ഐഫോണിനേക്കാള്‍ വില കുറഞ്ഞ അപരനെ ലെനൊവ ഇറക്കി...!

കാണാന്‍ ഐഫോണിനെപോലെ തന്നെയിരിക്കും, എന്നാല്‍ വില അതിലും കുറവും. ലെനൊവയുടെ എസ്90-യുടെ പ്രത്യേകത ഒറ്റ നോട്ടത്തില്‍ ഇതാണ്.

5 ഇഞ്ചാണ് ഫോണിന്റെ ഡിസ്‌പ്ലേ. 1280 X 720 ആണ് പിക്‌സല്‍ റെസല്യൂഷന്‍.

ക്വാല്‍കോം സ്‌നാപ്ഡ്രാഗണ്‍ 64ബിറ്റ് ക്വാഡ് കോര്‍ പ്രോസസ്സര്‍ കൊണ്ടാണ് ഫോണ്‍ ശാക്തീകരിച്ചിരിക്കുന്നത്.

13എംപി പിന്‍ ക്യാമറയും, 8 എംപി മുന്‍ ക്യാമറയും ഫോണിനുണ്ട്. 32 ജിബി മെമ്മറി ഇന്‍ബില്‍ട്ടായതിനാല്‍ എസ്ഡി കാര്‍ഡ് ഉപയോഗിച്ച് വികസിപ്പിക്കാന്‍ സാധ്യമല്ല. 2 ജിബിയാണ് റാം.

ആന്‍ഡ്രോയിഡ് കിറ്റ്കാറ്റില്‍ പ്രവര്‍ത്തിക്കുന്ന ഫോണില്‍ ലോലിപോപ്പ് പരിഷ്‌ക്കരണം സാധ്യമാണ്. ഇരട്ട സിമ്മാണ് ഫോണിനുളളത്.

സെല്‍ഫി പ്രേമികള്‍ക്ക് വേണ്ടിയാണ് ഈ ഫോണെന്നാണ് കമ്പനിയുടെ അവകാശം. 19,990 രൂപയാണ് ഇന്ത്യന്‍ വിപണിയില്‍ ഫോണിന്റെ വില.