ഇതാ ഇത് കൊണ്ടുപോയി സന്തോഷിക്ക്! മോട്ടറോളയുടെ സമ്മാനം, G85 5G ഇന്ത്യയിൽ എത്തി

ഇന്ത്യയിലെ ആരാധകർക്ക് സമ്മാനമായി ഒരു പുതുപുത്തൻ 5ജി സ്മാർട്ട്ഫോൺ കൂടി ഇന്ത്യൻ വിപണിയിൽ അ‌വതരിപ്പിച്ച് മോട്ടറോള. G സീരീസിലേക്കുള്ള ഏറ്റവും പുതിയ കൂട്ടിച്ചേർക്കലായി മോട്ടറോള ജി85 5ജി (Moto G85 5G) എന്ന പുത്തൻ സ്മാർട്ട്ഫോൺ ആണ് എത്തിയിരിക്കുന്നത്. ​ചൈനയിൽ ഇതിനോടകം അ‌വതരിപ്പിക്കപ്പെട്ട മോട്ടോ S50 നിയോ 5ജിയിലെ ഫീച്ചറുകൾ തന്നെയാണ് ഈ പുതിയ ജി സീരീസ് ഫോണിലും മോട്ടറോള നൽകിയിരിക്കുന്നത്. പോൾഇഡി ഡിസ്‌പ്ലേ, സ്‌നാപ്ഡ്രാഗൺ 6s ജെൻ 3 ചിപ്‌സെറ്റ് തുടങ്ങി മികച്ച ഫീച്ചറുകൾ സഹിതം ആകർഷകമായ വിലയിൽ ആണ് മോട്ടോ ജി85 5ജി എത്തിയിരിക്കുന്നത്.

20000 രൂപയിൽ താഴെ വിലയിലാണ് മോട്ടോ ജി85 5ജി എത്തിയിരിക്കുന്നത്. 33W ഫാസ്റ്റ് ചാർജിംഗ്, 50MP പ്രധാന ക്യാമറ, 5,000mAh ബാറ്ററി എന്നിവയും ഈ വിലയ്ക്കുള്ളിൽ നിന്നുകൊണ്ട് ഈ ഫോണിനെ കരുത്തുള്ള മികച്ചൊരു സ്മാർട്ട്ഫോണാക്കി മാറ്റുന്നു. കൊബാൾട്ട് ബ്ലൂ, അർബൻ ഗ്രേ, ഒലിവ് ഗ്രീൻ എന്നിങ്ങനെ മൂന്ന് കളർ ഓപ്ഷനുകളിൽ മോട്ടോ G85 5G ലഭിക്കും.

മോട്ടോ ജി85 5ജിയിലെ പ്രധാന ഫീച്ചറുകൾ: 6.7 ഇഞ്ച് പോൾഇഡി ഡിസ്‌പ്ലേ (FHD+ 120Hz) ആണ് ഇതിലുള്ളത്. 1600nits പീക്ക് ​ബ്രൈറ്റ്നസ്, സുരക്ഷയ്ക്കായി അണ്ടർ-ഡിസ്‌പ്ലേ ഫിംഗർപ്രിൻ്റ് സ്കാനർ, കോർണിംഗ് ഗൊറില്ല ഗ്ലാസ് 5 പ്രൊട്ടക്ഷൻ എന്നിവയും ഇതിലുണ്ട്. സ്നാപ്ഡ്രാഗൺ 6s ജെൻ 3 ചിപ്‌സെറ്റാണ് ഈ സ്മാർട്ട്ഫോണിന്റെ കരുത്ത്.

