സത്യമായും ഇതിന് 6099 രൂപയേ വിലയുള്ളൂ; 6.6 ഇഞ്ച് ഡിസ്പ്ലേ, 8GB റാം, 1TB സ്റ്റോറേജ് എല്ലാം സെറ്റാണ്

ബജറ്റ് വിലയിൽ ശ്രദ്ധ കേന്ദ്രീകരിച്ച് സ്മാർട്ട്ഫോണുകൾ പുറത്തിറക്കുന്ന ഐടെൽ തങ്ങളുടെ എ05എസ് (Itel A05s) മോഡലിന്റെ പുതിയ വേരിയന്റ് ഇന്ത്യയിൽ പുറത്തിറക്കി. ഈ വർഷം ഒക്ടോബറിൽ ഐടെൽ എ05എസ് ഇന്ത്യയിൽ ലോഞ്ച് ചെയ്തിരുന്നു. അ‌ന്ന് 2ജിബി റാമും 32ജിബി സ്റ്റോറേജുമുള്ള ഒറ്റ പതിപ്പാണ് അ‌ന്ന് അ‌വതരിപ്പിക്കപ്പെട്ടത്.

ഐടെൽ എ05എസ് ഇന്ത്യയിൽ ലോഞ്ച് ചെയ്ത് ഏകദേശം മൂന്ന് മാസത്തിനിപ്പുറമാണ് കമ്പനി പുതിയൊരു വേരിയന്റ് പുറത്തിറക്കിയിരിക്കുന്നത്. 4GB റാം+ 64GB സ്റ്റോറേജ് കോൺഫിഗറേഷനാണ് ഇപ്പോൾ പുറത്തിറക്കിയിരിക്കുന്ന വേരിയന്റിന്റെ പ്രത്യേകത. ഒക്ടാ കോർ യൂണിസോക് SC9863A ചിപ്സെറ്റിൽ ആണ് ഈ ​സ്മാർട്ട്ഫോണിന്റെ പ്രവർത്തനം.

ഐടെൽ A05s-ന്റെ പുതുതായി പുറത്തിറക്കിയ 4GB റാം + 64GB സ്റ്റോറേജ് വേരിയന്റിന്റെ വില 6,099 രൂപയാണ്. ഇതൊരു പ്രാരംഭവിലയാകാം. രാജ്യത്തെ പ്രമുഖ റീട്ടെയിൽ സ്റ്റോറുകൾ വഴി ഈ ഫോൺ വിൽപ്പനയ്‌ക്കെത്തുന്നു. ക്രിസ്റ്റൽ ബ്ലൂ, ഗ്ലോറിയസ് ഓറഞ്ച്, മെഡോ ഗ്രീൻ, നെബുല ബ്ലാക്ക് കളർ ഓപ്ഷനുകളിൽ ആണ് ഈ ഫോണുകൾ ലഭ്യമാകുക.

ഐടെൽ എ05എസ് സ്മാർട്ട്ഫോണിന്റെ പ്രധാന ഫീച്ചറുകൾ: 60Hz റിഫ്രഷ് റേറ്റ്, 120Hz ടച്ച് സാംപ്ലിംഗ് റേറ്റ്, 270ppi പിക്‌സൽ സാന്ദ്രത എന്നിവയുള്ള 6.6-ഇഞ്ച് HD+ (720 x 1,612 പിക്‌സൽ) IPS ഡിസ്‌പ്ലേ ആണ് ഇതിലുള്ളത്. സെൽഫി ക്യാമറ വാട്ടർഡ്രോപ്പ്-സ്റ്റൈൽ നോച്ചിൽ നൽകിയിരിക്കുന്നു.

4 ജിബി വരെ റാമും 64 ജിബി വരെ ഇൻബിൽറ്റ് സ്റ്റോറേജും ജോടിയാക്കിയ ഒക്ടാ-കോർ യൂണിസോക്ക് SC9863A ആണ് ഇതിലുള്ളത്. ഉപയോഗിക്കാത്ത സ്റ്റോറേജ് ഉപയോഗിച്ച് റാം 8 ജിബി വരെ വികസിപ്പിക്കാം, അതേസമയം മൈക്രോ എസ്ഡി കാർഡ് ഉപയോഗിച്ച് സ്റ്റോറേജ് 1 ടിബി വരെ വികസിപ്പിക്കാം.

