5,000 എംഎഎച്ച് ബാറ്ററിയുമായി മോട്ടോ ഇ 7 പ്ലസ് ഇന്ത്യയിൽ അവതരിപ്പിച്ചു: വില,സവിശേഷതകൾ

ഇന്ത്യയിലെ മോട്ടോ ഇ 7 പ്ലസ്: വില, വിൽപ്പന തീയതി

ഇന്ത്യയിൽ മോട്ടോ ഇ 7 പ്ലസ് സിംഗിൾ 4 ജിബി + 64 ജിബി സ്റ്റോറേജ് വേരിയന്റിന് 9,499 രൂപയാണ് വില വരുന്നത്. മിസ്റ്റി ബ്ലൂ, ട്വിലൈറ്റ് ഓറഞ്ച് തുടങ്ങിയ കളർ ഓപ്ഷനുകളിലാണ് ഈ ഹാൻഡ്‌സെറ്റ് വരുന്നത്. സെപ്റ്റംബർ 30ന് ഉച്ചയ്ക്ക് 12 മണി മുതൽ ഫ്ലിപ്പ്കാർട്ട് വഴി രാജ്യത്ത് ഈ സ്മാർട്ഫോൺ വാങ്ങാൻ ലഭ്യമാകും. മോട്ടോ ഇ 7 പ്ലസ് കഴിഞ്ഞയാഴ്ച ആഗോളതലത്തിൽ 149 യൂറോ (ഏകദേശം 12,800 രൂപ) വിലയുമായി മോട്ടോ ഇ 7 പ്ലസ് ലോഞ്ച് ചെയ്യ്തിരുന്നു.

മോട്ടോ ഇ 7 പ്ലസ്: സവിശേഷതകൾ

ഡ്യുവൽ നാനോ സിം വരുന്ന മോട്ടോ ഇ 7 പ്ലസ് ആൻഡ്രോയിഡ് 10 ഓപ്പറേറ്റിംഗ് സിസ്റ്റത്തിലാണ് പ്രവർത്തിക്കുന്നത്. 6.5 ഇഞ്ച് എച്ച്ഡി + മാക്‌സ് വിഷൻ ഡിസ്‌പ്ലേയാണ് ഈ സ്മാർട്ട്ഫോണിന്റെ ഒരു പ്രധാനപ്പെട്ട സവിശേഷത. അഡ്രിനോ 610 ജിപിയു, 4 ജിബി റാം എന്നിവയുമായി ജോഡിയാക്കി ഒക്ടാ-കോർ ക്വാൽകോം സ്‌നാപ്ഡ്രാഗൺ 460 SoC പ്രോസസർ ഈ ഡിവൈസിന് കരുത്തേകുന്നു. ഫോട്ടോകൾ എടുക്കുന്നതിനും വീഡിയോകൾ റെക്കോർഡ് ചെയ്യുന്നതിനുമായി എഫ് / 1.7 ലെൻസുള്ള 48 മെഗാപിക്സൽ പ്രൈമറി സെൻസറും, എഫ് / 2.4 ലെൻസുള്ള 2 മെഗാപിക്സൽ സെക്കൻഡറി സെൻസറും ഉൾപ്പെടുന്ന ഡ്യുവൽ റിയർ ക്യാമറ സെറ്റപ്പും മോട്ടോ ഇ 7 പ്ലസിൽ വരുന്നു. മുൻവശത്ത് വരുന്ന 8 മെഗാപിക്സൽ സെൽഫി ക്യാമറ സെൻസറും എഫ് / 2.2 ലെൻസുമായി ജോടിയാക്കിയിട്ടുണ്ട്.

മികച്ച ഫോട്ടോഗ്രാഫി എക്‌സ്‌പീരിയൻസിനായി നൈറ്റ് വിഷൻ മോഡ്, ആർട്ടിഫിഷ്യൽ ഇന്റലിജൻസ് (എഐ) പിന്തുണയുള്ള ഓട്ടോ സ്മൈൽ ക്യാപ്‌ചർ, സ്മാർട്ട് കോമ്പോസിഷൻ, ഷോട്ട് ഒപ്റ്റിമൈസേഷൻ, പോർട്രെയിറ്റ് മോഡ്, സ്‌പോട്ട് കളർ എന്നിവയുൾപ്പെടെയുള്ള ക്യാമറ സവിശേഷതകളോടെ മോട്ടോ ഇ 7 പ്ലസ് വിപണിയിൽ വരുന്നത്. ടൈംലാപ്സും സ്ലോ മോഷൻ വീഡിയോകളും ക്യാപ്‌ചർ ചെയ്യുന്നതിന് ഹൈ-റെസ് സൂം, ഹൈപ്പർലാപ്സ് പ്ലസ് സ്ലോ മോഷൻ വീഡിയോ എന്നിവ ഇതിൽ ഫീച്ചർ ചെയ്യുന്നു.

മൈക്രോ എസ്ഡി കാർഡ് ഉപയോഗിച്ച് 512 ജിബി വരെ എക്സ്പാൻഡിബിൾ മെമ്മറി സ്റ്റോറേജ് പിന്തുണയ്ക്കുന്ന 64 ജിബി ഓൺബോർഡ് സ്റ്റോറേജ് മോട്ടറോള നൽകിയിട്ടുണ്ട്. 4 ജി എൽടിഇ, വൈഫൈ ബി / ജി / എൻ, ബ്ലൂടൂത്ത് വി 5.0, ജിപിഎസ് / എ-ജിപിഎസ്, മൈക്രോ-യുഎസ്ബി, 3.5 എംഎം ഹെഡ്‌ഫോൺ ജാക്ക് എന്നിവ സ്മാർട്ട്ഫോണിലെ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ഓൺ‌ബോർഡിലെ സെൻസറുകളിൽ ആക്‌സിലറോമീറ്റർ, ആംബിയന്റ് ലൈറ്റ്, പ്രോക്‌സിമിറ്റി സെൻസർ എന്നിവയുണ്ട്. ഫോണിന്റെ പിൻഭാഗത്തായി ഫിംഗർപ്രിന്റ് സെൻസറും വരുന്നു. 10W ഫാസ്റ്റ് ചാർജിംഗിനെ പിന്തുണയ്‌ക്കുന്ന 5,000 എംഎഎച്ച് ബാറ്ററിയാണ് മോട്ടോ ഇ 7 പ്ലസിലുള്ളത്. കൂടാതെ, രണ്ട് ദിവസത്തെ പവർ ഒരൊറ്റ ചാർജിൽ ലഭ്യമാക്കുവാൻ ഇത് സഹായിക്കുന്നു. 200 ഗ്രാം ഭാരമാണ് ഈ ഹാൻഡ്സെറ്റിനുള്ളത്.