ഇതാണോ ലോകത്തിലെ ഏറ്റവും ചെറിയ സ്മാര്‍ട്ട്‌ഫോണ്‍?

ടോക്ക്/ ടെക്‌സ്റ്റ് മൊബൈല്‍ ഫോണ്‍

സാന്‍കോ ടൈനി ടി1 എന്ന ഈ ഫീച്ചര്‍ ഫോണിന്, ബാര്‍ ഫോണ്‍ ഡിസൈനാണ്. സാധാരണ ഒരു സ്മാര്‍ട്ട്‌ഫോണിനെ പോലെ ഇതില്‍ ചെയ്യാന്‍ സാധിക്കുന്നില്ലെങ്കിലും സാന്‍കോ ടൈനി ടി1 ആല്‍ഫാ ന്യൂമെറിക് കീബോര്‍ഡ് ഉപയോഗിച്ച് 'ടോക്ക് ആന്‍ഡ് ടെക്‌സ്റ്റ്' ഫോണാണെന്നു കമ്പനി പറയുന്നു. ഈ ഫോണ്‍ നിങ്ങളുടെ തളളവിരലിനേക്കാള്‍ ചെറുതായിരിക്കും, കൂടാതെ ഒരു നാണയത്തിന്റെ അത്ര പോലും ഭാരമുണ്ടാകില്ല. 46.7X21X12mm അളവും 13 ഗ്രാം ഭാരവുമാണ് ഈ ഫോണിന്.

ഡിസ്‌പ്ലേ, പ്രോസസര്‍, റാം, സ്‌റ്റോറേജ്

0.49 ഇഞ്ച് OLED (32X64 പിക്‌സല്‍) ഡിസ്‌പ്ലേയാണ് ഈ ഫോണിനുളളത്. മീഡിയാടെക് MTK6261D ആണ് ഈ ഫോണിന് ശക്തി നല്‍കുന്നത്. കൂടാതെ 32ജിബി റാം, 32എംബി സ്‌റ്റോറേജ്, 300 കോണ്ടാക്ട് ഫോണ്‍ബുക്ക്, 50 എസ്എംഎസ് സ്‌റ്റോറേജ്, അവസാനത്തെ 50 ഇന്‍കമിംഗ് ഔട്ട്‌ഗോയിംഗ് നമ്പര്‍ എന്നിവ കോള്‍ ലോഗില്‍ ഉണ്ടാകും.

മറ്റു സവിശേഷതകള്‍

ഈ ഫോണിന് ശക്തി നല്‍കുന്നത് 200എംഎഎച്ച് ബാറ്ററിയാണ്. മൂന്നു ദിവസത്തെ സ്റ്റാന്‍ഡ് ബൈ, 180 മിനിറ്റ് ടോക്ടൈമും ഉണ്ട്. ഒരു നാനോ സിം മാത്രമാണ് ഈ ഫോണില്‍ പിന്തുണയ്ക്കുന്നത്. 2ജി, ബ്ലൂട്ടൂത്ത്, മൈക്രോ യുഎസ്ബി എന്നിവ കണക്ടിവിറ്റികളുമാണ്.

രണ്ട് 2ജി ബ്രാന്‍ഡ് ഫ്രീക്വന്‍സിയിലാണ് ഈ ഫോണ്‍ ലഭിക്കുന്നത്. ഒന്ന് 8550/ 1900 ഉും മറ്റൊന്ന് 900/1800 ഉും. 3ജി/ 4ജി ഫ്രീക്വന്ഡസി ഫോണ്‍ പിന്തുണയ്ക്കില്ല, കൂടാതെ ഇന്റര്‍നെറ്റ് ആക്‌സസും ഇല്ല. ഏകദേശം 2,280 രൂപയാണ് ഈ ഫോണിന് പറഞ്ഞിരിക്കുന്ന വില. 2018 മേയ് മാസത്തില്‍ ഈ ഫോണിന്റെ ഷിപ്പ്‌മെന്റ് ആരംഭിക്കുമെന്നും റിപ്പോര്‍ട്ടില്‍ പറയുന്നു.