എൽഇഡി ഫ്ലാഷിനൊപ്പം 8-മെഗാപിക്സൽ സിംഗിൾ റിയർ ക്യാമറയും ഉണ്ട്. ഫ്രണ്ടിൽ സെൽഫികൾക്കും വീഡിയോ ചാറ്റുകൾക്കുമായി 5 മെഗാപിക്സൽ ക്യാമറയും ഐടെൽ എ05എസ് പായ്ക്ക് ചെയ്യുന്നു. 4ജി എൽടിഇ, ബ്ലൂടൂത്ത്, 3.5 എംഎം ഓഡിയോ ജാക്ക്, യുഎസ്ബി ടൈപ്പ്-സി പോർട്ട് എന്നിവയാണ് ഈ ഹാൻഡ്‌സെറ്റിലെ കണക്റ്റിവിറ്റി ഓപ്ഷനുകൾ.

ഫിംഗർപ്രിന്റ് സെൻസറും ഫേസ് അൺലോക്ക് ഫീച്ചറും ഈ സ്മാർട്ട്ഫോണിലുണ്ട്. 4000 mAh ബാറ്ററിയാണ് ഇതിൽ സജ്ജീകരിച്ചിരിക്കുന്നത്. ​ദൈനംദിന ആവശ്യങ്ങൾ നിറവേറ്റാൻ ഒരു സാധാരണ സ്മാർട്ട്ഫോൺ മതി എന്നുള്ളവർക്ക് ഐടെലിന്റെ ഈ 4ജി സ്മാർട്ട്ഫോൺ പരിഗണിക്കാവുന്നതാണ്. എന്നാൽ കുറഞ്ഞ നിരക്കിൽ ഒരു 5ജി സ്മാർട്ട്ഫോണാണ് വേണ്ടത് എങ്കിൽ അ‌തിനും ഐടെലിനെ തന്നെ ആശ്രയിക്കാം.

പതിനായിരം രൂപയിൽതാഴെ വിലയിൽ മികച്ചൊരു 5ജി ഫോൺ ഐടെൽ പുറത്തിറക്കിയിട്ടുണ്ട്. 6.6-ഇഞ്ച് HD+ (1600 x 700 പിക്സൽ) ഡിസ്പ്ലേ സഹിതം എത്തുന്ന ഈ സ്മാർട്ട്ഫോണിന്റെ കരുത്ത് 6nm മീഡിയടെക് ഡിമെൻസിറ്റി 6080 5ജി ചിപ്സെറ്റാണ്. 90hz റിഫ്രഷ് റേറ്റും 91 ശതമാനം സ്ക്രീൻ ടു ബോഡി റേഷ്യോയും ഇതിലുണ്ട്.

ഇന്ന് 15000 രൂപ വിലയിൽ ലഭ്യമാകുന്ന പല സ്മാർട്ട്ഫോണുകളിലും ഉള്ളതിനെക്കാൾ മികച്ച ഫീച്ചറുകൾ ഐടെലിന്റെ ഈ 5ജി ഫോൺ ഒരു ഓഫറുമില്ലാതെ 9999 രൂപയ്ക്ക് നൽകുന്നു. എഐ പിന്തുണയോടുകൂടിയ 50എംപി മെയിൻ ക്യാമറ അ‌ടങ്ങുന്ന ഡ്യുവൽ റിയർ ക്യാമറയാണ് ഐടെൽ പി55ൽ ഉള്ളത്. സെൽഫിക്കായി 8എംപി ഫ്രണ്ട് ക്യാമറയും ഉണ്ട്.

10 5ജി ബാൻഡുകളുടെ പിന്തുണയുള്ള ഐടെൽ പി55 18w ​ടൈപ്പ് സി ഫാസ്റ്റ് ചാർജിങ്ങും 5000എംഎഎച്ച് ബാറ്ററിയും സഹിതമാണ് എത്തുന്നത്. സുരക്ഷയ്ക്കായി ഒരു ​സൈഡ് മൗണ്ട് ഫിംഗർപ്രിന്റ് സെൻസറും ഇതിലുണ്ട്. ആൻഡ്രോയിഡ് 13 ൽ ആണ് പ്രവർത്തനം. ബ്ലൂ, ഗ്രീൻ കളർ ഓപ്‌ഷനുകളിൽ ഐടെൽ പി55 5ജി ആമസോണിൽ ലഭ്യമാണ്.