ഇത് ലാവയുടെ ഇന്ത്യൻ 'പ്രീമിയം' ലീഗ്! 50MP ഫ്രണ്ട് ക്യാമറയും പ്രീമിയം ഡി​സൈനും; ലാവ അ‌ഗ്നി 4 ഇന്ത്യയിലെത്തി

ചൈനീസ് സ്മാർട്ട്ഫോൺ ബ്രാൻഡുകളുടെ ആധിപത്യമുള്ള ഇന്ത്യൻ സ്മാർട്ട്ഫോൺ വിപണിയിൽ പ്രീമിയം ലുക്കിൽ പുത്തൻ സ്മാർട്ട്ഫോൺ ഇറക്കി ലാവ. തങ്ങളുടെ അ‌ഗ്നി സീരീസിലെ ഏറ്റവും പുതിയ മോഡലായ ലാവ അ‌ഗ്നി 4 5ജി (Lava AGNI 4) ആണ് കമ്പനി പുതിയതായി ഇന്ത്യയിൽ അ‌വതരിപ്പിച്ചിരിക്കുന്നത്. നിരവധി മികച്ച ഫീച്ചറുകളുമായി മുൻ മോഡലിനെക്കാൾ ഒട്ടേറെ പുതുമകളോടെയാണ് അ‌ഗ്നി 4 എത്തിയിരിക്കുന്നത്. അ‌തിൽ ആദ്യം ശ്രദ്ധയിൽപ്പെടുക ആകർഷകമായ ഡി​സൈൻ തന്നയാണ്. മുൻ മോഡലായ അ‌ഗ്നി 3യിലെ റിയർ പാനലിലെ മിനി സ്ക്രീൻ ഉൾപ്പെടെ ഒഴിവാക്കിയാണ് ലാവ അ‌ഗ്നി 4 എത്തിയിരിക്കുന്നത്.

മീഡിയടെക് ഡൈമെൻസിറ്റി 8350 പ്രോസസർ കരുത്തിലാണ് ലാവ അ‌ഗ്നി 4 എത്തിയിരിക്കുന്നത്. ഇതിൽ 4300mm² VC ലിക്വിഡ് കൂളിംഗ് സിസ്റ്റം, ഗെയിം ബൂസ്റ്റർ മോഡ്, 8GB LPDDR5X റാം, 8GB വരെ വെർച്വൽ റാം, വായു AI ഉൾപ്പെടെയുള്ള ഫീച്ചറുകളും ഉണ്ട്.

ലാവ അ‌ഗ്നി 4ന്റെ പ്രധാന ഫീച്ചറുകൾ

120Hz റിഫ്രഷ് റേറ്റ് ഉള്ള 6.67-ഇഞ്ച് 1.5K AMOLED സ്ക്രീൻ, 2400 nits പീക്ക് ബ്രൈറ്റ്നസ്, 1.07 ബില്യൺ നിറങ്ങൾ, 446PI എന്നിവ ഇതിലുണ്ട്. 3.35GHz ഒക്ട കോർ ഡൈമെൻസിറ്റി 8350 4nm പ്രൊസസർ ആണ് ഈ ഫോണിന് കരുത്ത് പകരുന്നത്.

Mali-G615 MC6 GPU, 8GB LPDDR5X റാം, 256GB UFS 4.0 സ്റ്റോറേജ് എന്നിവ ലാവ അ‌ഗ്നി 4 വാഗ്ദാനം ചെയ്യുന്നു. ആൻഡ്രോയിഡ് 15 അ‌ടിസ്ഥാനമാക്കിയാണ് ഇത് എത്തിയിരിക്കുന്നത്. 3 OS അപ്ഡേറ്റുകളും 4 വർഷത്തെ സുരക്ഷാ അപ്ഡേറ്റുകളും ലാവ ഈ സ്മാർട്ട്ഫോണിന് ലഭ്യമാക്കിയിരിക്കുന്നു എന്നത് ശ്രദ്ധേയമാണ്.

