മൈക്രോസോഫ്റ്റ് ലൂമിയ 640 ഫോണുകള്‍ ഇന്ത്യയില്‍ ഇറക്കി...!

മൈക്രോസോഫ്റ്റ് പുതിയ രണ്ട് ഫോണുകള്‍ ഇറക്കി. ലൂമിയ 640 , ലൂമിയ 640 XL എന്നിവയാണ് ഇന്ത്യയില്‍ ഇറക്കിയത്. ഫോണുകള്‍ക്ക് യഥാക്രമം 11,999 രൂപയും, 15,799 രൂപയുമാണ് വില.

കഴിഞ്ഞ മാസം നടന്ന ബാഴ്‌സിലോണ വേള്‍ഡ് മൊബൈല്‍ കോണ്‍ഗ്രസ്സിലാണ് മൈക്രോസോഫ്റ്റ് ഈ ഫോണുകള്‍ ലോഞ്ച് ചെയ്തത്. ലൂമിയ 640 ഓണ്‍ലൈനില്‍ ഫ്‌ലിപ്പ്കാര്‍ട്ടിലൂടെ മാത്രമാണ് വില്‍പ്പന നടത്തുക.

XL മോഡല്‍ റീട്ടെയില്‍ സ്‌റ്റോറുകളിലും ലഭ്യമാകും. 5 ഇഞ്ച് സ്‌ക്രീനും എച്ച്ഡി ഡിസ്‌പ്ലേയുമാണ് ലൂമിയ 640-യ്ക്ക് ഉളളത്. എന്നാല്‍ XL പതിപ്പിന് 5.7 ഇഞ്ചാണ് സ്‌ക്രീന്‍.

ഇരു ഫോണുകളിലും 1.2 ഗിഗാഹെര്‍ട്ട്‌സ് ക്വാഡ് കോര്‍ സ്‌നാപ്ഡ്രാഗണ്‍ പ്രൊസസ്സറാണ് ഉളളത്. വിന്‍ഡോസ് 8.1 ഒഎസിലാണ് ഫോണ്‍ പ്രവര്‍ത്തിക്കുന്നത്. ലൂമിയ 640-യ്ക്ക് 8 എംപി പിന്‍ക്യാമറയും, 0.9 എംപി മുന്‍ക്യാമറയും ഉള്ളപ്പോള്‍ XL പതിപ്പിന് 13 എംപി പിന്‍ ക്യാമറയും 5 എംപി മുന്‍ക്യാമറയുമാണ് ഘടിപ്പിച്ചിരിക്കുന്നത്.