വല്ലാത്തൊരു പണിയുടെ കഥ! മോട്ടറോളയുടെ പുതിയ 5G ഫോൺ വിലയും കൂടി, ആശ്വാസമായി ഡിസ്കൗണ്ട്

മോട്ടറോള കഴിഞ്ഞ മാസം ഇന്ത്യയിൽ ലോഞ്ച് ചെയ്യുകയും ഈ മാസം വിൽപ്പന ആരംഭിക്കുകയും ചെയ്ത 5ജി സ്മാർട്ട്ഫോൺ ആണ് മോട്ടോ ജി57 പവർ 5ജി (moto g57 Power). എന്നാൽ വിൽപ്പന തുടങ്ങി രണ്ടാഴ്ച പിന്നിട്ടപ്പോഴേക്കും സ്മാർട്ട്ഫോൺ വിപണിയിൽ ഇപ്പോൾ പിടിമുറുക്കിയിരിക്കുന്ന വില വർധന ഈ മോഡലിനെയും ബാധിച്ചിരിക്കുന്നു. ലോഞ്ച് വിലയെക്കാൾ 2000 രൂപ കൂടിയ വിലയിലാണ് മോട്ടറോള വെബ്​സൈറ്റിൽ ഇപ്പോൾ ഇത് ലിസ്റ്റ് ചെയ്തിരിക്കുന്നത്. ഇന്ത്യയിൽ ലോഞ്ച് ചെയ്യുന്ന സമയത്ത് മോട്ടോ g57 പവർ 5ജിയുടെ സിംഗിൾ 8GB + 128GB മോഡലിന് 14,999 രൂപയായിരുന്നു വില.

ഇപ്പോൾ മോട്ടറോളയുടെ ഔദ്യോഗിക വെബ്​സൈറ്റിൽ 16999 രൂപ വിലയാണ് ഈ മോഡലിന് കാണിക്കുന്നത്. എന്നാൽ 2000 രൂപ ബാങ്ക് ഡിസ്കൗണ്ടും ലഭ്യമായതിനാൽ 14999 രൂപ വിലയിൽ സ്വന്തമാക്കാനാകും. അ‌തേസമയം ഫ്ലിപ്പ്കാർട്ടിൽ പുതിയ വില വർധന പ്രതിഫലിച്ചിട്ടില്ല. 14999 രൂപ വിലയിലാണ് ഈ മോട്ടറോള ഫോൺ ഫ്ലിപ്പ്കാർട്ടിൽ ലിസ്റ്റ് ചെയ്തിരിക്കുന്നത്.

ആക്സിസ് ബാങ്ക് ഫ്ലിപ്പ്കാർട്ട് ഡെബിറ്റ് കാർഡ് ഉപയോഗിച്ചുള്ള പർച്ചേസിന് 750 രൂപ ക്യാഷ്ബാക്ക് ലഭ്യമാകും. അ‌തല്ലെങ്കിൽ എസ്ബിഐ ക്രെഡിറ്റ് കാർഡ് പർച്ചേസിന് 5 ശതമാനം ക്യാഷ്ബാക്ക് ലഭ്യമാണ്. ഇവ പ്രയോജനപ്പെടുത്തിയാൽ വില വീണ്ടും കുറയ്ക്കാൻ സാധിക്കും. പാന്റോൺ റെഗറ്റ, പാന്റോൺ-കോർസെയർ, പാന്റോൺ ഫ്ലൂയിഡിറ്റി എന്നീ കളർ ഓപ്ഷനുകളിലാണ് ജി57 പവർ 5ജി ലഭ്യമാകുക.

സ്‌നാപ്ഡ്രാഗൺ 6s ജെൻ 4 ചിപ്സെറ്റുള്ള ആദ്യ സ്മാർട്ട്ഫോൺ എന്ന പ്രത്യേകതയുമായിട്ടാണ് ഈ ഫോൺ ഇന്ത്യയിൽ ലോഞ്ച് ചെയ്യപ്പെട്ടത്. 3 ദിവസം വരെ ബാറ്ററി ലൈഫ് വാഗ്ദാനം ചെയ്യുന്ന വലിയ, 7000mAh ബാറ്ററിയാണ് മോട്ടോ ജി57 പവർ 5ജിയുടെ മറ്റൊരു മുഖ്യ ആകർഷണം.