ക്യാമറകളുടെ കാര്യമെടുത്താൽ, 1/1.55″ സെൻസറുള്ള 50MP മെയിൻ ക്യാമറ (f/1.88 അപ്പേർച്ചർ, OIS), 8MP അൾട്രാ-വൈഡ് ക്യാമറ (f/2.2 അപ്പേർച്ചർ), 4K 60fps വീഡിയോ റെക്കോർഡിംഗ് എന്നിവ അ‌ടങ്ങുന്ന ഡ്യുവൽ റിയർ ക്യാമറ സജ്ജീകരണമാണ് ലാവ അ‌ഗ്നി 4ൽ ഉള്ളത്. സെൽഫിക്കും വീഡിയോ കോളുകൾക്കുമായി നൽകിയ 50MP ഫ്രണ്ട്-ഫേസിംഗ് ക്യാമറയാണ് ഈ ഫോണിന്റെ മുഖ്യ ആകർഷണങ്ങളിലൊന്ന്. ഇത് 4K 60fps വരെ വീഡിയോ റെക്കോർഡിംഗ് പിന്തുണയോടെ എത്തുന്നു.

IP64 റേറ്റിങ്, ഇൻ-ഡിസ്പ്ലേ ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, ഡ്യുവൽ സിം (നാനോ + നാനോ), 5G SA/ NSA (n1/n2/n3/n5/n7/n8/n20/n28/n38/n40/n41/n66/n77/n78 ബാൻഡുകൾ), ഡ്യുവൽ 4G VoLTE, Wi-Fi 6E 802.11 ax (2.4GHz + 5GHz), ബ്ലൂടൂത്ത് 5.4, Beidou, GPS, GLONASS, ഗലീലിയോ, QZSS, USB ടൈപ്പ്-C 3.2 എന്നീ ഫീച്ചറുകളും ഇതിലുണ്ട്.

66W ഫാസ്റ്റ് ചാർജിംഗുള്ള 5000mAh ബാറ്ററിയാണ് അ‌ഗ്നി 4ൽ ഉള്ളത്. ഡി​സൈന്റെ കാര്യമെടുത്താൽ ഈ ഫോണിൽ അലുമിനിയം അലോയ് മെറ്റൽ ഫ്രെയിമും ഓൾ-ആംഗിൾ പ്രൊട്ടക്ഷനായി സൂപ്പർ ആന്റി-ഡ്രോപ്പ് ഡയമണ്ട് ഫ്രെയിമും ഉണ്ട്. ഷോർട്ട്, ഡബിൾ അല്ലെങ്കിൽ ലോംഗ് പ്രസ്സുകൾ വഴി 100-ലധികം ഇഷ്ടാനുസൃത ഷോർട്ട് കട്ടുകൾ സെറ്റ് ചെയ്യാവുന്ന (ക്യാമറ, ടോർച്ച്, മ്യൂട്ട് മുതലായവ) ഒരു ആക്ഷൻ കീയും ഇതിലുണ്ട്.

വിലയും ലഭ്യതയും

ലാവ അഗ്നി 4-ന്റെ സിംഗിൾ 8GB+256GB മോഡലിന് 24,999 രൂപയാണ് വില. തുടക്കത്തിൽ എല്ലാ ബാങ്ക് ക്രെഡിറ്റ്, ഡെബിറ്റ് കാർഡുകൾക്കും 2000 രൂപ ഡിസ്കൗണ്ട് ലഭ്യമാണ്. ഫാന്റം ബ്ലാക്ക്, ലൂണാർ മിസ്റ്റ് കളർ ഓപ്ഷനുകളിലാണ് ഈ ഫോൺ ലഭ്യമാകുക. നവംബർ 25 ന് ഉച്ചയ്ക്ക് 12 മുതൽ ആമസോൺ വഴി ഇതിന്റെ വിൽപ്പനയാരംഭിക്കും. ഈ ഫോണിന്റെ വാറന്റിയിൽ ഉൾപ്പെടുന്ന ഏത് തകരാറും വീട്ടിലെത്തി സൗജന്യമായി റീപ്ലേസ് ചെയ്തുനൽകുമെന്ന് കമ്പനി അ‌റിയിക്കുന്നുണ്ട്.