വിന്‍ഡോസ് ഫോണ്‍ 8.1-ല്‍ ശാക്തീകരിച്ച ലൂമിയ 535-ന്റെ 5 ആകര്‍ഷകമായ വസ്തുതകള്‍....!

1

ഡെനിം അപ്‌ഡേറ്റോട് കൂടി വിന്‍ഡോസ് ഫോണ്‍ 8.1-ലാണ് ഈ ഫോണ്‍ പ്രവര്‍ത്തിക്കുന്നത്. കൂടാതെ നിലവിലെ എല്ലാ വിന്‍ഡോസ് ഫോണ്‍ 8 ഡിവൈസുകളും ഭാവിയില്‍ വിന്‍ഡോസ് 10 പ്ലാറ്റ് ഫോമിലേക്ക് പരിഷ്‌ക്കരിക്കാവുന്നതാണെന്നും മൈക്രോസോഫ്റ്റ് അറിയിച്ചിട്ടുണ്ട്.

2

ലൂമിയ 535-ന്റെ രണ്ട് ക്യാമറകളും 5 എംപി വീതമുളളതാണ്. സെല്‍ഫി ഭ്രമം ഉളളവരുടെ വിപണി പിടിച്ചെടുക്കുകയാണ് ഇതുകൊണ്ട് കമ്പനി ഉന്നം വയ്ക്കുന്നത്. പ്രധാന ക്യാമറ ഇത്തവണ എത്തിയിരിക്കുന്നത് എല്‍ഇഡി ഫഌഷ് പിന്തുണയോട് കൂടിയാണ്.

3

മൈക്രോസോഫ്റ്റ് ലൂമിയ 535-ന്റെ ഫസ്റ്റ് പാര്‍ട്ടി ആപുകള്‍ ആരുടേയും ശ്രദ്ധ ആകര്‍ഷിക്കും. വണ്‍ഡ്രൈവ്, സ്‌കൈപ്പ്, എംഎസ് ഓഫീസ്, വണ്‍നോട്ട് തുടങ്ങിയ ഒരു പിടി ഫസ്റ്റ് പാര്‍ട്ടി ആപുകളുമായാണ് ലൂമിയ 535 എത്തുന്നത്.

4

ലൂമിയ ബ്രാന്‍ഡിലുളള ഏത് ഫോണിന്റെയും പോലെ മനോഹരമായ നിറങ്ങളോട് കൂടിയ ഡിസൈനിലാണ് 535-ഉം എത്തിയിരിക്കുന്നത്. 1950 എംഎഎച്ചിന്റെ ബാറ്ററിയാണ് ഫോണിന് ഊര്‍ജ്ജം നല്‍കുന്നത്. ഡുവല്‍ സിം, മൈക്രോഎസ്ഡി കാര്‍ഡ് പിന്തുണ (128 ജിബി വരെ) എന്നിവയാണ് മറ്റ് സവിശേഷതകള്‍.

5

5 ഇഞ്ച് ഡിസ്‌പ്ലേയും 960 X 540 പിക്‌സലുകള്‍ റെസലൂഷനോടും കൂടിയാണ് 535 വന്നിരിക്കുന്നത്. 1.2 ഗിഗാഹെര്‍ട്ട്‌സില്‍ പ്രവര്‍ത്തിക്കുന്ന സ്‌നാപ്ഡ്രാഗണ്‍ 200 ക്വാഡ് കോര്‍ പ്രൊസസ്സറാണ് ഫോണിന്റെ ജീവന്‍. 1 ജിബി റാം ഇതിന് പിന്തുണയേകുന്നു.

നവംബര്‍ 26-ന് 535 ഉപയോക്താക്കളുടെ കൈകളില്‍ എത്തും. 10,000 രൂപയ്ക്ക് താഴെയായിരിക്കും വില എന്നാണ് പ്രതീക്ഷിക്കുന്നത്. കൂടുതല്‍ വിവരങ്ങള്‍ക്കായി ഗിസ്‌ബോട്ട് പിന്തുടരുക.