പ്രധാന ഫീച്ചറുകൾ

ഒക്ട കോർ (2.4GHz+4x A78 1.8GHz ക്രയോ സിപിയുകളിൽ) സ്നാപ്ഡ്രാഗൺ 6s ജെൻ 4 4nm മൊബൈൽ പ്ലാറ്റ്ഫോം ആണ് ഈ ഫോണിന്റെ കരുത്ത്. അഡ്രിനോ ജിപിയു, 8GB LPDDR4x റാം, 256GB UFS 2.2 ഇന്റേണൽ സ്റ്റോറേജ് എന്നിവ ഇതോടൊപ്പം നൽകിയിരിക്കുന്നു.

120Hz റിഫ്രഷ് റേറ്റ് ഉള്ള 6.7-ഇഞ്ച് (2400 x 1080 പിക്സൽസ്) FHD+ LCD സ്ക്രീൻ, 1050 nits വരെ പീക്ക് ബ്രൈറ്റ്നസ്, കോർണിംഗ് ഗൊറില്ല ഗ്ലാസ് 7i പ്രൊട്ടക്ഷൻ എന്നിവയാണ് ഡിസ്പ്ലേയുമായി ബന്ധപ്പെട്ട പ്രധാന ഫീച്ചറുകൾ. ആൻഡ്രോയിഡ് 16 ൽ പ്രവർത്തിപ്പിക്കുന്ന ആദ്യ മോട്ടോറോള ഫോണാണിത്, ആൻഡ്രോയിഡ് 17-ലേക്ക് അപ്‌ഗ്രേഡ് ചെയ്യാമെന്നും 3 വർഷത്തെ സുരക്ഷാ അപ്‌ഡേറ്റുകൾ ലഭിക്കുമെന്നും കമ്പനി വാഗ്ദാനം ചെയ്തിട്ടുണ്ട്.

1/1.95″ സോണി LYT-600 സെൻസറുള്ള 50MP മെയിൻ ക്യാമറ (f/1.8 അപ്പേർച്ചർ), 8MP 118° അൾട്രാ-വൈഡ് ക്യാമറ ( f/2.2 അപ്പേർച്ചർ), LED ഫ്ലാഷ്, ഫ്ലിക്കർ ഡിറ്റക്ടർ, 1080p വരെ വീഡിയോ റെക്കോർഡിംഗ് എന്നിവ അ‌ടങ്ങുന്ന റിയർ ക്യാമറ സജ്ജീകരണവും സെൽഫിക്കും വീഡിയോ കോളുകൾക്കുമായി f/2.2 അപ്പേർച്ചറുള്ള 8MP ഫ്രണ്ട് ഫേസിംഗ് ക്യാമറയും 1080p വരെ വീഡിയോ റെക്കോർഡിംഗ് സഹിതം മോട്ടോ ജി57 പവർ 5ജിയിൽ സജ്ജീകരിച്ചിരിക്കുന്നു.

30W ടർബോപവർ ഫാസ്റ്റ് ചാർജിങ് സഹിതം 7000mAh ബാറ്ററി, IP64 റേറ്റിങ്, MIL-STD 810H സർട്ടിഫിക്കേഷൻ, സൈഡ്-മൗണ്ടഡ് ഫിംഗർപ്രിന്റ് സെൻസർ, 3.5mm ഓഡിയോ ജാക്ക്, സ്റ്റീരിയോ സ്പീക്കറുകൾ, ഡോൾബി അറ്റ്മോസ്, ഡ്യുവൽ മൈക്രോഫോണുകൾ, ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE, USB ടൈപ്പ്-C എന്നിവയാണ് മറ്റ് പ്രധാന ഫീച്ചറുകൾ.