നമുക്കും കോളടിച്ചു! 7600mAh ബാറ്ററി, 100W ഫാസ്റ്റ് ചാർജിങ്, 200MP ക്യാമറ; ഐക്യൂ Z11 ടർബോ ലോഞ്ച് ചെയ്തു

ഐക്യൂ പ്രമുഖ ബ്രാൻഡുകളുടെ പ്രീമിയം മോഡലുകളോട് കിടപിടിക്കുന്ന ഒരു കരുത്തൻ സ്മാർട്ട്ഫോൺ ​ചൈനയിൽ ലോഞ്ച് ചെയ്തിരിക്കുന്നു, ഐക്യൂ Z11 ടർബോ (iQOO Z11 Turbo) എന്നാണ് ഈ ഫോണിന്റെ പേര്. കരുത്തൻ ബാറ്ററി, ശക്തൻ ക്യാമറ, ഉശിരൻ പെർഫോമൻസ് വാഗ്ദാനം ചെയ്യുന്ന പ്രോസസർ തുടങ്ങി മികച്ച ഫീച്ചറുകളുമായാണ് ഈ ഫോൺ അ‌വതരിപ്പിക്കപ്പെട്ടിരിക്കുന്നത്. ഈ ഫോണിന്റെ വരവോടെ ​ചൈനക്കാർക്ക് മാത്രമല്ല, നമുക്കും കോളടിച്ചു. കാരണം അ‌ധികം ​വൈകാതെ ഇത് ഇന്ത്യയിൽ നിയോ 11 എന്ന പേരിൽ ലോഞ്ച് ചെയ്യും എന്നാണ് റിപ്പോർട്ട്.

ലക്ഷണമൊത്ത ഒരു കൊമ്പനെപ്പോലെ, ഒരു മികച്ച സ്മാർട്ട്ഫോണിന് അ‌നുയോജ്യമായ ഫീച്ചറുകളെല്ലാം ഇതിൽ ഒരുമിക്കുന്നു എന്നതാണ് ശ്രദ്ധേയം. 144Hz റിഫ്രഷ് റേറ്റുള്ള 6.59-ഇഞ്ച് 2750×1260 OLED ഫ്ലാറ്റ് സ്‌ക്രീനാണ് ഇതിലുള്ളത്. 5000 നിറ്റുകളുടെ പീക്ക് ബ്രൈറ്റ്‌നസും 1 നിറ്റിന്റെ ഏറ്റവും കുറഞ്ഞ ബ്രൈറ്റ്‌നസും ഉള്ള TCL CSOT C9+ ലുമിനസെന്റ് മെറ്റീരിയൽ ഇതിൽ ഉപയോഗിച്ചിരിക്കുന്നു.

കമ്പനി സ്വയം വികസിപ്പിച്ച സോളാർ അൽഗോരിതം ഈ ഫോണിൽ ഉപയോഗിക്കുന്നു, ഇത് സൂര്യപ്രകാശത്തിൽ പോലും വ്യക്തമായ കാഴ്ചയ്ക്കായി 5000 നിറ്റ്സിന്റെ ലോക്കൽ പീക്ക് ബ്രൈറ്റ്‌നസ് നൽകുന്നു. കൂടാതെ ഐക്യൂ 15 മോഡലിലെ അതേ ഐ കംഫർട്ട് 2.0-ടെക്നോളജിയും ഇതിൽ ഉണ്ട്. സ്‌നാപ്ഡ്രാഗൺ 8 Gen 5 മൊബൈൽ പ്ലാറ്റ്‌ഫോം ആണ് ഈ ഫോണിന്റെ കരുത്ത്.

