13,000 രൂപയ്ക്ക് ലാവ ഐറിസ് 550 Q ; പ്രധാന എതിരാളികള്‍

By Bijesh

| Published: Wednesday, April 2, 2014, 16:24 [IST]

ഇന്ത്യന്‍ സ്മാര്‍ട്‌ഫോണ്‍ നിര്‍മാതാക്കളായ മൈകോമാക്‌സ്, കാര്‍ബണ്‍ ഐബാള്‍ തുടങ്ങിയ കമ്പനികള്‍ അടുത്തകാലത്തായി നിരവധി ഹാന്‍ഡ്‌സെറ്റുകള്‍ ഇന്ത്യയില്‍ ലോഞ്ച് ചെയ്യുന്നുണ്ട്. അതുകൊണ്ടുതന്നെ ആഗോള കമ്പനികള്‍ക്കൊപ്പം ആഭ്യന്തര ഹാന്‍ഡ്‌സെറ്റ് നിര്‍മാതാക്കള്‍ തമ്മിലും ശക്തമായ മത്സരവും വിപണിയില്‍ നിലനില്‍ക്കുന്നുണ്ട്.

ആ മത്സരത്തിന് ആക്കം കൂട്ടി ഇന്ത്യന്‍ കമ്പനിയായ ലാവ പുതിയ ഹാന്‍ഡ്‌സെറ്റ് ലോഞ്ച് ചെയ്തു. ഐറിസ് 550 Q എന്നു പേരിട്ടിരിക്കുന്ന ഫോണിന് 13,000 രൂപയാണ് വില. ഈ മാസം അവസാനത്തോടെ ഫോണ്‍ വിപണിയിലെത്തും.

1280-720 പിക്‌സല്‍ റെസല്യൂഷനോടു കൂടിയ 5.5 ഇഞ്ച് HD IPS ഡിസ്‌പ്ലെ, 1.2 GHz ക്വാഡ്‌കോര്‍ പ്രൊസസര്‍, 1 ജി.ബി റാം, ആന്‍ഡ്രോയ്ഡ് 4.2 ജെല്ലിബീന്‍ ഒ.എസ്, 8 എം.പി. പ്രൈമറി ക്യാമറ, 2 എം.പി. ഫ്രണ്ട് ക്യാമറ, 4 ജി.ബി. ഇന്റേണല്‍ മെമ്മറി, 32 ജി.ബി. എക്‌സ്പാന്‍ഡബിള്‍ മെമ്മറി.

3 ജി, വൈ-ഫൈ, ബ്ലുടൂത്ത്, ജി.പി.എസ്, ഡ്യുവല്‍ സിം എന്നിവ സപ്പോര്‍ട് ചെയ്യും. 2600 mAh ആണ് ബാറ്ററി. 2 ജിയില്‍ 10 മണിക്കൂര്‍ സംസാരസമയം നല്‍കുമെന്നാണ് കമ്പനി അവകാശപ്പെടുന്നത്.

നിലവില്‍ ഇന്ത്യന്‍ വിപണിയില്‍ ലാവ ഐറിസ് 550 Q-വിന് ശക്തമായ വെല്ലുവിളിയാണ് നേരിടേണ്ടിവരിക. ഏതെല്ലാം ഹാന്‍ഡ്‌സെറ്റുകളാണ് ഭീഷണിയാവുക എന്ന് ചുവടെ കൊടുക്കുന്നു.