റെഡ്മി നോട്ട് 5 പ്രൊ ഉപയോഗിക്കുന്നവർക്കിതാ നിങ്ങൾ കാത്തിരുന്ന ആ സന്തോഷവാർത്ത!

MIUI 10 സ്റ്റബിൾ റോം റെഡ്മി നോട്ട് 5 പ്രോയിൽ..

OTA വഴിയാണ് ഉപഭോക്താക്കൾക്ക് അപ്‌ഡേറ്റ് ലഭ്യമാകുക. സെറ്റിങ്സിൽ അപ്‌ഡേറ്റ് സെറ്റിംഗ്സ് വഴി അപ്‌ഡേറ്റ് എത്തിയിട്ടുണ്ടോ എന്ന് പരിശോധിക്കാം. ഏതെങ്കിലും കാണത്താൽ എത്തിയില്ലെങ്കിൽ പേടിക്കേണ്ടതില്ല, വൈകാതെ തന്നെ നിങ്ങൾക്കും ലഭ്യമാകും. റെഡ്മി നോട്ട് 5 ഉപഭോക്താക്കൾക്കാണ് ഇപ്പോൾ അപ്‌ഡേറ്റ് കിട്ടുന്നത് എങ്കിലും റെഡ്മി നോട്ട് 5 അടക്കമുള്ള മറ്റു മോഡലുകൾക്കും വൈകാതെ തന്നെ അപ്‌ഡേറ്റ് ലഭ്യമാകും എന്ന് ഉറപ്പിക്കാം.

റെഡ്മി നോട്ട് 5 പ്രോയെ കുറിച്ച്..

ഈ വർഷം ഫെബ്രുവരിയിൽ ആയിരുന്നു റെഡ്മി നോട്ട് 5 പ്രൊ ഇന്ത്യയിൽ ഇറക്കിയത്. റെഡ്മി നോട്ട് 5ന്റെ കൂടെയായിരുന്നു ഇ പ്രൊ വേർഷൻ കമ്പനി ഇറക്കിയിരുന്നത്. ഫോണിന്റെ സവിശേഷതകളും കയ്യിലൊതുങ്ങുന്ന വിലയും കൊണ്ട് രാജ്യത്ത് ഏറ്റവുമധികം വിൽപ്പന നടന്ന ഫോണുകളിൽ ഒന്നായി റെഡ്മി നോട്ട് 5 മാറുകയായിരുന്നു. MIUI 9.5ൽ ആൻഡ്രോയിഡ് 7 ൽ എത്തിയ മോഡൽ ഇന്നും നിറയെ ആളുകൾ രാജ്യത്ത് വാങ്ങിക്കൊണ്ടിരിക്കുന്ന മോഡൽ കൂടിയാണ്.

റെഡ്മി നോട്ട് 5 പ്രൊ പ്രധാന സവിശേഷതകൾ

5.99 ഇഞ്ച് വലുപ്പമുളള ഐപിഎസ് എല്‍സിഡി ഡിസ്‌പ്ലേയാണ് റെഡ്മി നോട്ട് 5 പ്രോയ്ക്ക്. 18:9 അനുപാതത്തില്‍ 1080x2160 പിക്‌സല്‍ ആണ് സ്‌ക്രീനിൽ ഉള്ളത്. സ്‌ക്രീന്‍ സംരക്ഷണത്തിനായി കോര്‍ണിംഗ് ഗൊറില്ല ഗ്ലാസും ഉള്‍പ്പെടുത്തിയിട്ടുണ്ട്. സ്‌നാപ്ഡ്രാഗണ്‍ 636 പ്രോസസറാണ് ഫോണില്‍ ഉപയോഗിച്ചിരിക്കുന്നത്. ഒക്ടാകോറായ ഈ പ്രോസസറിന്റെ ശേഷി 1.8Ghz ആണ്. ഫിങ്കര്‍പ്രിന്റ് സ്‌കാനര്‍ സുരക്ഷയ്ക്കു പുറമേ ഷവോമിയുടെ ശക്തിയേറിയ എംഐയു ഉപയോഗിച്ച് ഫോണ്‍ തുറക്കാം. 12എംപി/5എംപി ക്യാമറയാണ് പിന്നില്‍. എന്നാല്‍ സെല്‍ഫി ക്യാമറ 20എംപിയും. 4000എംഎഎച്ച് ബാറ്ററിയാണ് ഫോണില്‍ ഉള്‍പ്പെടുത്തിയിരിക്കുന്നത്.