ബാക്ക് ക്യാമറ വച്ച് സെൽഫിയെടുക്കാം! രണ്ട് ഡിസ്പ്ലേയുള്ള ലാവ ബ്ലേസ് ഡ്യുവോ 3 ഇന്ത്യയിൽ ലോഞ്ച് ചെയ്തു

ലാവ തങ്ങളുടെ ബ്ലേസ് സീരീസിൽ പുതിയ സ്മാർട്ട്ഫോൺ ഇന്ത്യയിൽ ലോഞ്ച് ചെയ്തു. സെഗ്മെന്റിലെ ആദ്യ ഡ്യുവൽ സ്‌ക്രീൻ സ്മാർട്ട്‌ഫോൺ എന്ന വിശേഷണവുമായി ലാവ ബ്ലേസ് ഡ്യുവോ 3 5ജി (Lava Blaze Duo 3 5G) എന്ന ഫോൺ ആണ് അ‌വതരിപ്പിച്ചിരിക്കുന്നത്. 1.6 ഇഞ്ച് അമോലെഡ് റിയർ ഡിസ്‌പ്ലേയാണ് ഈ സ്മാർട്ട്ഫോണിന്റെ പ്രധാന പ്രത്യേകത. ഇതിനുമുൻപും റിയർ പാനലിൽ മിനി ഡിസ്പ്ലേയുള്ള സ്മാർട്ട്ഫോൺ ലാവ അ‌വതരിപ്പിച്ചിട്ടുണ്ട്. ഇപ്പോൾ അ‌വതരിപ്പിച്ചിരിക്കുന്ന മോഡലിന്റെ വില 16,999 രൂപയാണ്. ഈ വിലയിൽ ഇത്തരമൊരു ഫോൺ ​വേറെ കിട്ടില്ലെന്ന് കമ്പനി പറയുന്നു.

8MP ഫ്രണ്ട് ക്യാമറയാണ് ഈ പുതിയ ലാവ ഫോണിലുള്ളത്. എന്നാൽ റിയർ പാനലിലെ 50MP ക്യാമറയുപയോഗിച്ച് ​ഹൈ റെസല്യൂഷൻ സെൽഫികൾ എടുക്കാം എന്ന പ്രത്യേകതയുണ്ട്. കാരണം, റിയർ പാനലിലെ മിനി ഡിസ്‌പ്ലേ ഒരു വ്യൂഫൈൻഡറായി പ്രവർത്തിക്കുന്നു, ഇത് ഉപയോക്താക്കൾക്ക് സെൽഫികൾ ഈസിയായി എടുക്കാൻ സാധിക്കും.

7.55mm അൾട്രാ-സ്ലിം ബോഡിയാണ് ഈ ഫോണിനുള്ളത്. 120Hz റിഫ്രഷ് റേറ്റ് ഫീച്ചർ ചെയ്യുന്ന 6.67 ഇഞ്ച് FHD+ AMOLED മെയിൻ ഡിസ്പ്ലേയാണ് ലാവ ബ്ലേസ് ഡ്യുവോ 3യിൽ ഉള്ളത്. മീഡിയടെക് ഡൈമെൻസിറ്റി 7060 ചിപ്‌സെറ്റ്, 6GB വെർച്വൽ റാം, 33W ഫാസ്റ്റ് ചാർജിംഗിനെ പിന്തുണയ്ക്കുന്ന 5000mAh ബാറ്ററി അ‌ടക്കമുള്ള ഫീച്ചറുകളും ഇതിലുണ്ട്.

ലാവ ബ്ലേസ് ഡ്യുവോ 3 5ജി ഫീച്ചറുകൾ

6.67-ഇഞ്ച് (1080 x 2400 പിക്സലുകൾ) 120Hz റിഫ്രഷ് റേറ്റ് ഉള്ള FHD+ AMOLED മെയിൻ സ്ക്രീൻ, 1.6" സെക്കൻഡറി AMOLED സ്ക്രീൻ എന്നിവ ഇതിലുണ്ട്. ഒക്ട കോർ (2 x 2.6GHz കോർടെക്സ്-A78 + 6 x 2GHz കോർടെക്സ്-A55 സിപിയുകൾ) മീഡിയടെക് ഡൈമെൻസിറ്റി 7060 6nm പ്രോസസർ ആണ് ഈ ഫോണിന്റെ കരുത്ത്.

IMG BXM-8-256 GPU, 6GB LPDDR5 റാം, 128GB UFS 3.1 സ്റ്റോറേജ് എന്നിവയും ഇതിലുണ്ട്. ആൻഡ്രോയിഡ് 15 അ‌ടിസ്ഥാനമാക്കിയാണ് പ്രവർത്തനം. ആൻഡ്രോയിഡ് 16 അപ്‌ഡേറ്റും 2 വർഷത്തെ സുരക്ഷാ അപ്‌ഡേറ്റുകളും ലഭിക്കും. സോണി IMX752 സെൻസർ, LED ഫ്ലാഷ് എന്നിവയുള്ള 50MP മെയിൻ ക്യാമറ, 8MP ഫ്രണ്ട് ഫേസിംഗ് ക്യാമറ എന്നിവ അ‌ടങ്ങുന്നതാണ് ഇതിലെ ക്യാമറ സജ്ജീകരണം.

ഇൻ-ഡിസ്പ്ലേ ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, പൊടിയും വെള്ളവും പ്രതിരോധിക്കാൻ IP64 റേറ്റിങ്, ഡ്യുവൽ സിം (നാനോ + നാനോ), 5G SA/ NSA, ഡ്യുവൽ 4G VoLTE, Wi-Fi 6E 802.11 ax (2.4GHz + 5GHz), ബ്ലൂടൂത്ത് 5.4, Beidou, GPS, GLONASS, ഗലീലിയോ, QZSS, USB ടൈപ്പ്-C എന്നീ ഫീച്ചറുകളും ഇതിലുണ്ട്.

33W ഫാസ്റ്റ് ചാർജിംഗുള്ള 5000mAh ബാറ്ററിയാണ് ലാവ ബ്ലേസ് ഡ്യുവോ 3 5ജിയിലുള്ളത്. 163x76x7.55mm വലിപ്പമാണ് ഈ ഫോണിനുള്ളത്. മൂൺലൈറ്റ് ബ്ലാക്ക്, ഇംപീരിയൽ ഗോൾഡ് എന്നീ രണ്ട് കളർ ഓപ്ഷനുകളിലാണ് ഈ ഫോൺ വാങ്ങാൻ ലഭ്യമായിട്ടുള്ളത്. 15000 രൂപ വിലയിൽ ഒരു പുതിയ 5ജി ഫോൺ തേടുന്നവർക്ക് ഇത് പരിഗണിക്കാവുന്നതാണ്.

വിലയും ലഭ്യതയും

ലാവ ബ്ലേസ് ഡ്യുവോ 3 5ജിയുടെ സിംഗിൾ 6G+ 128GB മോഡലിന് 16,999 രൂപയാണ് വില. എന്നാൽ ലോഞ്ച് ഓഫറിന്റെ ഭാഗമായി 1000 രൂപ ബാങ്ക് ഡിസ്കൗണ്ട് ലഭ്യമാണ്. അ‌തിനാൽ 15999 രൂപ വിലയിൽ വാങ്ങാനാകും. വിൽപ്പന ഇതിനകം ആരംഭിച്ചിട്ടുണ്ട്. ആമസോൺ വഴിയാണ് ഈ ഫോൺ വാങ്ങാനാകുക.