മോൺസ്റ്റർ ഹൈപ്പർ-കോർ എഞ്ചിൻ, ഒരു ഇ-സ്‌പോർട്‌സ് സിഗ്നൽ എൻഹാൻസ്‌മെന്റ് ചിപ്പ്, ഐസ് ഡോം VC ലിക്വിഡ് കൂളിംഗ് എന്നിവ ഉൾക്കൊള്ളുന്ന ഒരു സ്വയം-വികസിത ഇ-സ്‌പോർട്‌സ് ചിപ്പ്, Q2 എന്നിവ ഐക്യൂ Z11 ടർബോയിലുണ്ട്. ഐസ് ഡോം ഡ്യുവൽ-മെഷ് കൂളിംഗ് സിസ്റ്റം ആണ് ഈ ഫോണിൽ ഉപയോഗിച്ചിരിക്കുന്നത്. 24 സറൗണ്ട് ആന്റിനകൾ, AI ഇ-സ്പോർട്സ് സിഗ്നൽ എഞ്ചിൻ 2.0, ഇ-സ്പോർട്സ് സിഗ്നൽ എൻഹാൻസ്‌മെന്റ് ചിപ്പ് തണ്ടർ Z1 എന്നിവയും ഇതിലുണ്ട്.

മേൽപ്പറഞ്ഞ ഫീച്ചറുകൾ ശക്തമായ ഇന്റർനെറ്റ് കണക്ടിവിറ്റി വാഗ്ദാനം ചെയ്യുന്നു. IP68/IP69 റേറ്റിങ്ങും ഉണ്ട്. 4x ലോസ്‌ലെസ് സൂമിനെ പിന്തുണയ്ക്കുന്ന വലിയ സെൻസറുള്ള 200MP മെയിൻ ക്യാമറ സഹിതം എത്തുന്ന ആദ്യ ഐക്യൂ ഫോൺ ആണിത്. കൂടാതെ ഇതിലൂടെ ഐക്യൂ ആദ്യമായി ഫുൾ-ഫോക്കൽ-ലെങ്ത് പോർട്രെയിറ്റ് മോഡിനെ പിന്തുണയ്ക്കുന്നു.

പ്രധാന ഫീച്ചറുകൾ

144Hz റിഫ്രഷ് റേറ്റുള്ള 6.59- ഇഞ്ച് (2750×1260 പിക്സലുകൾ) 1.5K AMOLED ഡിസ്പ്ലേ, 300Hz ടച്ച് സാമ്പിൾ റേറ്റ്, 5000 nits വരെ പീക്ക് ബ്രൈറ്റ്നസ്, HDR10+, 4320Hz PWM ഡിമ്മിംഗ്, DC ഡിമ്മിംഗ്, ഷോട്ട് ഷീൽഡ് ഗ്ലാസ് പ്രൊട്ടക്ഷൻ എന്നിവ ഇതിലുണ്ട്.

ഒക്ട കോർ സ്നാപ്ഡ്രാഗൺ 8 ജെൻ 5 3nm പ്രോസസർ ആണ് ഈ ഫോണിന്റെ കരുത്ത്. അഡ്രിനോ 840 GPU, 12GB / 16GB LPDDR5x അൾട്രാ 9600Mbps റാം, 256GB/512GB/1TB UFS 4.1 സ്റ്റോറേജ് എന്നിവയും ഇതോടൊപ്പം എത്തുന്നു. ആൻഡ്രോയിഡ് 16 അ‌ടിസ്ഥാനമാക്കിയുള്ള ഒറിജിൻ OS 6ൽ ആണ് പ്രവർത്തനം.

റോബോട്ടിൽ നിന്ന് പ്രചോദനം ഉൾക്കൊണ്ടുകൊണ്ടുള്ള വ്യത്യസ്തമായ ക്യാമറ മൊഡ്യൂളിനുള്ളിൽ ഡ്യുവൽ റിയർ ക്യാമറ സജ്ജീകരണവുമായാണ് ഐക്യൂ Z11 5ജി എത്തിയിട്ടുള്ളത്. അ‌തിൽ 200MP മെയിൻ ക്യാമറ (f/1.88 അപ്പേർച്ചർ, OIS), 8MP അൾട്രാ-വൈഡ് ആംഗിൾ ലെൻസ് ( f/2.2 അപ്പേർച്ചർ, 4K വീഡിയോ റെക്കോർഡിംഗ്) എന്നിവ അ‌ടങ്ങുന്നു. സെൽഫിക്കും വീഡിയോ കോളുകൾക്കുമായി 32MP ഫ്രണ്ട് ക്യാമറയും (f/2.2 അ‌പ്പേർച്ചർ) ഉണ്ട്.

