സൂക്ഷിക്കുക; സെല്‍ഫോണിന്റെ അമിത ഉപയോഗം മാനസിക രോഗത്തിനു കാരണമായേക്കാം

#1

സെല്‍ഫോണ്‍ അഡിക്റ്റുകള്‍ സമൂഹത്തില്‍ നിന്ന് എപ്പോഴും അകന്നുനില്‍ക്കാന്‍ ആഗ്രഹിക്കും. കാരണം ബന്ധുക്കളോടൊ സുഹൃത്തുക്കളോടൊ ഒപ്പം സമയം ചെലവഴിക്കുന്നതിനേക്കാള്‍ ഫോണില്‍ സമയം കളയാനാണ് ഇവര്‍ താല്‍പര്യപ്പെടുന്നത്.

#2

എന്തെങ്കിലും കാരണവശാല്‍ ഫോണ്‍ കൈയിലെടുക്കാന്‍ മറക്കുകയോ സ്വിച് ഓഫ് ചെയ്യേണ്ടി വരികയോ ചെയ്താല്‍ ഇത്തരക്കാര്‍ വല്ലാതെ അസ്വസ്ഥരാവും. അകാരണമായ ഭയം ഇവിരെ എപ്പോഴും വേട്ടയാടിക്കൊണ്ടിരിക്കും.

#3

സെല്‍ഫോണ്‍ സൃഷ്ടിക്കുന്ന മറ്റൊരു ദുരന്തമാണ് സോഷ്യല്‍ നെറ്റ് വര്‍ക്കിംഗ് സൈറ്റുകളില്‍ അഡിക്റ്റ് ആവുക എന്നത്. സ്മാര്‍ട്‌ഫോണില്‍ ഫേസ് ബുക്ക് ഉള്‍പ്പെടെ എല്ലാ സോഷ്യല്‍ നെറ്റ് വര്‍ക്കിംഗ് സൈറ്റുകളും ലഭിക്കുമെന്നതിനാല്‍ സദാ സമയവും ഇത്തരം സൈറ്റുകളിലായിരിക്കും ഇവര്‍.

#4

സെല്‍ഫോണ്‍ അഡിക്ഷന്‍ സൃഷ്ടിക്കുന്ന മറ്റൊരു പ്രശ്‌നമാണ് ഉറക്കമില്ലായ്മ. ദിവസവും മണിക്കൂറുകളോളം ഫോണ്‍ ഉപയോഗിക്കുന്നവര്‍ക്ക് രാത്രിയില്‍ ഉറക്കം തീരെ കുറവായിരിക്കുമെന്ന് പഠനങ്ങളില്‍ കണ്ടെത്തിയിട്ടുണ്ട്.

#5

സദാസമയവും മെസേജ് അയച്ചുകൊണ്ടിരിക്കുക എന്നതാണ് ഇത്തരക്കാരുടെ മറ്റൊരു വിനോദം. ഏതെങ്കിലും മെസേജിന് മറുപടി ലഭിക്കാതിരുന്നാല്‍ അങ്ങേയറ്റം അസ്വസ്ഥരാവുകയും ചെയ്യും.

#6

രണ്ടോ മൂന്നോ മിനിറ്റുകൂടുമ്പോള്‍ സുഹൃത്തുക്കളേയോ പരിചയക്കാരേയോ വിളിച്ചുകൊണ്ടിരിക്കുകയോ മിസ്ഡ്‌കോള്‍ നല്‍കുകയോ ചെയ്യും. യാതൊരു കാര്യവുമില്ലാതെയായിരിക്കും ഇതെല്ലാം.

#7

സെല്‍ഫോണ്‍ അഡിക്ഷന്‍ ഉള്ള വിദ്യാര്‍ഥികളില്‍ കാണുന്ന പ്രധാന പ്രശ്‌നമാണ് പഠനത്തില്‍ താല്‍പര്യമില്ലായ്മ. പഠിക്കുന്ന സമയത്ത് ഗെയിമുകളില്‍ മുഴുകുകയോ മെസേജുകള്‍ അയയ്ക്കുകയോ ഒക്കെയാണ് ഇവര്‍ ചെയ്യുക.

#8

പഠനത്തിലെന്ന പോലെ സെല്‍ഫോണ്‍ അഡിക്റ്റുകള്‍ക്ക് ജോലിയിലും തീരെ ശ്രദ്ധ കുറവായിരിക്കും. ഓഫീസിലിരുന്ന് ഫോണില്‍ മണിക്കൂറുകളോളം സംസാരിക്കുകയോ മെസേജുകള്‍ അയയ്ക്കുകയോ ഒക്കെയാണ് ഇവരുടെ വിനോദം.