പിക്സൽ 8 സീരീസ് എത്തി; ഇതുവരെ ഇറക്കിയതിൽ ഏറ്റവും മികച്ച ഫോണെന്ന് ഗൂഗിൾ

ഗൂഗിളിന്റെ ഇതുവരെ പുറത്തിറങ്ങിയിട്ടുള്ള സ്മാർട്ട്ഫോണുകളിൽ ഏറ്റവും മികച്ചത് എന്ന വിശേഷണവുമായി പിക്സൽ 8 സീരീസ് ലോഞ്ച് ചെയ്തു. 'മെയ്ഡ് ​ബൈ ഗൂഗിൾ ഇവന്റിൽ' ലോഞ്ച് ചെയ്ത പിക്സൽ 8 സീരീസിൽ പിക്സൽ 8, പിക്സൽ 8 പ്രോ എന്നിങ്ങനെ രണ്ട് സ്മാർട്ട്ഫോണുകളാണ് അ‌ടങ്ങുന്നത്.

ഗൂഗിളിന്റെ സ്വന്തം ടെൻസർ ജി 3 ചിപ്പും ഇതുവരെയുള്ളതിൽവച്ച് ഏറ്റവും നൂതനമായ പിക്സൽ ക്യാമറകളും ഉൾക്കൊള്ളുന്നു എന്നതാണ് പിക്സൽ 8 സീരീസിന്റെ പ്രധാന സവിശേഷത. മെയ്ഡ് ​ബൈ ഗൂഗിൾ ഇവന്റിന്റെ ഏറ്റവും വലിയ ആകർഷണം പിക്സൽ-8 സീരീസ് ഫോണുകളായിരുന്നെങ്കിലും പിക്സൽ വാച്ച് 2വും ഇതോടൊപ്പം അ‌വതരിപ്പിക്കപ്പെട്ടു.

ഗൂഗിൾ പിക്സൽ 8 ന് 6.2 ഇഞ്ച് 120 ഹെർട്സ് OLED ഡിസ്പ്ലേയുണ്ട്, 2,000nits പീക്ക് തെളിച്ചം, ഗൊറില്ല ഗ്ലാസ് വിക്ടസ്, 427 ppi എന്നിവയും ഇതിലുണ്ട്. ഏറ്റവും പുതിയ UFS 4.0 സ്റ്റോറേജുമായി ജോടിയാക്കിയ ഗൂഗിളിന്റെ നെക്സ്റ്റ് ജെനറേഷൻ മുൻനിര ടെൻസർ G3 ചിപ്‌സെറ്റാണ് പിക്‌സൽ 8-ന് കരുത്ത് പകരുന്നത്.

പിക്സൽ 8 പ്രോയിൽ 6.7ഇഞ്ച് QHD+ 120Hz LTPO OLED ഡിസ്‌പ്ലേ, 2,400nits പീക്ക് ​ബ്രൈറ്റ്നസ്, ഗൊറില്ല ഗ്ലാസ് വിക്ടസ്-2 സംരക്ഷണം എന്നിവ ഗൂഗിൾ നൽകിയിരിക്കുന്നു. ടെൻസർ ജി3 പ്രോസസർ തന്നെയാണ് ഇതിലുമുള്ളത്. ടൈറ്റൻ സെക്യൂരിറ്റി ചിപ്പ്, 12ജിബി റാം, 256ജിബി സ്റ്റോറേജ്, ടെമ്പറേച്ചർ മോണിറ്ററിംഗ് സെൻസർ, അൾട്രാസോണിക് ഇൻ-ഡിസ്‌പ്ലേ ഫിംഗർപ്രിന്റ് സ്കാനർ എന്നിവയുമുണ്ട്.

പിക്സൽ 8-ൽ 50-മെഗാപിക്സൽ GN2 പ്രൈമറി സെൻസർ, 12-മെഗാപിക്സൽ IMX386 അൾട്രാ-വൈഡ് സെൻസർ, ടൈം-ഓഫ്-ഫ്ലൈറ്റ് (ToF) സെൻസർ എന്നിവ ഉൾപ്പെടുന്നു. ഈ പുതിയ കോൺഫിഗറേഷൻ ലൈറ്റ് പ്രോസസ്സിംഗ് 35 ശതമാനം വർദ്ധിപ്പിക്കുകയും HDR കഴിവുകൾ മെച്ചപ്പെടുത്തുകയും ചെയ്യുന്നു. 30fps-ൽ 8K വീഡിയോകൾ റെക്കോർഡ് ചെയ്യാനുള്ള കഴിവും ഇതിനുണ്ട്. 10.5എംപിയുടേതാണ് സെൽഫി ക്യാമറ.

