എല്‍.ജി. ജി 3 സ്മാര്‍ട്‌ഫോണ്‍; 5 പ്രധാന ഫീച്ചറുകള്‍...

#1

ഡിസ്‌പ്ലെയാണ് എല്‍.ജി ജി 3യുടെ എടുത്തു പറയേണ്ട പ്രത്യേകതകളിലൊന്ന്. ക്വാഡ് HD സപ്പോര്‍ട് മികച്ച കളറും സ്‌ക്രീനിന് വ്യക്തതയും നല്‍കും. 2560-1440 പിക്‌സലില്‍ ചിത്രങ്ങള്‍ കാണാന്‍ കഴിയും. 538 ppi -യില്‍ എല്ലാ കണ്ടന്റുകളും ദൃശ്യമാവും. ഹൈ ക്വാളിറ്റി ആര്‍ട് ബുക്കുകള്‍ പ്രിന്റ് ചെയ്യുന്ന പിക്‌സല്‍ നിലവാരമാണ് ഇത്.

#2

എല്‍.ജിയുടെ നേരത്തെയിറങ്ങിയ ഫോണുകള്‍ക്കുള്ള പ്രധാന പോരായ്മ മോശം യൂസര്‍ ഇന്റര്‍ഫേസായിരുന്നു. എന്നാല്‍ അത്തരം വിമര്‍ശനങ്ങളെയെല്ലാം അപ്പാടെ തള്ളിക്കളയുന്നതാണ് പുതിയ UI. അനാവശ്യമായ വഷ്വല്‍ എലമന്റുകള്‍ ഒഴിവാക്കുമെന്നതിനു പുറമെ ഓരോ ഫംഗ്ഷനും ഓരോ നിറമാണ്. ആപ്ലിക്കേഷനുകള്‍ വേര്‍തിരിച്ചറിയാന്‍ ഇത് സഹായിക്കും.

#3

നിലവില്‍ ലഭ്യമായ ഏറ്റവും മികച്ച സ്മാര്‍ട്‌ഫോണ്‍ ക്യാമറയാണ് എല്‍.ജി ജി 3യില്‍ ഉള്ളത്. ലേസര്‍ ഫ് ളാഷ് ആണ് ഇതില്‍ എടുത്തുപറയേണ്ടത്. ഏതെങ്കിലും ഒബ്ജക്റ്റിനു നേരെ ക്യാമറ ഫോക്കസ് ശചയ്താല്‍ മൈക്രോ സെക്കന്റുകള്‍ക്കുള്ളില്‍ ലേസറുകള്‍ ആ വസ്തുവിലേക്ക് ക്യാമറയില്‍ നിന്നുള്ള ദൂരം അളക്കും. ചിത്രങ്ങള്‍ക്ക് അതിനനുസരിച്ച് വ്യക്തത കൂടും.

#4

151 ഗ്രാം ആണ് ഫോണിന്റെ ഭാരം. ആര്‍ക് ഡിസൈനും മെറ്റാലിക് നിറത്തിലുള്ള ബോഡിയുമാണെങ്കിലും ഭാരം പരമാവധി കുറയ്ക്കാന്‍ സാധിച്ചിട്ടുണ്ട്.

#5

എല്‍.ജിയുടെ സ്മാര്‍ട്‌വാച്ചായ ജി വാച്ച്, ജി 3യുമായി കണക്റ്റ് ചെയ്യാന്‍ സാധിക്കും. മികച്ച ഡിസപ്ലെയും ഉയര്‍ന്ന ബാറ്ററി ലൈഫമുള്ള ജി വാച്ച് ഫോണിന്റെ പ്രധാനപ്പെട്ട ധര്‍മങ്ങളെല്ലാം നിര്‍വഹിക്കും.