പുതിയ ഓപ്ഷനായി ഇത് ഇരിക്കട്ടെ! മോട്ടോ G 5G 2026, മോട്ടോ G പ്ലേ 5G 2026 മോഡലുകൾ ലോഞ്ച് ചെയ്തു

മോട്ടറോള കഴിഞ്ഞ വർഷത്തെ തങ്ങളുടെ മോഡലുകളുടെ പിൻഗാമിയായി മോട്ടോ G 5G 2026 (moto g 5G 2026), മോട്ടോ G പ്ലേ 5G 2026 (moto g Play 5G 2026) എന്നീ മോഡലുകൾ യുഎസ് വിപണിയിൽ അ‌വതരിപ്പിച്ചു. മീഡിയടെക് ഡൈമെൻസിറ്റി 6300 6nm പ്രോസസർ കരുത്തിലാണ് ഇരുമോഡലുകളും എത്തിയിരിക്കുന്നത്. ഇവ തമ്മിലുള്ള പ്രധാന വ്യത്യാസം ക്യാമറയുടെ കാര്യത്തിലാണ്. സോഫ്റ്റ്, വീഗൻ ലെതർ ഫിനിഷിൽ എത്തുന്ന ഈ മോട്ടറോള സ്മാർട്ട്ഫോണുകളിൽ 6.7″ HD+ 120Hz LCD സ്‌ക്രീൻ ആണ് ഉള്ളത്.

ഇരുമോഡലുകളുടെയും ക്യാമറകളുടെ കാര്യമെടുത്താൽ, മോട്ടോ g 5G- യിൽ 50MPമെയിൻ ക്യാമറയും 32MP ഫ്രണ്ട് ക്യാമറയും അ‌ടക്കം നൽകിയിരിക്കുന്നു. മോട്ടോ g Play 5G എത്തുന്നത് 32MP മെയിൻ ക്യാമറയും 8MP ഫ്രണ്ട് ക്യാമറയുമായാണ്. 30W ഫാസ്റ്റ് ചാർജിംഗുള്ള 5200mAh ബാറ്ററി ഇരുമോഡലുകളിലുമുണ്ട്.

മോട്ടോ ജി 2026 5ജിയുടെ ക്യാമറ സജ്ജീകരണത്തിൽ f/1.8 അപ്പേർച്ചറുള്ള 50MP മെയിൻ ക്യാമറ, ക്വാഡ് പിക്സൽ ടെക്നോളജി, 2MP മാക്രോ ക്യാമറ (f/2.5 അപ്പേർച്ചർ) എന്നിവ അ‌ടങ്ങുന്ന റിയർ ക്യാമറ യൂണിറ്റും f/2.2 അപ്പേർച്ചറുള്ള 32MP ഫ്രണ്ട് ക്യാമറയുമാണ് ഉള്ളത്.

മോട്ടോ g പ്ലേ 5G (2026 -ന്റെ റിയർ ക്യാമറ സജ്ജീകരണത്തിൽ f/2.2 അപ്പേർച്ചറുള്ള 32MP മെയിൻ ക്യാമറയും സെൽഫിക്കും വീഡിയോ കോളുകൾക്കുമായി ഫ്രണ്ടിൽ f/2.0 അപ്പേർച്ചറുള്ള 8MP ക്യാമറയും ഉണ്ട്. ​സൈഡ് മൗണ്ട് ഫിംഗർപ്രിന്റ് സ്കാനർ ആണ് ഇവയിൽ നൽകിയിരിക്കുന്നത്.

3.5mm ഓഡിയോ ജാക്ക്, ഡോൾബി അറ്റ്മോസ്, സ്റ്റീരിയോ സ്പീക്കറുകൾ, പൊടിപടലങ്ങളെയും വീഴ്ചകളെും പ്രതിരോധിക്കാൻ IP52 റേറ്റിങ്, 5G SA/NSA, ഡ്യുവൽ 4G VoLTE, Wi-Fi 802.11 ac (2.4GHz + 5GHz), ബ്ലൂടൂത്ത് 5.3, GPS, USB ടൈപ്പ്-C, NFC, 30W ഫാസ്റ്റ് ചാർജിങ് പിന്തുണയുള്ള 5,200mAh ബാറ്ററി എന്നിവ ഇരുമോഡലുകളിലുമുണ്ട്.

മോട്ടോ g 5G 2026 മോഡലിന് 199.99 യുഎസ് ഡോളർ (ഏകദേശം 17,740 രൂപ) വിലയുണ്ട് പാന്റോൺ സ്ലിപ്‌സ്ട്രീം, പാന്റോൺ കാറ്റ്‌ലിയ ഓർക്കിഡ് കളർ ഓപ്ഷനുകളിൽ ഈ ഫോൺ ലഭ്യമാകും. ഡിസംബർ 11 മുതൽ മോട്ടറോളയുടെ ഔദ്യോഗിക വെബ്​സൈറ്റ് വഴി ഓൺ​ലൈനായും തുടർന്ന് ജനുവരി 15 മുതൽ ബെസ്റ്റ് ​ബൈ, ആമസോൺ എന്നിവ വഴിയും ലഭ്യമാകും.

മോട്ടോ g Play 5G 2026 മോഡൽ 169.99 യുഎസ് ഡോളർ (ഏകദേശം 15,080 രൂപ) വിലയിലാണ് അ‌വതരിപ്പിക്കപ്പെട്ടിരിക്കുന്നത്. പാന്റോൺ സ്ലിപ്പ്സ്ട്രീം കളർ ഓപ്ഷനിലാണ് ഇത് എത്തുന്നത്. നവംബർ 13 മുതൽ മോട്ടറോള വെബ്​സൈറ്റ് വഴി ഓൺലൈനായും തുടർന്ന് വരും മാസങ്ങളിൽ ബെസ്റ്റ് ​ബൈ വഴിയും ഇത് ലഭ്യമാകും.