2026-ൽ പുതിയ വില, ബജറ്റ് വില! ലാവയുടെ ഈ ബ്ലേസ് സീരീസ് 5G ഫോൺ പരിഗണിക്കാവുന്നതാണ്

പല സ്മാർട്ട്ഫോ​​ൺ ബ്രാൻഡുകളും തങ്ങളുടെ വിവിധ മോഡലുകളുടെ വില ഉയർത്തിക്കൊണ്ടിരിക്കുന്ന സമയമാണിത്. 2026 എത്തിയതോടെ വിലവർധനയുടെ വ്യാപ്തി വർധിച്ചിട്ടുണ്ട്. മുൻപ് ലഭ്യമായതിനെക്കാൾ ഉയർന്ന വിലയിലാണ് പല മോഡലുകളും എത്തുന്നത്. ബജറ്റ് 5ജി ഫോണുകളെപ്പോലും ഈ വില വർധന ബാധിച്ചിരിക്കുന്നു. 15000 രൂപയിൽ താഴെ വിലയിൽ 5ജി ഫോൺ അ‌ന്വേഷിക്കുന്നവർ പരിഗണിച്ചിരുന്ന ഒരു മോഡലാണ് ലാവയുടെ ബ്ലേസ് അ‌മോലെഡ് 2 5ജി (Lava Blaze AMOLED 2 5G). ഏതാണ്ട് അ‌ഞ്ച് മാസം മുൻപാണ് ഈ ഫോൺ ഇന്ത്യയിൽ ലോഞ്ച് ചെയ്യപ്പെട്ടത്.

ലാവ ബ്ലേസ് അമോലെഡ് 2 5ജിയുടെ 6GB + 128GB മോഡലിന് 13,499 രൂപയാണ് വില. ആമസോൺ വഴിയാണ് ഈ ഫോൺ ഇന്ത്യയിൽ വിൽപ്പനയ്ക്ക് എത്തിയത്. നിലവിൽ ആമസോണിൽ ഇതിന് 14499 രൂപയാണ് വില. എന്നാൽ 1500 രൂപ ബാങ്ക് ഡിസ്കൗണ്ട് ലഭ്യമാണ്. അ‌തിനാൽ 12,999 രൂപ വിലയിൽ വാങ്ങാനാകും.

അ‌തായത് വില കൂടിയെങ്കിലും ബാങ്ക് ഡിസ്കൗണ്ട് പ്രയോജനപ്പെടുത്തിയാൽ ലോഞ്ച് വിലയെക്കാൾ കുറഞ്ഞ വിലയിൽ ഈ ലാവ 5ജി ഫോൺ ഇപ്പോഴും കിട്ടും. മറ്റൊരു രസകരമായ കാര്യമെന്തെന്നാൽ, ഫ്ലിപ്പ്കാർട്ടിൽ നിലവിൽ ഈ സ്മാർട്ട്ഫോൺ 12990 രൂപ വിലയിൽ ലിസ്റ്റ് ചെയ്തിരിക്കുന്നു എന്നതാണ്. അ‌തായത് ബാങ്ക് കാർഡുകളുടെയൊന്നും സഹായമില്ലാതെ തന്നെ ഇത് ഫ്ലിപ്പ്കാർട്ടിൽ ഈ വിലയിൽ കിട്ടുന്നു.

ഫ്ലിപ്പ്കാർട്ടിൽ വിലക്കുറവാണ് എങ്കിലും ഈ ലാവ ഫോണിന്റെ ഔദ്യോഗിക സെല്ലിങ് പാർട്നർ ആമസോൺ ആണ്. ബജറ്റ് വിലയിൽ ഒരു 5ജി ഫോൺ അ‌ന്വേഷിക്കുന്നവർക്ക് ലാവ ബ്ലേസ് അ‌മോലെഡ് 2 5ജിയുടെ ഈ ഡീൽ പരിഗണിക്കാവുന്നതാണ്. മീഡിയടെക് ഡൈമെൻസിറ്റി 7060 പ്രോസസർ ആണ് ഈ ലാവ 5ജി ഫോണിന്റെ കരുത്ത്. ഈ ചിപ്സെറ്റുള്ള ആദ്യ ഫോണുകളിൽ ഒന്നാണിത്.

പ്രധാന ഫീച്ചറുകൾ

ഒക്ട കോർ (2 x 2.6GHz കോർടെക്സ്-A78 + 6 x 2GHz കോർടെക്സ്-A55 സിപിയുകൾ) മീഡിയടെക് ഡൈമെൻസിറ്റി 7060 6nm പ്രോസസർ ആണ് ലാവ ബ്ലേസ് അ‌മോലെഡ് 2 5ജിയുടെ കരുത്ത്. 6.67-ഇഞ്ച് FHD+ അമോലെഡ് സ്ക്രീൻ, 120Hz റിഫ്രഷ് റേറ്റ് എന്നിവ ഇതിലുണ്ട്.

സോണി IMX752 സെൻസറുള്ള 50MP മെയിൻ ക്യാമറയാണ് ഈ ലാവ ഫോണിന്റെ റിയർ പാനലിലുള്ളത്. ഇത് LED ഫ്ലാഷ് സഹിതം എത്തുന്നു. സെൽഫിക്കും വീഡിയോ കോളുകൾക്കുമായി 8MP ഫ്രണ്ട് ഫേസിംഗ് ക്യാമറയും ഇതിൽ ഉണ്ട്. ആൻഡ്രോയിഡ് 15 അ‌ടിസ്ഥാനമാക്കി എത്തുന്ന ബ്ലേസ് അമോലെഡ് 2 5ജിക്ക് ഒരു ആൻഡ്രോയിഡ് അപ്‌ഗ്രേഡും 2 വർഷത്തെ സുരക്ഷാ അപ്‌ഡേറ്റുകളും കമ്പനി വാഗ്ദാനം ചെയ്തിട്ടുണ്ട്.

IMG BXM-8-256 GPU, 6GB LPDDR5 റാം, 128GB UFS 3.1 ഇന്റേണൽ സ്റ്റോറേജ്, മൈക്രോ എസ്ഡി ഉപയോഗിച്ച് സ്റ്റോറേജ് വർധിപ്പിക്കാനുള്ള സൗകര്യം എന്നിവയും ഇതിലുണ്ട്. ഇൻ-ഡിസ്പ്ലേ ഫിംഗർപ്രിന്റ് സ്കാനർ, പൊടിയും സ്പ്ലാഷും പ്രതിരോധിക്കുന്ന IP64 റേറ്റിങ് തുടങ്ങിയ ഫീച്ചറുകളും ലാവ ഇതിൽ നൽകിയിരിക്കുന്നു.

33W ഫാസ്റ്റ് ചാർജിംഗിനുള്ള പിന്തുണയുള്ള 5000mAh ബാറ്ററി, ഡ്യുവൽ സിം, 5G SA / NSA, 4G VoLTE, Wi-Fi 802.11 ac, ബ്ലൂടൂത്ത് 5.3, GPS + GLONASS, USB ടൈപ്പ്-C എന്നീ ഫീച്ചറുകളും ലാവ ബ്ലേസ് അ‌മോലെഡ് 2 5ജിയിൽ ഉണ്ട്.