മോട്ടോ ജി 100 ൻറെ 8 ജിബി + 128 ജിബി സ്റ്റോറേജ് വേരിയൻറ് മാർച്ച് 25 ന് അവതരിപ്പിക്കും

മോട്ടോ ജി 100: പ്രതീക്ഷിക്കുന്ന വില

സ്പാനിഷ് റീട്ടെയിലർ പാരാറ്റുപ്കിയുടെ വെബ്‌സൈറ്റിൽ മോഡൽ നമ്പർ എക്‌സ് ടി 2125, 8 ജിബി റാം + 128 ജിബി സ്റ്റോറേജ് എന്നിവയുള്ള ഈ മോട്ടറോള ഹാൻഡ്‌സെറ്റ് യൂറോ 479.77 (ഏകദേശം 41,400 രൂപ) കൂടാതെ, ഒരു ബ്ലൂ കളർ വേരിയന്റിലും ഈ ഹാൻഡ്‌സെറ്റ് വെബ്‌സൈറ്റിൽ പട്ടികപ്പെടുത്തിയിരിക്കുന്നു. ജനുവരിയിൽ ചൈനയിൽ വിപണിയിലെത്തിയ മോട്ടറോള എഡ്ജ് എസിൻറെ ഗ്ലോബൽ എഡിഷനാണെന്ന് വിശ്വസിക്കപ്പെടുന്ന മോട്ടോ ജി 100 യുടേതാണ് ഈ മോഡൽ നമ്പർ. സ്പാനിഷ് റീട്ടെയിലർ വെബ്‌സൈറ്റ് ലിസ്റ്റിംഗ് ആദ്യമായി കണ്ടെത്തിയത് 91 മൊബൈൽ ആണ്.

മോട്ടറോള എഡ്ജ് എസിൻറെ 6 ജിബി റാം + 128 ജിബി സ്റ്റോറേജ് വേരിയന്റിന് സി‌എൻ‌വൈ 1,999 (ഏകദേശം 22,600 രൂപ), 8 ജിബി റാം + 128 ജിബി സ്റ്റോറേജ് വേരിയന്റിന് സി‌എൻ‌വൈ 2,399 (ഏകദേശം 27,000 രൂപ), 8 ജിബി + 256 ജിബി സ്റ്റോറേജ് വേരിയന്റിന് സി‌എൻ‌വൈ 2,799 (ഏകദേശം 31,600 രൂപ) എന്നിങ്ങനെയാണ് വില വരുന്നത്. ഈ രണ്ട് ഹാൻഡ്സെറ്റുകളുടെയും പരിവർത്തനം ചെയ്ത ഐആർആർ വിലയുമായി താരതമ്യപ്പെടുത്തുമ്പോൾ മോട്ടോ ജി 100 യൂറോപ്യൻ വിപണിയിൽ വില വളരെ ഉയർന്നതായി മനസിലാക്കുവാൻ സാധിക്കും.

എന്നാൽ, ഇത് സാധാരണയാണെങ്കിലും ഈ സ്മാർട്ട്ഫോണിന് ഇന്ത്യയിൽ വരുന്ന വില യൂറോപ്യൻ വിലയേക്കാൾ കുറവായിരിക്കുമെന്ന് പ്രതീക്ഷിക്കുന്നു. മാർച്ച് 25 ന് ഒരു ലോഞ്ച് ഇവന്റ് നടത്തുമെന്ന് മോട്ടറോള അടുത്തിടെ പറഞ്ഞിരുന്നു. എന്നാൽ, ഈ ഹാൻഡ്‌സെറ്റിൻറെ കൂടുതൽ കാര്യങ്ങൾ ഇതുവരെ വെളിപ്പെടുത്തിയിട്ടില്ലെങ്കിലും മോട്ടോ ജി 100 ൻറെ ഗ്ലോബൽ ലോഞ്ച് മാർച്ച് 25 ന് തന്നെ നടക്കുന്നതാണ്.

മോട്ടോ ജി 100: പ്രതീക്ഷിക്കുന്ന സവിശേഷതകൾ

മോട്ടറോള എഡ്ജ് എസിന്റെ ഗ്ലോബൽ എഡിഷനായി മാറിയേക്കാവുന്ന മോട്ടോ ജി 100 ൻറെ പ്രതീക്ഷിക്കുന്ന സവിശേഷതകൾ ഇവയാണ്. 90 ഹെർട്സ് റിഫ്രഷ് റേറ്റ് വരുന്ന 6.7 ഇഞ്ച് ഫുൾ എച്ച്ഡി + (1,080x2,520 പിക്‌സൽ) ഡിസ്‌പ്ലേ ഈ സ്മാർട്ട്ഫോണിലുണ്ടാകും. സ്നാപ്ഡ്രാഗൺ 870 SoC പ്രോസസറാണ് ഈ ഹാൻഡ്‌സെറ്റിന് കരുത്ത് നൽകുന്നത്. യുഎസ്ബി ടൈപ്പ്-സി പോർട്ടും 3.5 എംഎം ഹെഡ്ഫോൺ ജാക്കും ഇതിൽ ഉൾപ്പെടുത്തും.

മോട്ടോ ജി 100: ക്യാമറ സവിശേഷതകൾ

64 മെഗാപിക്സൽ പ്രൈമറി സെൻസർ, 16 മെഗാപിക്സൽ അൾട്രാ-വൈഡ് ആംഗിൾ ഷൂട്ടർ, 2 മെഗാപിക്സൽ ഡെപ്ത് സെൻസർ, ടൈം-ഓഫ്-ഫ്ലൈറ്റ് (ടോഫ്) സെൻസർ എന്നിവ മോട്ടോ ജി 100യുടെ ക്വാഡ് റിയർ ക്യാമറ സെറ്റപ്പിൽ ഉണ്ടെന്ന് പറയപ്പെടുന്നു. മുൻവശത്ത്, മോട്ടോ ജി 100 ന് 16 മെഗാപിക്സൽ പ്രൈമറി സെൻസറും 8 മെഗാപിക്സൽ സെക്കൻഡറി സെൻസറും അൾട്രാ വൈഡ് ആംഗിൾ ലെൻസുമായി വരാം. 5 ജി, 4 ജി എൽടിഇ, വൈ-ഫൈ 6, ബ്ലൂടൂത്ത് 5.1, എൻ‌എഫ്‌സി എന്നിവയുൾപ്പെടെ കണക്റ്റിവിറ്റി ഓപ്ഷനുകളുള്ള 256 ജിബി വരെ യു‌എഫ്‌എസ് 3.1 സ്റ്റോറേജ് ഇതിന് ഉണ്ടായിരിക്കാം. 20W ഫാസ്റ്റ് ചാർജിംഗിനെ സപ്പോർട്ട് ചെയ്യുന്ന 5,000 എംഎഎച്ച് ബാറ്ററിയാണ് മോട്ടോ ജി 100ൽ വരുന്നത്.