മോട്ടോ ഇ 7 എഫ്‌സി‌സി, ടി‌യുവി സർ‌ട്ടിഫിക്കേഷൻ‌ സൈറ്റുകളിൽ‌ കണ്ടെത്തി: സവിശേഷതകൾ

മോട്ടോ ഇ 7 മോഡലുകൾ ടി‌യുവി സ്ഥിരീകരണത്തോടെ 4,000 എംഎഎച്ച് ബാറ്ററിയുമായി വരുന്നു. ഈ ബാറ്ററി യൂണിറ്റ് 5W ചാർജിംഗിനെ സപ്പോർട്ട് ചെയ്യുന്നു. അതിനാൽ, ആൻഡ്രോയിഡിൽ പ്രവർത്തിക്കുന്ന മോട്ടോ ഇ 7 ഒരു എൻട്രി ലെവൽ സ്മാർട്ട്‌ഫോണായിരിക്കുമെന്ന് വ്യക്തമാകുന്നു. മോട്ടോ ഇ 7 ന്റെ മിക്ക വിശദാംശങ്ങളും ഒരു ഓൺലൈൻ റീട്ടെയിലർ അവരുടെ ലിസ്റ്റിംഗിലൂടെ വിശദാംശങ്ങൾ പങ്കുവെച്ചു. ഈ സ്മാർട്ട്‌ഫോണിന് ആൻഡ്രോയിഡ് 10 ഔട്ട്-ഓഫ്-ബോക്‌സ് ലഭിക്കുന്നു.

മോട്ടോ ഇ 7: ചോർന്ന സവിശേഷതകൾ

6.2 ഇഞ്ച് എച്ച്ഡി + (720 × 1,520 പിക്‌സൽ) ഡിസ്‌പ്ലേയാണ് ഈ സ്മാർട്ട്ഫോണിൽ വരുന്നത്. ഈ സ്മാർട്ട്ഫോണിന് നൽകിയിരിക്കുന്ന ഡിസ്പ്ലേയ് നോച്ചിൽ ഒരു സെൽഫി ക്യാമറ നൽകിയിരിക്കുന്നു. മോട്ടോ ഇ 7 സ്മാർട്ട്‌ഫോണിന്റെ പ്രോസസറിനെക്കുറിച്ച് നിലവിൽ ഒരു വിവരവും ലഭ്യമല്ല. ഈ ഡിവൈസ് 2 ജിബി റാം + 32 ജിബി സ്റ്റോറേജ് കോൺഫിഗറേഷനിൽ അവതരിപ്പിക്കും. ഡ്യൂവൽ പിൻ ക്യാമറ സെറ്റപ്പുമായാണ് മോട്ടോ ഇ 7 വിപണിയിൽ വരുന്നത്.

ഈ സ്മാർട്ട്‌ഫോണിന്റെ പ്രധാന ക്യാമറ 13 മെഗാപിക്സലായിരിക്കും വിപണിയിൽ വരുന്നത്. അതേസമയം 2 മെഗാപിക്സൽ സെക്കൻഡറി ലെൻസും ഇതിൽ ഉണ്ടാകും. മുൻവശത്ത്, സെൽഫികൾ പകർത്തുവാൻ 5 മെഗാപിക്സൽ ഷൂട്ടർ കമ്പനി നൽകിയിരിക്കുന്നു. ഒരൊറ്റ ചാർജിൽ 2 ദിവസം വരെ ബാക്കപ്പുള്ള 3,500 എംഎഎച്ച് ബാറ്ററി ഉൾപ്പെടുത്തുവാൻ സാധ്യതയുണ്ട്. 3.5 എംഎം ഹെഡ്‌ഫോൺ ജാക്ക്, വൈ-ഫൈ, എൽടിഇ, ജിപിഎസ്, ബ്ലൂടൂത്ത് എന്നിവ കണക്റ്റിവിറ്റി ഓപ്ഷനുകളിൽ ഈ സ്മാർട്ട്ഫോണിന് ലഭിക്കും. മോട്ടോ ഇ 7 ന് ഫിംഗർപ്രിന്റ് സെൻസറും ലഭിച്ചേക്കും.