐക്യു സ്മാർട്ട്ഫോൺ കണ്ടെത്തിയിരുന്നു. ഇത് ഐക്യു നിയോ 5 ന്റെ ഇന്ത്യൻ വേരിയന്റാണെന്നാണ് നിഗമനം. ഇതിനർത്ഥം ഭാവിയിൽ ഈ ഹാൻഡ്‌സെറ്റ് ഇന്ത്യയിൽ അവതരിപ്പിച്ചേക്കുമെന്നാണ്.