സ്നാപ്ഡ്രാഗൺ 765 ചിപ്‌സെറ്റുമായി എൽജി ക്യു 92 അവതരിപ്പിച്ചു; സവിശേഷതകൾ, വില, വിൽപ്പന

എൽജി ക്യു 92: വില, വിൽപ്പന

6 ജിബി റാം + 128 ജിബി സ്റ്റോറേജ് ഓപ്ഷനായി എൽ‌ജി ക്യു 92ന് ദക്ഷിണ കൊറിയയിൽ കെ‌ആർ‌ഡബ്ല്യു 4,00,000 (ഏകദേശം 25,000 രൂപ) ആണ് വില വരുന്നത്. ഓഗസ്റ്റ് 26ന് ഹോം മാർക്കറ്റിൽ ഈ സ്മാർട്ട്ഫോൺ വിൽപ്പനയ്‌ക്കെത്തുമെന്ന് എൽജി പറഞ്ഞു. ഈ ഹാൻഡ്‌സെറ്റ് വൈറ്റ്, ബ്ലാക്ക്, റെഡ് കളർ ഓപ്ഷനുകളിൽ വരുന്നു.

എൽജി ക്യു 92: സവിശേഷതകൾ

എൽജി ക്യു 92, 6.67 ഇഞ്ച് ഫുൾ എച്ച്ഡി + ഹോൾ-പഞ്ച് ഡിസ്‌പ്ലേ 20: 9 ആസ്പെക്റ്റ് റേഷിയോയിൽ അവതരിപ്പിക്കുന്നു. 6 ജിബി റാമുമായി ജോടിയാക്കിയ ക്വാൽകോം സ്‌നാപ്ഡ്രാഗൺ 765 ജി SoC ചിപ്‌സെറ്റാണ് ഈ സ്മാർട്ട്ഫോണിന്റെ കരുത്ത്. ഇന്റർനാൽ സ്റ്റോറേജ് 128 ജിബിയായി പട്ടികപ്പെടുത്തിയിരിക്കുന്നു. 48 മെഗാപിക്സൽ പ്രൈമറി ക്യാമറ, 8 മെഗാപിക്സൽ വൈഡ് ആംഗിൾ ക്യാമറ, 5 മെഗാപിക്സൽ ഡെപ്ത് സെൻസർ, 2 മെഗാപിക്സൽ മാക്രോ സെൻസർ എന്നിവയുള്ള ക്വാഡ് ക്യാമറ സെറ്റപ്പ് എൽജി ക്യു 92ൽ വരുന്നു. മുൻവശത്ത്, ഹോൾ-പഞ്ച് കട്ട്ഔട്ടിൽ 32 മെഗാപിക്സൽ സെൽഫി ക്യാമറയുണ്ട്.

എൽജി ക്യു 92 ന് 4,000 എംഎഎച്ച് ബാറ്ററിയുണ്ട്. കണക്റ്റിവിറ്റി ഓപ്ഷനുകളിൽ ഡ്യുവൽ-ബാൻഡ് വൈ-ഫൈ, 5 ജി നെറ്റ്‌വർക്ക്, ബ്ലൂടൂത്ത് വി 5.0, എൻഎഫ്സി, യുഎസ്ബി ടൈപ്പ്-സി പോർട്ട് എന്നിവ വരുന്നു. എൽജി ക്യു 92ൻറെ ഭാരം ഏകദേശം 193 ഗ്രാം ആണ്. ഗൂഗിൾ ലെൻസ് പിന്തുണ, MIL-STD-810G സർട്ടിഫിക്കേഷൻ, IP68 സർട്ടിഫിക്കേഷൻ തുടങ്ങി മറ്റ് സവിശേഷതകളും ഉൾപ്പെടുന്നു.