മൈക്രോമാക്സ് 1 ബി സ്മാർട്ഫോൺ പ്രീ-ബുക്കിംഗ് നാളെ ആരംഭിക്കുന്നു: വിശദാംശങ്ങൾ

മൈക്രോമാക്സ് 1 ബി: ഇന്ത്യയിലെ വില, ലഭ്യത

മൈക്രോമാക്സ് ഇൻ 1 ബി യുടെ 2 ജിബി റാം + 32 ജിബി സ്റ്റോറേജ് വേരിയന്റിന് 6,999 രൂപയും, 4 ജിബി റാം + 64 ജിബി സ്റ്റോറേജ് വേരിയന്റിന് 7,999 രൂപയുമാണ് വില വരുന്നത്. മൈക്രോമാക്സ് ഇന്ത്യയിൽ ട്വീറ്റ് ചെയ്തതനുസരിച്ച്, ബിഗ് ദീപാവലി സെയിൽ വേളയിൽ നവംബർ 10 മുതൽ ഉച്ചയ്ക്ക് 12 മണിക്ക് ഫ്ലിപ്പ്കാർട്ട് വഴി ഈ സ്മാർട്ട്ഫോൺ പ്രീ-ബുക്കിംഗിനായി ലഭ്യമാകും. മൈക്രോമാക്സ് ഇൻ 1 ബി ബ്ലൂ, ഗ്രീൻ, പർപ്പിൾ എന്നീ മൂന്ന് കളർ ഓപ്ഷനുകളിൽ ലഭ്യമാണ്. നവംബർ 26 മുതൽ ഉച്ചയ്ക്ക് 12 മണിക്ക് ഇത് വിൽപ്പനയ്‌ക്കെത്തും. എന്നാൽ, മൈക്രോമാക്സ് നവംബർ 24 മുതൽ വിൽപ്പനയ്‌ക്കെത്തുന്ന മൈക്രോമാക്‌സ് ഇൻ നോട്ട് 1 സ്മാർട്ഫോണിനെക്കുറിച്ചുള്ള വിശദാംശങ്ങൾ ഇതുവരെ വ്യക്തമാക്കിയിട്ടില്ല.

മൈക്രോമാക്സ് 1 ബി സവിശേഷതകൾ

ഡ്യുവൽ നാനോ സിം വരുന്ന മൈക്രോമാക്‌സ് ആൻഡ്രോയിഡ് 10 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്നു. 6.52 ഇഞ്ച് എച്ച്ഡി + ഡിസ്‌പ്ലേയാണ് വാട്ടർഡ്രോപ്പ് രൂപകല്പനയിൽ വരുന്നത്. ഒക്ടാകോർ മീഡിയടെക് ഹെലിയോ ജി 35 SoC പ്രോസസറാണ് ഈ സ്മാർട്ട്ഫോണിന് കരുത്ത് നൽകുന്നത്. 2 ജിബി, 4 ജിബി റാം ഓപ്ഷനുകളുമായി വരുന്ന ഈ ഡിവൈസിന് 13 മെഗാപിക്സൽ പ്രൈമറി ക്യാമറ സെൻസറും എഫ് / 1.8 ലെൻസും 2 മെഗാപിക്സൽ ഡെപ്ത് സെൻസറും ഉള്ള ഡ്യുവൽ റിയർ ക്യാമറ സെറ്റപ്പുമുണ്ട്. മുൻവശത്ത് 8 മെഗാപിക്സൽ സെൽഫി ക്യാമറ സെൻസറുമായാണ് മൈക്രോമാക്‌സ് ഫോൺ വരുന്നത്.

മൈക്രോമാക്സ് ഇൻ 1 ബിയിൽ 32 ജിബിയും 64 ജിബി ഓൺബോർഡ് സ്റ്റോറേജ് ഓപ്ഷനുകളും ഉണ്ട്. ഇവ രണ്ടും മൈക്രോ എസ്ഡി കാർഡ് വഴി സ്റ്റോറേജ് എക്സ്പാൻഡ് ചെയ്യാവുന്നതാണ്. 4 ജി വോൾട്ട്, വൈ-ഫൈ, ബ്ലൂടൂത്ത്, ജിപിഎസ് / എ-ജിപിഎസ്, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. പിന്നിൽ വരുന്ന ഫിംഗർപ്രിന്റ് സെൻസറും ഫോണിന്റെ സവിശേഷതയാണ്. 10W ഫാസ്റ്റ് ചാർജിംഗിനും റിവേഴ്സ് ചാർജിംഗിനും സപ്പോർട്ട് നൽകുന്ന നൽകുന്ന 5,000 എംഎഎച്ച് ബാറ്ററിയാണ് മൈക്രോമാക്സ് ഇൻ 1 ബിയിൽ വരുന്നത്.