മാർച്ചിൽ വാങ്ങാൻ 20,000 രൂപയിൽ താഴെ വിലവരുന്ന മികച്ച ഗെയിമിങ് സ്മാർട്ട്ഫോണുകൾ

കരുത്ത് കൂടിയ ചിപ്പ്സെറ്റുകളും വലിയ ഡിസ്പ്ലെകളും ഈ ഡിവൈസുകളുടെ സവിശേഷതയാണ്. 20,000 രൂപയിൽ താഴെ വിലയുള്ള ഏറ്റവും പുതിയ ചില സ്മാർട്ട്ഫോണുകൾ ഇവിടെ ലിസ്റ്റ് ചെയ്തിട്ടുണ്ട്. ഇവയുടെ ഗെയിമിങ് പ്രകടനം, പ്രോസസർ വേഗത, ഡിസ്പ്ലെ, ബാറ്ററി എന്നിവയെല്ലാം പരിഗണിച്ചാണ് ഈ ലിസ്റ്റ് തയ്യാറാക്കിയിരിക്കുന്നത്. 20,000 രൂപയിൽ താഴെ വിലയുള്ള ഏറ്റവും മികച്ച സ്മാർട്ട്ഫോണുകൾ ഏതൊക്കെയാണെന്ന് അറിയാൻ താഴേക്ക് വായിക്കുക.

റെഡ്മി നോട്ട് 11ടി 5ജി

റെഡ്മി നോട്ട് 11 സീരീസിലെ മുൻനിര ഫോണുകളിൽ ഒന്നാണ് റെഡ്മി നോട്ട് 11 ടി 5 ജി. മീഡിയടെക് ഡൈമെൻസിറ്റി 810 പ്രൊസസറുമായാണ് ഈ 5ജി ഫോൺ വരുന്നത്. മിഡ്റേഞ്ച് ഫോണുകളിൽ ലഭ്യമായതിൽ തന്നെ ഏറ്റവും മികച്ച ചിപ്‌സെറ്റുകളിൽ ഒന്നാണിത്. ബിജിഎംഐ, പബ്ജി ന്യൂസ്റ്റേറ്റ് എന്നിവ പോലെയുള്ള ഗെയിമുകൾക്ക് ചേരുന്ന സ്മാർട്ട്ഫോണുകളിൽ ഒന്നാണിത്. ഗ്രാഫിക്സ് ക്രമീകരണങ്ങൾ അൽപ്പം താഴ്ന്ന നിലവാരത്തിൽ സെറ്റ് ചെയ്യണമെന്ന് മാത്രം.

റെഡ്മി നോട്ട് 11ടി 5ജി സ്മാർട്ട്ഫോണിന്റെ 6.6 ഇഞ്ച് ഫുൾ എച്ച്‌ഡി പ്ലസ് ഡിസ്‌പ്ലെ 90 ഹെർട്സ് റിഫ്രഷ് റേറ്റ് നൽകുന്നു. ഗെയിമിങ് അനിമേഷൻ സുഗമമാക്കാൻ ഇത് സഹായിക്കുന്നു. 5000 എംഎഎച്ച് ബാറ്ററി ദിവസം മുഴുവൻ നീണ്ട് നിൽക്കും. 33 വാട്ട് ഫാസ്റ്റ് ചാർജിങ് സാങ്കേതികവിദ്യയും ഈ ഡിവൈസിന്റെ പ്രത്യേകതയാണ്. 16,999 രൂപയാണ് റെഡ്മി നോട്ട് 11ടി 5ജി സ്മാർട്ട്ഫോണിന് വില വരുന്നത്.

മോട്ടോ ജി60

മോട്ടറോള അടുത്തിടെ നിരവധി സ്മാർട്ട്ഫോണുകൾ വിപണിയിൽ ഏത്തിച്ചിരുന്നു. മോട്ടോയുടെ കൂടുതൽ വിറ്റഴിക്കപ്പെടുന്ന സ്മാർട്ട്ഫോൺ ലൈൻഅപ്പുകളിൽ ഒന്നാണ് ജി സീരീസ്. പ്രത്യേകിച്ച് മോട്ടോ ജി60 സ്മാർട്ട്ഫോൺ. ക്വാൽകോം സ്നാപ്പ്ഡ്രാഗൺ 732ജി പ്രോസസറുമായാണ് ഈ ഡിവൈസ് വിപണിയിൽ എത്തുന്നത്. മിഡ്റേഞ്ച് സെഗ്മെന്റിലെ ഏറ്റവും തെളിയിക്കപ്പെട്ട ഗെയിമിങ് പ്രോസസറുകളിൽ ഒന്നാണിത്.