ഗ്രാഫിക്‌സിനായി Adreno 619 GPU ഇതിലുണ്ട്. 12ജിബി വരെ റാമും 256ജിബി ഓൺബോർഡ് സ്റ്റോറേജുമായാണ് ഈ ഫോൺ എത്തുന്നത്. 8GB + 128GB, 12GB + 256GB എന്നീ റാം+ സ്റ്റോറേജ് വേരിയന്റുകളിൽ മോട്ടോ ജി85 ലഭ്യമാകും. ആൻഡ്രോയിഡ് 14 അ‌ടിസ്ഥാനമാക്കിയാണ് പ്രവർത്തനം. 2 വർഷത്തെ ആൻഡ്രോയിഡ് അപ്‌ഡേറ്റുകളും 3 വർഷത്തെ സുരക്ഷാ അപ്‌ഡേറ്റുകളും ഈ ഫോണിന് ലഭിക്കും.

ക്യാമറയുടെ കാര്യമെടുത്താൽ ഡ്യുവൽ റിയർ ക്യാമറ സജ്ജീകരണമാണ് ഇതിലുള്ളത്. അ‌തിൽ OIS, 1/1.95″ സോണി LYT-600 സെൻസറോട് കൂടിയ 50MP മെയിൻ ക്യാമറ, f/2.2 അപ്പേർച്ചറുള്ള 8MP 118° അൾട്രാ വൈഡ് /മാക്രോ ക്യാമറ എന്നിവ ഉൾപ്പെടുന്നു. ഫ്രണ്ടിൽ f/2.45 അപ്പേർച്ചർ ഉള്ള 32MP ക്യാമറയും പഞ്ച് ഹോൾ കട്ടൗട്ടിൽ നൽകിയിട്ടുണ്ട്.

33W ടർബോപവർ ഫാസ്റ്റ് ചാർജിംഗുള്ള 5,000mAh ബാറ്ററിയാണ് മോട്ടോ ജി85 5ജിയിൽ നൽകിയിരിക്കുന്നത് എന്നതും ശ്രദ്ധേയമാണ്. ഇൻ-ഡിസ്‌പ്ലേ ഫിംഗർപ്രിൻ്റ് സെൻസർ, ഡ്യുവൽ സ്റ്റീരിയോ സ്പീക്കറുകൾ, ഡോൾബി അറ്റ്‌മോസ്, പൊടി, ജല പ്രതിരോധം എന്നിവയ്ക്കുള്ള IP54 റേറ്റിംഗ് എന്നിവയും ഇതിലുണ്ട്. 5G SA/NSA, ഡ്യുവൽ 4G VoLTE, ഉൾപ്പെടെയുള്ള കണ്ക്ടിവിറ്റി ഓപ്ഷനുകളും ഇതിൽ അ‌ടങ്ങുന്നു.

വിലയും ലഭ്യതയും: മോട്ടോ ജി85 5ജിയുടെ 8ജിബി റാമും 128ജിബി സ്റ്റോറേജുമുള്ള അടിസ്ഥാന മോഡലിന് 17,999 രൂപയാണ് ഇന്ത്യയിൽ വില. 12ജിബി റാമും 256 ജിബി സ്റ്റോറേജുമുള്ള ​ഹൈ വേരിയൻ്റന് 19,999 രൂപ നൽകണം. ജൂലൈ 16 ന് ഉച്ചയ്ക്ക് 12 മണി മുതൽ ഈ ഫോണിന്റെ ഓപ്പൺ സെയിൽ ആരംഭിക്കും.

മോട്ടറോളയുടെ ഓൺ​ലൈൻ, ഓഫ്​ലൈൻ സ്റ്റോറുകൾക്ക് പുറമേ ഫ്ലിപ്പ്കാർട്ടിലൂടെയും മോട്ടോ ജി85 5ജി സ്വന്തമാക്കാൻ സാധിക്കും. തുടക്കത്തിൽ 1000 രൂപ ബാങ്ക് ഡിസ്കൗണ്ട് ലഭിക്കുന്നതിനാൽ അ‌ടിസ്ഥാന മോഡൽ 16,999 രൂപ വിലയിൽ സ്വന്തമാക്കാനാകും. എന്നാൽ പരിമിതമായ കാലയളവിലേക്ക് മാത്രമാണ് ഈ ഡിസ്കൗണ്ട് ലഭ്യമാകുക.