ഇൻ-ഡിസ്പ്ലേ 3D അൾട്രാസോണിക് ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, IP68 + IP69 റേറ്റിങ്, ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE, USB ടൈപ്പ്-C 2.0, NFC എന്നീ ഫീച്ചറുകളും ഈ ഐക്യൂ ഫോണിലുണ്ട്.

ഈ ഐക്യൂ ഫോണിന്റെ ​ഹൈ​ലൈറ്റുകളിലൊന്ന് 100W ഫാസ്റ്റ് ചാർജിംഗുള്ള 7600mAh ബാറ്ററിയാണ്. സെക്കൻഡ് ജനറേഷൻ സെമി-സോളിഡ്-സ്റ്റേറ്റ് ബാറ്ററി ടെക്നോളജിയാണ് ഈ ബാറ്ററി സ്വീകരിച്ചിരിക്കുന്നത്, 40 ഡിഗ്രി സെൽഷ്യസ് വരെ ചൂടിലും -20 ഡിഗ്രി സെൽഷ്യസ് വരെ തണുപ്പിലും പ്രവർത്തന നിലവാരം നിലനിർത്താൻ ഇതിന് കഴിയുമെന്ന് ഐക്യൂ പറയുന്നു. ഓൾ-സിനാരിയോ ഡയറക്ട് ഡ്രൈവ് പവർ സപ്ലൈ 2.0 പിന്തുണയും ഇതിനുണ്ട്.

ഫ്ലോട്ടിംഗ് ലൈറ്റ്, ഹാലോ പിങ്ക്, സ്കൈ വൈറ്റ്, മിഡ്‌നൈറ്റ് ബ്ലാക്ക് എന്നിങ്ങനെ നാല് കളർ ഓപ്ഷനുകളിലാണ് ഈ ഫോൺ എത്തിയിരിക്കുന്നത്. മിഡ്‌നൈറ്റ് ബ്ലാക്ക് നിറത്തിൽ ഫൈബർഗ്ലാസ് ബാക്ക് കവറും മറ്റുള്ളവയിൽ ഗ്ലാസ് ബാക്ക് കവറുകളും ആണുള്ളത്. കൂടാതെ ഈ ഫോൺ അലുമിനിയം അലോയ് ഫ്രെയിം ഉപയോഗിക്കുന്നു.

157.61×74.42×8.1mm (സ്കൈ വൈറ്റ്, ഫ്ലോട്ടിംഗ് ലൈറ്റ്, ഹാലോ പിങ്ക്) / 7.9mm (മിഡ്‌നൈറ്റ് ബ്ലാക്ക്) വലിപ്പവും 202 ഗ്രാം (മിഡ്‌നൈറ്റ് ബ്ലാക്ക്) / 206 ഗ്രാം (സ്കൈ വൈറ്റ്, ഫ്ലോട്ടിംഗ് ലൈറ്റ്, ഹാലോ പിങ്ക്) ഭാരവും ഐക്യൂ Z11 ടർബോ 5ജിക്ക് ഉണ്ട്.

വിലയും ലഭ്യതയും

ഐക്യൂ Z11 ടർബോ 5ജിയുടെ 12GB+256GB വേരിയന്റിന് 2699 യുവാൻ (ഏകദേശം 34,960 രൂപ), 16GB+256GB വേരിയന്റിന് 2999 യുവാൻ (ഏകദേശം 38,840 രൂപ), 12GB+512GB വേരിയന്റിന് 3199 യുവാൻ (ഏകദേശം 42,735 രൂപ), 16GB+512GB വേരിയന്റിന് 3499 യുവാൻ (ഏകദേശം 45,315 രൂപ), 16GB+1TB വേരിയന്റിന് 3999 യുവാൻ (ഏകദേശം 51,790 രൂപ) എന്നിങ്ങനെയാണ് വില.