മൈക്രോമാക്‌സ് വിന്‍ഡോസ് ഫോണ്‍; ഒറ്റനോട്ടത്തില്‍ ഇങ്ങനെ...

#1

10,000 രൂപയില്‍ താഴെ വിലയുള്ള ഫോണാണ് കാന്‍വാസ് വിന്‍ W121 എന്ന് ആരും പറയില്ല. മെറ്റല്‍ ഫ്രേമും അറ്റങ്ങള്‍ വളഞ്ഞതും മെലിഞ്ഞതുമായ രൂപവും ഉയര്‍ന്ന ക്ലാസില്‍പെട്ട ഫോണിന്റെ ഭാവം നല്‍കുന്നുണ്ട്. പിന്‍വശത്തുള്ള ലെതര്‍ കവര്‍ ഗാലക്‌സി നോട് 3 യിലേതിനു സമാനമാണ്. പിന്‍വശത്തെ ക്യാമറ അല്‍പം പുറത്തേക്ക് തള്ളിനില്‍ക്കുന്നുണ്ട്. വലതുവശത്ത് പവര്‍ബട്ടണും ഇടതുവശത്ത് വോള്യം ബട്ടണും പ്രതിഷ്ഠിച്ചിരിക്കുന്നു.

#2

720-1280 പിക്‌സല്‍ റെസല്യൂഷനോടു കൂടിയ 5 ഇഞ്ച് HD IPS ഡിസ്‌പ്ലെയാണ് ഫോണിനുള്ളത്. മികച്ച തെളിമയും വ്യൂവിംഗ് ആംഗിളുമാണ് ഇത് നല്‍കുന്നത്. വിനഡോസ് ഫോണ്‍ 8.1 ഒ.എസിന്റെ ഫീച്ചറുകളിലൊന്നായ ബ്ലാക്തീം കൂടുതല്‍ മികവു നല്‍കുന്നു.

#3

ഡ്യുവല്‍ മൈക്രോ സിം സപ്പോര്‍ട് ചെയ്യുന്ന ഫോണാണ് കാന്‍വാസ് വിന്‍ W121. ഓരോ സിമ്മിനും പ്രത്യേകം കോള്‍ ലോഗ്, സ്പീഡ് ഡയല്‍ സെറ്റിംഗ്, മെസേജ് ലോഗ് എന്നിവ സെറ്റ് ചെയ്യാം. സാധാരണ രീതിയില്‍ രണ്ടും ഒരുമിച്ചാക്കാനും സാധിക്കും.

#4

1.2 GHz ക്വാള്‍കോം സ്‌നാപ്ഡ്രാഗണ്‍ 200 ക്വാഡ്‌കോര്‍ പ്രൊസസറും 1 ജി.ബി. റാമും മികച്ച വേഗത നല്‍കും. 8 ജി.ബിയാണ് ഇന്റേണല്‍ മെമ്മറി. 32 ജി.ബി. വരെ മൈക്രോ എസ്.ഡി കാര്‍ഡ് ഉപയോഗിച്ച് വര്‍ദ്ധിപ്പിക്കുകയും ചെയ്യാം.

#5

LED ഫ് ളാഷോടു കൂടിയ 8 എം.പി. പ്രൈമറി ക്യാമറയും 2 എം.പി. ഫ്രണ്ട് ക്യാമറയുമാണ് ഫോണിലുള്ളത്. പിന്‍വശത്തെ ക്യാമറയില്‍ എടുക്കുന്ന ചിത്രങ്ങള്‍ക്ക് മികച്ച ക്വാളിറ്റിയാണ് ഉള്ളത്. കുറഞ്ഞ വെളിച്ചത്തില്‍ പോലും നല്ല ചിത്രങ്ങള്‍ ലഭിക്കും. അതേസമയം ഫ്രണ്ട് ക്യാമറ അത്ര മികച്ചതല്ല. എങ്കിലും വീഡിയോ കോളുകള്‍ സാധ്യമാക്കാം.

#6

വിന്‍ഡോസ്‌ഫോണിന്റെ ഏറ്റവും പുതിയ വേര്‍ഷനായ വിന്‍ഡോസ് ഫോണ്‍ 8.1 ഒ.എസ് ആണ് ഫോണില്‍ ഉപയോഗിച്ചിരിക്കുന്നത്. ആന്‍ഡ്രോയ്ഡ്, ഐ.ഒ.എസ് ഫോണുകളോട് കിടപിടിക്കാനുള്ള സംവിധാനങ്ങള്‍ ിതിനുണ്ട്.

#7

നിലവില്‍ ഇന്ത്യയില്‍ ലഭ്യമായ ഏക വിന്‍ഡോസ് ഫോണ്‍ 8.1 ഒ.എസുള്ള ഫാണ്‍ നോകിയയുടെ ലൂമിയ 630 ആണ്. 11,500 രൂപയാണ് ഈ ഫോണിന്റെ ഡ്യുവല്‍ സിം വേരിയന്റിനു വില. അതുമായി താരതമ്യം ചെയ്താല്‍ മൈക്രോമാക്‌സ് ഫോണിന് വില കുറവാണ്. 9,500 രൂപ മാത്രം. മാത്രമല്ല, ഡിസ്‌പ്ലെ, റാം എന്നിവയുടെ കാര്യത്തില്‍ കാന്‍വാസ് വിന്‍ W121 തന്നെയാണ് മികച്ചു നില്‍ക്കുന്നത്.