എഫ്എച്ച്ഡി പ്ലസ് ഇ 4 അമോലെഡ് ഡിസ്പ്ലേയുമായി മാസ്റ്റർ ലു ബെഞ്ച്മാർക്കിൽ ലെനോവോ ലിജിയൻ 2 പ്രോ

ലെനോവോ ലിജിയൻ 2 പ്രോ: പ്രതീക്ഷിക്കുന്ന വിലയും, സവിശേഷതകളും

പുതിയ ചോർച്ച പ്രകാരം, ലെനോവോ ലിജിയൻ 2 പ്രോയിൽ 6.92 ഇഞ്ച് ഡിസ്‌പ്ലേ വരുന്നു. സാംസങ് നിർമ്മിച്ച ഇ 4 അമോലെഡ് പാനൽ 1080 x 2460 എഫ്എച്ച്ഡി + റെസല്യൂഷനെ സപ്പോർട്ട് ചെയ്യുന്നു. ഈ പാനലിന് ഉയർന്ന 144Hz സ്‌ക്രീൻ റിഫ്രഷ് റേറ്റ് ഉണ്ടായിരിക്കും. ക്വാൽകോമിൻറെ മുൻനിര സ്‌നാപ്ഡ്രാഗൺ 888 പ്രോസസറാണ് ഈ ഹാൻഡ്‌സെറ്റിന് കരുത്തേകുന്നതെന്ന് കമ്പനി വ്യക്തമാക്കി. ഗീക്ക്ബെഞ്ച് ഡാറ്റാബേസും ഇതേ ചിപ്‌സെറ്റ് ടിപ്പ് ചെയ്തു.

നേരത്തെ സൂചിപ്പിച്ചതുപോലെ, ലെനോവോ ലിജിയൻ 2 പ്രോ മാസ്റ്റർ ലു ബെഞ്ച്മാർക്ക് വെബ്സൈറ്റിൽ കണ്ടെത്തിയിട്ടുണ്ട്. മൂന്ന് വ്യത്യസ്ത കോൺഫിഗറേഷനുകളിൽ ഈ ഹാൻഡ്‌സെറ്റ് അവതരിപ്പിക്കുമെന്ന് ലിസ്റ്റിംഗ് പറയുന്നു. 12 ജിബി റാം + 128 ജിബി സ്റ്റോറേജ്, 12 ജിബി റാം + 256 ജിബി സ്റ്റോറേജ്, 16 ജിബി റാം + 512 ജിബി സ്റ്റോറേജ് തുടങ്ങിയ സ്മാർട്ഫോൺ വേരിയന്റുകൾ അവതരിപ്പിക്കും. 16 ജിബി റാം കപ്പാസിറ്റിയുമായി വരുന്ന കുറച്ച് സ്മാർട്ട്‌ഫോണുകളിൽ ഒന്നായി ഇത് ലിജിയൻ 2 പ്രോയെ മാറ്റും.

ബെഞ്ച്മാർക്ക് സ്‌കോറുകളെക്കുറിച്ച് പറയുമ്പോൾ, ഈ ഹാൻഡ്‌സെറ്റ് മൊത്തം 962,155 പോയിന്റുകൾ നേടി. അവിടെ സിപിയുവിൽ 344,384 പോയിന്റും ജിപിയുവിൽ 353,510 പോയിന്റും റാമിൽ 121,136 പോയിന്റും സ്റ്റോറേജ് പരിശോധനയിൽ 143,215 പോയിന്റുകളും നേടിയിട്ടുണ്ട്. നിലവിൽ, ലിജിയൻ 2 പ്രോയുടെ ക്യാമറ സവിശേഷതകൾ വെളിപ്പെടുത്തിയിട്ടില്ല.

എന്നാൽ, ഫാസ്റ്റ് ചാർജിംഗ് സ്‌പീഡ്‌ വരുമെന്ന് 3 സി മൊബൈൽ ഓതെന്റിക്കേഷൻ വെബ്‌സൈറ്റ് സൂചിപ്പിക്കുന്നു. ഈ സ്മാർട്ട്‌ഫോൺ രണ്ട് വ്യത്യസ്ത വേരിയന്റുകളിൽ എത്തുമെന്ന് പറയുന്നു. അതിൽ ഒരു മോഡൽ 65W വരെ ഫാസ്റ്റ് ചാർജിംഗ് സവിശേഷത ലഭ്യമാകുമ്പോൾ മറ്റൊന്ന് 45W വരെ ഫാസ്റ്റ് ചാർജിംഗിനെ സപ്പോർട്ട് ചെയ്യും. 3 സി സർട്ടിഫിക്കേഷൻ വെബ്‌സൈറ്റ് ബാറ്ററി കപ്പാസിറ്റി വെളിപ്പെടുത്തിയിട്ടില്ല. പക്ഷേ, ലീക്കിൽ ഈ ഹാൻഡ്‌സെറ്റിന് 5,000 എംഎഎച്ച് ബാറ്ററി ലഭിച്ചേക്കും.