120Hz ഡിസ്പ്ലേയുള്ള എംഐ 11 ഐ സ്മാർട്ഫോൺ അവതരിപ്പിച്ചു: വില, സവിശേഷതകൾ

എംഐ 11 ഐ: വിലയും, ലഭ്യതയും

8 ജിബി + 128 ജിബി സ്റ്റോറേജ് വേരിയന്റിന് എംഐ 11 ഐയുടെ വില യൂറോ 649 (ഏകദേശം 55,900 രൂപ), 8 ജിബി റാം + 256 ജിബി സ്റ്റോറേജ് വേരിയന്റിന് യൂറോ 699 (ഏകദേശം 60,300 രൂപ) എന്നിങ്ങനെ വരുന്നു. സെലസ്റ്റിയൽ സിൽവർ, കോസ്മിക് ബ്ലാക്ക്, ഫ്രോസ്റ്റി വൈറ്റ് എന്നീ നിറങ്ങളിൽ വരുന്ന ഈ ഫോൺ ഉടൻ തന്നെ എല്ലാ ഔദ്യോഗിക ഷവോമി ചാനലുകളിലൂടെയും യൂറോപ്പിൽ പ്രീ-ഓർഡറുകൾക്കായും ലഭ്യമാകും. മറ്റ് ആഗോള വിപണികളിൽ ഇതിൻറെ ലഭ്യതയെക്കുറിച്ചുള്ള വിശദാംശങ്ങൾ ഇനിയും പുറത്തുവന്നിട്ടില്ല.

എംഐ 11 ഐ: സവിശേഷതകൾ

ഡ്യുവൽ നാനോ സിം വരുന്ന ഈ ഹാൻഡ്‌സെറ്റ് എംഐയുഐ 12 വരുന്ന എംഐ 11 ഐ ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്നു. 6.67 ഇഞ്ച് ഫുൾ എച്ച്ഡി + (1,080x2,400 പിക്‌സൽ) ഫ്ലാറ്റ് സാംസങ് ഇ 4 അമോലെഡ് ഡിസ്‌പ്ലേയിൽ 20: 9 ആസ്പെക്റ്റ് റേഷിയോയും 120 ഹെർട്സ് റിഫ്രഷ് റേറ്റും വരുന്നു. അഡ്രിനോ 660 ജിപിയു, 8 ജിബി എൽപിഡിഡിആർ 5 റാം എന്നിവയുമായി ജോടിയാക്കിയ ഒക്ടാ കോർ ക്വാൽകോം സ്‌നാപ്ഡ്രാഗൺ 888 SoC പ്രോസസറാണ് ഈ സ്മാർട്ട്ഫോണിന് കരുത്ത് പകരുന്നത്. കൂടാതെ, ഇതിൽ ഒരു ലിക്വിഡ് കൂളിംഗ് 3D ഹീറ്റ് ഡിസിപ്പേഷൻ ടെക്നോളോജിയുമുണ്ട്.

എംഐ 11 ഐ: ക്യാമറ സവിശേഷതകൾ

എഫ് / 1.75 ലെൻസുള്ള 108 മെഗാപിക്സൽ പ്രൈമറി സെൻസർ, അൾട്രാ വൈഡ് ആംഗിൾ എഫ് / 2.2 ലെൻസുള്ള 8 മെഗാപിക്സൽ സെക്കൻഡറി സെൻസർ, എഫ് / 2.4 ടെലി മാക്രോ ലെൻസ് വരുന്ന 5 മെഗാപിക്സൽ ടെർഷ്യറി സെൻസർ എന്നിവ ഉൾപ്പെടുന്ന ഒരു ട്രിപ്പിൾ റിയർ ക്യാമറ സെറ്റപ്പാണ് എംഐ 11 ഐയിൽ വരുന്നത്. എഫ് / 2.4 ലെൻസുള്ള മുൻവശത്ത് 20 മെഗാപിക്സൽ സെൽഫി ക്യാമറയും ഉണ്ട്.

എംഐ 11 ഐയിൽ 128 ജിബിയും 256 ജിബി യു‌എഫ്‌എസ് 3.1 ഇന്റേണൽ സ്റ്റോറേജ് വേരിയന്റുകളുമുണ്ട്. 5 ജി, 4 ജി എൽടിഇ, വൈ-ഫൈ 6, ബ്ലൂടൂത്ത് വി 5.2, എൻ‌എഫ്‌സി, ഇൻഫ്രാറെഡ് (ഐആർ) ബ്ലാസ്റ്റർ, യുഎസ്ബി ടൈപ്പ്-സി പോർട്ട് എന്നിവ ഫോണിലെ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ഫെയ്‌സ് അൺലോക്കിനെ സപ്പോർട്ട് ചെയ്യുന്നതിനൊപ്പം സൈഡ് മൗണ്ടഡ് ഫിംഗർപ്രിന്റ് സെൻസറും ഈ ഫോണിലുണ്ട്. 33W ഫാസ്റ്റ് ചാർജിംഗിനെ സപ്പോർട്ട് ചെയ്യുന്ന എംഐ 11 ഐയിൽ 4,520 എംഎഎച്ച് ബാറ്ററിയാണ് ഷവോമി നൽകിയിരിക്കുന്നത്. 7.8 മില്ലിമീറ്റർ കട്ടിയുള്ള ഈ സ്മാർട്ട്ഫോണിൻറെ ഭാരം 196 ഗ്രാം ആണ്.