പിക്സൽ 8 പ്രോയുടെ ക്യാമറ വിഭാഗത്തിലേക്ക് വന്നാൽ, ഒഐഎസ് പിന്തുണയുള്ള 50 മെഗാപിക്സൽ പ്രൈമറി ക്യാമറ, 64 മെഗാപിക്സൽ അൾട്രാ വൈഡ് സെൻസർ, 49 മെഗാപിക്സൽ ടെലിഫോട്ടോ സെൻസർ എന്നിവയടങ്ങുന്ന ട്രിപ്പിൾ റിയർ ക്യാമറ സജ്ജീകരണവും 10.5 മെഗാപിക്സലിന്റെ സെൽഫി ക്യാമറയും കാണാം. ഗ്ലാസും മെറ്റലും സംയോജിപ്പിച്ചുള്ള രൂപകൽപ്പനയാണ് ഫോൺ സ്വീകരിച്ചിരിക്കുന്നത്.

27W ഫാസ്റ്റ് വയർഡ് ചാർജിംഗിനെ പിന്തുണയ്ക്കുന്ന 4,575mAh ബാറ്ററിയാണ് പിക്സൽ 8 പായ്ക്ക് ചെയ്യുന്നത്. റീട്ടെയിൽ പാക്കേജിൽ ഉൾപ്പെടുത്തിയിട്ടുള്ള ചാർജർ ഇല്ലാതെ 18W വയർലെസ് ചാർജിംഗിനുള്ള പിന്തുണയും ഗൂഗിൾ ചേർത്തിട്ടുണ്ട്. 30W വയർഡ് ചാർജിംഗും 23W വയർലെസ് ചാർജിംഗ് പിന്തുണയും ഉള്ള 5,050mAh ബാറ്ററിയാണ് പിക്സൽ 8 പ്രോയിൽ ഉള്ളത്.

699 ഡോളർ പ്രാരംഭവിലയിലാണ് പിക്സൽ 8ന്റെ അ‌ടിസ്ഥാന മോഡൽ ഗൂഗിൾ അ‌വതരിപ്പിച്ചിരിക്കുന്നത്. പിക്സൽ 8 പ്രോയുടെ അ‌ടിസ്ഥാന വേരിയന്റ് 999 ഡോളറിന് അ‌വതരിപ്പിക്കപ്പെട്ടിരിക്കുന്നു. ഐഫോൺ 15 പ്രോ അ‌വതരിപ്പിക്കപ്പെട്ടതും 999 ഡോളർ വിലയിലാണ് എന്ന് ഇവിടെ ഓർത്തുപോകുന്നു. ഐഫോൺ15 പ്രോ മോഡലിന് ഒപ്പം നിൽക്കുന്നതാണ് തങ്ങളുടെ പിക്സൽ 8 പ്രോയെന്ന് ഗൂഗിൾ കരുതുന്നുണ്ടാകാം.

ഗൂഗിൾ പിക്സൽ 8 പ്രോയുടെ വില ഇന്ത്യയിൽ ഒരു ലക്ഷം രൂപ കടന്നു. പിക്സൽ 8 പ്രോയുടെ 128 ജിബി സ്റ്റോറേജ് വേരിയന്റിന് 1,06,999 രൂപയാണ് വില. അ‌തേസമയം പിക്സൽ 8 ന്റെ ഇന്ത്യയിലെ വില 75,999 രൂപയിൽ ആരംഭിക്കുന്നു. 128ജിബി സ്റ്റോറേജ് മോഡലിന് 75,999 രൂപയും 256ജിബി മോഡലിന് 82,999 രൂപയും നൽകണം.

ഇന്ത്യയിൽ പിക്സൽ 8 സീരീസിന്റെ ലഭ്യത: ഫ്ലിപ്പ്കാർട്ട് വഴി ഇന്ത്യക്കാർക്ക് പുതിയ പിക്സൽ 8 സീരീസ് വാങ്ങാം. ഒക്ടോബർ 5 മുതൽതന്നെ പ്രീ ഓഡർ ആരംഭിക്കും. സ്റ്റാൻഡേർഡ് മോഡലിന് ഐസിഐസിഐ ബാങ്ക്, കൊട്ടക് ബാങ്ക്, ആക്സിസ് ബാങ്ക് കാർഡുകൾ 8,000 രൂപ ഡിസ്കൗണ്ടും പ്രോയ്ക്ക് 9,000 രൂപ ഡിസ്കൗണ്ടും വാഗ്ദാനം ചെയ്യപ്പെട്ടിട്ടുണ്ട്.