ആരുടെയൊക്കെയോ ഭാഗ്യം! ഈ ലാവ 5G ഫോണിന്റെ വില ഇപ്പോൾ വളരെ കുറഞ്ഞു

2026ന്റെ തുടക്കത്തിൽ പല സ്മാർട്ട്ഫോണുകൾക്കും വില കൂടുകയുണ്ടായി. അ‌ത്തരത്തിൽ വില കൂട്ടപ്പെട്ട ഒരു സ്മാർട്ട്ഫോൺ മോഡലാണ് ലാവ ബ്ലേസ് അ‌മോലെഡ് 2 5ജി (Lava Blaze AMOLED 2 5G). കഴിഞ്ഞ വർഷം ഓഗ്സ്റ്റിൽ ഇന്ത്യയിൽ ലോഞ്ച് ചെയ്യുമ്പോൾ ഇതിന്റെ 6GB + 128GB മോഡലിന് 13,499 രൂപയായിരുന്നു വില. എന്നാൽ 2026 ജനുവരിയിൽ ഇതിന്റെ വില 14499 രൂപയായി വർധിച്ചു. മിഡ്‌നൈറ്റ് ബ്ലാക്ക്, വൈറ്റ് ഫെതർ എന്നീ രണ്ട് കളർ ഓപ്ഷനുകളിലാണ് ഈ ലാവ 5ജി ഫോൺ എത്തിയത്. ഇതിൽ ബ്ലാക്ക് കളർ ഓപ്ഷന് ഇപ്പോൾ വില കുറഞ്ഞിട്ടുണ്ട്.

ആമസോണിൽ ലാവ ബ്ലേസ് അമോലെഡ് 2 5ജിയുടെ മിഡ്‌നൈറ്റ് ബ്ലാക്ക് കളർ വേരിയന്റിന് 12999 രൂപയാണ് ഇപ്പോഴത്തെ വില. അ‌തേസമയം വൈറ്റ് ഫെതർ കളർ ഓപ്ഷൻ 14999 രൂപ വിലയിൽ തന്നെയാണ് ലിസ്റ്റ് ചെയ്തിരിക്കുന്നത്. ഈ രണ്ട് കളർ ഓപ്ഷനുകൾക്കും 1000 രൂപ ബാങ്ക് ഡിസ്കൗണ്ടും ആമസോണിൽ ലഭ്യമാണ്.

ബാങ്ക് ഡിസ്കൗണ്ട് പ്രയോജനപ്പെടുത്തിയാൽ ലാവ ബ്ലേസ് അമോലെഡ് 2 5ജിയുടെ ബ്ലാക്ക് കളർ ഓപ്ഷൻ ഇപ്പോൾ 11999 രൂപ വിലയിൽ വാങ്ങാനാകും. അ‌തേസമയം ​വൈറ്റ് കളർ ഓപ്ഷന് 13999 രൂപയായിരിക്കും വില. ബജറ്റ് വിലയിൽ 5ജി ഫോൺ തേടുന്നവർക്ക് ഈ മിഡ്‌നൈറ്റ് ബ്ലാക്ക് വേരിയന്റ് പരിഗണിക്കാവുന്നതാണ്.

പ്രധാന ഫീച്ചറുകൾ

ഒക്ട കോർ (2 x 2.6GHz കോർടെക്സ്-A78 + 6 x 2GHz കോർടെക്സ്-A55 സിപിയുകൾ) മീഡിയടെക് ഡൈമെൻസിറ്റി 7060 6nm പ്രോസസർ കരുത്തിലാണ് ഈ ബജറ്റ് 5ജി ഫോൺ ലാവ അ‌വതരിപ്പിച്ചിട്ടുള്ളത്. IMG BXM-8-256 ജിപിയുവും ഇതിലുണ്ട്. 6GB LPDDR5 റാം, 128GB UFS 3.1 ഇന്റേണൽ സ്റ്റോറേജ് എന്നിവയും ഇതോടൊപ്പം നൽകിയിരിക്കുന്നു.

മൈക്രോ എസ്ഡി ഉപയോഗിച്ച് സ്റ്റോറേജ് വർധിപ്പിക്കാനുള്ള സൗകര്യവും ലാവ ബ്ലേസ് അ‌മോലെഡ് 5ജിയിലുണ്ട്. 120Hz റിഫ്രഷ് റേറ്റുള്ള 6.67-ഇഞ്ച് FHD+ അമോലെഡ് സ്ക്രീൻ ആണ് ഈ ലാവ ബജറ്റ് 5ജി ഫോണിലുള്ളത്. പൊടിയും സ്പ്ലാഷും പ്രതിരോധിക്കുന്ന IP64 റേറ്റിങ് ഇതിൽ സജ്ജീകരിച്ചിരിക്കുന്നു.

സോണി IMX752 സെൻസറുള്ള 50MP മെയിൻ ക്യാമറയാണ് ലാവ ബ്ലേസ് അമോലെഡ് 2 5ജിയുടെ റിയർ ക്യാമറ സജ്ജീകരണത്തെ നയിക്കുന്നത്. LED ഫ്ലാഷ് പിന്തുണയും ഇതിലുണ്ട്. സെൽഫിക്കും വീഡിയോ കോളുകൾക്കുമായി 8MP ഫ്രണ്ട് ഫേസിംഗ് ക്യാമറയും ഉണ്ട്. സുരക്ഷയ്ക്കായി ഇൻ-ഡിസ്പ്ലേ ഫിംഗർപ്രിന്റ് സ്കാനർ ആണ് ഉള്ളത്.

ആൻഡ്രോയിഡ് 15 അ‌ടിസ്ഥാനമാക്കി എത്തുന്ന ബ്ലേസ് അമോലെഡ് 2 5ജിക്ക് ഒരു ആൻഡ്രോയിഡ് അപ്‌ഗ്രേഡും 2 വർഷത്തെ സുരക്ഷാ അപ്‌ഡേറ്റുകളും കമ്പനി വാഗ്ദാനം ചെയ്തിട്ടുണ്ട്. ഡ്യുവൽ സിം, 5G SA / NSA, 4G VoLTE, Wi-Fi 802.11 ac, ബ്ലൂടൂത്ത് 5.3, GPS + GLONASS, USB ടൈപ്പ്-C, 33W ഫാസ്റ്റ് ചാർജിംഗിനുള്ള പിന്തുണയുള്ള 5000mAh ബാറ്ററി എന്നീ ഫീച്ചറുകളും ഇതിലുണ്ട്.

ബജറ്റ് വിലയിൽ ലഭ്യമാകുന്ന സ്മാർട്ട്ഫോണുകൾ പലതും 128ജിബിയിൽ താഴെ സ്റ്റോറേജാണ് പലപ്പോഴും വാഗ്ദാനം ചെയ്യുക, ഇതിൽ 11999 രൂപ വിലയിൽ 128ജിബി സ്റ്റോറേജ് ലാവ ബ്ലേസ് അ‌മോലെഡ് 2 5ജി വാഗ്ദാനം ചെയ്യുന്നുണ്ട്. കുറഞ്ഞ വിലയിൽ ഒരു 5ജി ഫോൺ തേടുന്നവർക്ക് ആമസോണിലെ ഈ ലാവ 5ജി ഫോൺ ഡീലും പരിഗണിക്കാവുന്നതാണ്.