സ്നാപ്ഡ്രാഗൺ 480 SoC പ്രോസസ്സർ, 90Hz ഡിസ്പ്ലേയുമായി ഐക്യു യു 3 എക്‌സ് അവതരിപ്പിച്ചേക്കും

ഐക്യു യു 3 എക്‌സ്: ചോർന്ന സവിശേഷതകൾ

ഐക്യു യു 3 എക്‌സ് ഹാൻഡ്‌സെറ്റിൻറെ പ്രധാന സവിശേഷതകൾ ഒരു ചൈനീസ് ടിപ്പ്സ്റ്റർ ഓൺലൈനിൽ ചോർത്തി. വരാനിരിക്കുന്ന ഈ ഹാൻഡ്‌സെറ്റിന് എൻട്രി ലെവൽ പ്രോസസർ ഉണ്ടെങ്കിലും 5 ജി-നെറ്റ്‌വർക്ക് സപ്പോർട്ട് ഉണ്ടായിരിക്കും. സ്നാപ്ഡ്രാഗൺ 480 പ്രോസസറാണ് ഈ ഹാൻഡ്‌സെറ്റിന് മികച്ച പ്രവർത്തനക്ഷമത നൽകുന്നത്. എന്നാൽ, ഇതുവരെ റാമും സ്റ്റോറേജ് കപ്പാസിറ്റിയും വ്യക്തമാക്കിയിട്ടില്ല. ഒക്ടാ-കോർ ക്വാൽകോം പ്രോസസർ 5 ജി-റെഡി ആയിരിക്കും. ടിപ്പ്സ്റ്റർ 90 ഹെർട്സ് റിഫ്രഷ് റേറ്റിൽ വരുന്ന ഡിസ്‌പ്ലേയും നിർദ്ദേശിച്ചിട്ടുണ്ട്. പാനൽ തരവും സ്‌ക്രീൻ റെസല്യൂഷനും എത്രയെന്ന് ഇതുവരെ വ്യക്തമാക്കിയിട്ടില്ല. ചോർച്ചയനുസരിച്ച്, ഐക്യു യു 3 എക്‌സ് ഒരു ഡ്യുവൽ ലെൻസ് ക്യാമറ സെറ്റപ്പ് ഉപയോഗിക്കും.

13 എംപി പ്രൈമറി ക്യാമറയുമായി ഐക്യു യു 3 എക്‌സ് വരുമെന്ന് പറയപ്പെടുന്നു. ഇത് 2 എംപി സെൻസറുമായി ജോടിയാക്കുന്നു. ഡെപ്ത് ഇഫക്റ്റുകൾക്കായി സെക്കന്ററി സെൻസർ ഉപയോഗിക്കും. 5,000 എംഎഎച്ച് ബാറ്ററി യൂണിറ്റാണ് ഈ ഹാൻഡ്‌സെറ്റിന് ചാർജ് നൽകുന്നത്. ഫാസ്റ്റ് ചാർജിംഗ് സവിശേഷത വരുന്നുണ്ടോ എന്ന കാര്യം ഇതുവരെ വെളിപ്പെടുത്തിയിട്ടില്ല. ഇതിൻറെ ഹാർഡ്‌വെയർ വശങ്ങളെക്കുറിച്ച് ടിപ്പ്സ്റ്റർ കൂടുതൽ വിശദാംശങ്ങളൊന്നും നൽകിയിട്ടില്ല. എന്നാൽ, ഈ ഹാൻഡ്‌സെറ്റ് 1,000 യുവാൻ (ഏകദേശം 11,129 രൂപ) വിലയ്ക്ക് വിപണിയിൽ വരുന്നു.

ഇന്ത്യയിൽ സമാനമായ വിലയുമായി ഈ ഹാൻഡ്‌സെറ്റ് അവതരിപ്പിക്കുമെങ്കിൽ അത് രാജ്യത്തെ ഏറ്റവും വിലകുറഞ്ഞ 5 ജി സ്മാർട്ഫോൺ എന്ന പദവി ഏറ്റെടുക്കും. പക്ഷേ, ഈ ഹാൻഡ്‌സെറ്റ് ഇന്ത്യയിലും മറ്റ് വിപണികളിലും അവതരിപ്പിക്കാനുള്ള കമ്പനിയുടെ പദ്ധതിയെക്കുറിച്ച് ഇതുവരെ ലഭ്യമല്ല. ചൈനീസ് വിപണിയുടെ ലോഞ്ച് തീയതിയും ബ്രാൻഡ് സ്ഥിരീകരിച്ചിട്ടില്ല. എന്നാൽ, അടുത്തിടെ സൂചിപ്പിച്ച ഐക്യു ഇസഡ് 3 യ്‌ക്കൊപ്പം ഈ വർഷം മാർച്ച് അവസാനത്തോടെ ഹാൻഡ്‌സെറ്റ് അവതരിപ്പിക്കുമെന്നാണ് അഭ്യൂഹങ്ങൾ.

വിവോ വൈ 31 ൻറെ റീബ്രാൻഡഡ് എഡിഷനായിരിക്കും ഈ ഹാൻഡ്‌സെറ്റ് എന്ന് ഓൺലൈൻ റിപ്പോർട്ടുകൾ സൂചിപ്പിക്കുന്നു. 5 ജി നെറ്റ്‌വർക്ക് കണക്റ്റിവിറ്റിയുള്ള ഈ ഹാൻഡ്‌സെറ്റ് അടുത്തിടെ ചൈനയിൽ അവതരിപ്പിച്ചിരുന്നു. ഐക്യു യു 3 എക്‌സിൻറെ ലീക്ക് സൂചിപ്പിക്കുന്നത് ഇത് വിവോ വൈ 31 ൻറെ സവിശേഷതകൾക്ക് സമാനമാണ്. അതിനാൽ, വൈ 31ൻറെ റീബ്രാൻഡഡ് എഡിഷനായി യു 3 എക്‌സ് വരാൻ സാധ്യതയുണ്ട്.