മൈക്രോമാക്‌സ് A87 സൂപ്പര്‍ഫോണ്‍ നിന്‍ജ 4

കഴിഞ്ഞ കുറച്ചു നാളുകളായി നമ്മുടെ മോബൈല്‍ ഫോണ്‍ വിപണിയില്‍ വില കുറഞ്ഞ സ്മാര്‍ട്ട്‌ഫോണുകളുടെ ചാകരയാണ്. 2012ല്‍ ഇന്ത്യയിലെത്തിയ ആന്‍ഡ്രോയ്ഡ് ഗണത്തില്‍ പെട്ട് ഇരട്ട സിം ഫോണുകളുടെ എണ്ണം വ്യക്തമാക്കുന്നത് അന്താരാഷ്ട്ര സ്മാര്‍ട്ട്‌ഫോണ്‍ വിപണിയിലെ അതികായര്‍ നമ്മുടെ വിപണിയിലേക്ക് പടര്‍ത്തുന്ന വേരുകളാണ്.

ഈ നീണ്ട നിരയിലേക്ക് പുതുതായെത്തിയ രണ്ട് മത്സരാര്‍ത്ഥികളാണ് മൈക്രോമാക്‌സ് A87 സൂപ്പര്‍ഫോണ്‍ നിന്‍ജ 4 ഉം സാംസങ് ഗാലക്‌സി Y ഡ്യുവോസ് ലൈറ്റും.

രണ്ട് ആന്‍ഡ്രോയ്ഡ് ഡ്യുവല്‍ സിം ഫോണുകളും കൊള്ളാവുന്ന പല സവിശേഷതകളുമായാണ് രംഗത്തെത്തിയിരിക്കുന്നത്. ആര് കേമന്‍ എന്നറിയാന്‍ ഗിസ്‌ബോട്ട് നടത്തിയ താരതമ്യം നോക്കാം.

ഡിസ്‌പ്ലേയും വലിപ്പവും : A87 നിന്‍ജ 4 ന്റെ പുറമളവുകള്‍ 124.8 x 64 x 11.7 mm ആയിരിക്കെ ഗാലക്‌സി Y ഡ്യുവോസ് ലൈറ്റിന്റേത് 103.5 x 58 x 12 mm ആണ്.

ഇനി ഡിസ്‌പ്ലേയിലേക്ക് വന്നാല്‍ A87 നിന്‍ജ 4 ന് 480 x 800 പിക്‌സല്‍സും ഗാലക്‌സി Y ഡ്യുവോസ് ലൈറ്റിന് 240 x 320 പിക്‌സല്‍സുമാണ് റെസല്യുഷന്‍സ്.

പ്രൊസസ്സര്‍ : ഇവിടെ A87 നിന്‍ജ 4, 1 GHz ക്വാല്‍കോം സ്‌നാപ്ഡ്രാഗണ്‍ പ്രൊസസ്സറുമായി മുമ്പിലാണ്. ഗാലക്‌സി Y ഡ്യുവോസ് ലൈറ്റിന്് അവകാശപ്പെടാന്‍ 832 MHz പ്രൊസസ്സര്‍ മാത്രമാണുള്ളത്.

ഓപ്പറേറ്റിങ് സിസ്റ്റം : വില കമ്മിയായത് കൊണ്ടാകാം രണ്ട് ഫോണുകളും ഗൂഗിള്‍ ഓ എസ്സിന്റെ പഴയ പതിപ്പായ ആന്‍ഡ്രോയ്ഡ് 2.3.5 ജിഞ്ചര്‍ബ്രെഡ് തന്നെയാണ് ഉപയോഗിച്ചിരിക്കുന്നത്.

ക്യാമറ : ഇവിടെയും രണ്ട് ഫോണുകളും തുല്യത പാലിക്കുന്നുണ്ട്. രണ്ടിനും തരക്കേടില്ലാത്ത ദൃശ്യങ്ങള്‍ തരുന്ന 2MP പിന്‍ക്യാമറകളാണുള്ളത്. പക്ഷേ മുന്‍ക്യാമറകള്‍ രണ്ടിനുമില്ല.

സ്റ്റോറേജ് : ഗാലക്‌സി Y ഡ്യുവോസ് ലൈറ്റിന് 2 ജി ബി ആന്തരിക മെമ്മറിയുള്ളപ്പോള്‍ A87 നിന്‍ജ 4 ന് അങ്ങനെയൊരു സ്‌റ്റോറേജ് സൗകര്യമേയില്ല.എങ്കിലും രണ്ടിലും 32 ജി ബി വരെ സപ്പോര്‍ട്ട് ചെയ്യുന്ന മൈക്രോ എസ് ഡി സ്ലോട്ടുണ്ട്.

കണക്ടിവിറ്റി : A87 നിന്‍ജ 4 ലും ഗാലക്‌സി Y ഡ്യുവോസ് ലൈറ്റിലും യു എസ് ബി 2.0, വൈ-ഫൈ, 3ജി, ബ്ലൂടൂത്ത് തുടങ്ങിയവയാണ് കണക്ടിവിറ്റി സൗകര്യങ്ങള്‍.

ബാറ്ററി : ഇവിടെയും 1400 mAh ലിഥിയം അയോണ്‍ ബാറ്ററിയുമായി A87 നിന്‍ജ 4 മുന്നിട്ട് നില്‍ക്കുമ്പോള്‍, ഗാലക്‌സി Y ഡ്യുവോസ് ലൈറ്റാകട്ടെ 1200 mAh ബാറ്ററിയാണുപയോഗിക്കുന്നത്.

വില : A87 നിന്‍ജ 4, 5,999 രൂപയ്ക്കും ഗാലക്‌സി Y ഡ്യുവോസ് ലൈറ്റ് 6,990 രൂപയ്ക്കുമാണ് നമ്മുടെ വിപണിയിലെത്തിയിരിക്കുന്നത്.

നിഗമനം : വില കുറഞ്ഞ മോഡലുകളായത്‌കൊണ്ടാകാം A87 നിന്‍ജ 4 ലും ഗാലക്‌സി Y ഡ്യുവോസ് ലൈറ്റിലും മുന്‍ക്യാമറ, ആന്‍ഡ്രോയ്ഡ് 4.0 ഐസ്‌ക്രീം സാന്‍ഡ്‌വിച്ച് ഓ എസ് തുടങ്ങിയ പ്രധാന ഘടകങ്ങള്‍ ഒഴിവാക്കിയിരിക്കുന്നതിന് കാരണം.

താരതമ്യപ്പെടുത്തുമ്പോള്‍ കൂടുതല്‍ സ്‌റ്റോറേജ് സ്‌പെയ്‌സ് ആവശ്യമുള്ളവര്‍ക്ക് പറ്റിയ മോഡല്‍ ഗാലക്‌സി Y ഡ്യുവോസ് ലൈറ്റാണ്. കാരണം മൈക്രോമാക്‌സ് ഇന്റേണല്‍ സ്‌റ്റോറേജിന് സാധ്യതയേ തരുന്നില്ല.

ആപ്പിള്‍ സിരിക്ക് സമാനമായ ഐഷ വോയിസ് അസിസ്റ്റന്റ് പോലെയുള്ള ധാരാളം പ്രീലോഡഡ് ആപ്ലിക്കേഷന്‍സുമായെത്തുന്ന A87 നിന്‍ജ 4, ഒരു ഇടത്തരം സ്മാര്‍ട്ട്‌ഫോണ്‍ എന്ന നിലയില്‍ പരിഗണിക്കാവുന്ന ഓപ്ഷനാണ്.