അതേ സമയം 6.8 ഇഞ്ച് ഫുൾ എച്ച്ഡി പ്ലസ് 120 ഹെർട്സ് ഡിസ്പ്ലേ ഗെയിമിങ് ആനിമേഷൻ കൂടുതൽ സുഗമമാക്കുന്നു. മോട്ടോ ജി60 സ്മാർട്ട്ഫോൺ 6000 എംഎഎച്ച് ബാറ്ററി ഫീച്ചർ ചെയ്യുന്നു. 20 വാട്ട് ഫാസ്റ്റ് ചാർജിങ് സാങ്കേതികവിദ്യ സപ്പോർട്ടും മോട്ടോ ജി60 സ്മാർട്ട്ഫോണിൽ ഉണ്ട്. മോട്ടോ ജി60 സ്മാർട്ട്ഫോണിന് 17,999 രൂപ മുതലാണ് വില വരുന്നത്.

റിയൽമി 9 പ്രോ

ഇന്ത്യയിൽ പുറത്തിറങ്ങിയ ഏറ്റവും പുതിയ ഫോണുകളിലൊന്നാണ് റിയൽമി 9 പ്രോ. ക്യാമറകളിൽ ശ്രദ്ധ കേന്ദ്രീകരിച്ചിരുന്ന റിയൽമി 8 പ്രോയുടെ പിൻഗാമിയാണ് ഈ സ്മാർട്ട്ഫോൺ. എന്നാൽ ഈ സ്വാഭാവത്തിൽ നിന്ന് ഒരു മാറ്റവുമായാണ് റിയൽമി 9 പ്രോ വിപണിയിൽ എത്തിയത്. മറ്റെല്ലാ ഫീച്ചറുകളെക്കാളും പ്രകടനത്തിൽ ശ്രദ്ധ കേന്ദ്രീകരിക്കുന്ന സ്മാർട്ട്ഫോൺ ആണിത്. ക്വാൽകോം സ്നാപ്പ്ഡ്രാഗൺ 695 പ്രോസസറുമായാണ് ഈ ഫോൺ വിപണിയിൽ എത്തിയത്.

മിക്ക ഗെയിമുകൾക്കും മികച്ച എക്സ്പീരിയൻസ് നൽകുന്ന മികച്ച ചിപ്പ്സെറ്റ് ആണിത്. ഗ്രാഫിക്സ് നിലവാരം അൽപ്പം താഴ്ന്ന നിലയിൽ സെറ്റ് ചെയ്യണം എന്ന് മാത്രം. 120 ഹെർട്സിന്റെ ഉയർന്ന റിഫ്രഷ് റേറ്റുള്ള 6.6 ഇഞ്ച് ഫുൾ എച്ച്‌ഡി പ്ലസ് ഡിസ്‌പ്ലേ ഗെയിമുകൾ കൂടുതൽ സുഗമമാക്കുന്നു. അതേ സമയം 5000 എംഎഎച്ച് ബാറ്ററി ദിവസം മുഴുവൻ ചാർജ് നീണ്ട് നിൽക്കാൻ സഹായിക്കുന്നു. റിയൽമി 9 പ്രോ സ്മാർട്ട്ഫോണിന് 17,999 രൂപ മുതലാണ് വില വരുന്നത്.

പോക്കോ എം4 പ്രോ 5ജി

ലിസ്റ്റിലെ മറ്റൊരു നല്ല സ്മാർട്ട്ഫോൺ ആണ് പോക്കോ എം4 പ്രോ 5ജി. 90 ഹെർട്സ് റിഫ്രഷ് റേറ്റും 120 ഹെർട്സ് ടച്ച് സാംപ്ലിംഗ് റേറ്റും പോക്കോ എം4 പ്രോ 5ജി സ്മാർട്ട്ഫോണിന്റെ പ്രത്യേകതയാണ്. ഈ രണ്ട് ഡിസ്പ്ലേ സവിശേഷതകളും സുഗമമായ ആനിമേഷനുകളും ഉയർന്ന ടച്ച് റെസ്പോൺസും ഉറപ്പാക്കും. മീഡിയടെക് ഡൈമെൻസിറ്റി 810 പ്രോസസറാണ് പോക്കോ എം4 പ്രോ 5ജി സ്മാർട്ട്ഫോണിന് കരുത്ത് പകരുന്നത്. ഏറ്റവും വേഗതയേറിയ ഗെയിമിങ് പ്രോസസറുകളിൽ ഒന്നാണിത്. ഇതിന്റെ 5000 എംഎഎച്ച് ബാറ്ററി ഒരു ദിവസം നീണ്ട് നിൽക്കും. പോക്കോ എം4 പ്രോ 5ജി സ്മാർട്ട്ഫോണിന് 14,999 രൂപ മുതലാണ് വില ആരംഭിക്കുന്നത്.