മോട്ടോ ജി 9 പവർ ഇന്ന് ഇന്ത്യയിൽ അവതരിപ്പിക്കും: പ്രതീക്ഷിക്കുന്ന വില, സവിശേഷതകൾ

മോട്ടോ ജി 9 പവർ: ലോഞ്ച് ഇന്ത്യയിൽ

മോട്ടോ ജി 9 പവറിന്റെ ഇന്ത്യൻ ലോഞ്ച് വിശദാംശങ്ങൾ ഉച്ചയ്ക്ക് 12 ന് മോട്ടറോള പ്രഖ്യാപിക്കും. ഔദ്യോഗിക അറിയിപ്പിന് തൊട്ടുപിന്നാലെ അതിന്റെ വില ഫ്ലിപ്പ്കാർട്ടിൽ ദൃശ്യമാകുമെന്ന് പ്രതീക്ഷിക്കാം.

മോട്ടോ ജി 9 പവർ: ഇന്ത്യയിൽ പ്രതീക്ഷിക്കുന്ന വില

ഇന്ന് ഔദ്യോഗിക പ്രഖ്യാപന സമയത്ത് ഇന്ത്യയിലെ മോട്ടോ ജി 9 പവർ വില വെളിപ്പെടുത്തും. എന്നാൽ, കഴിഞ്ഞ മാസം യൂറോപ്പിൽ പ്രഖ്യാപിച്ച യൂറോ 199 (ഏകദേശം 17,800 രൂപ) അനുസരിച്ച് ഫോണിന്റെ വില ഇതായിരിക്കുമെന്ന് പ്രതീക്ഷിക്കുന്നു. 4 ജിബി റാം + 128 ജിബി സ്റ്റോറേജ് കോൺഫിഗറേഷനിലാണ് ഈ ഹാൻഡ്‌സെറ്റ് വിപണിയിൽ വരുന്നത്. മാത്രമല്ല, ഇലക്ട്രിക് വയലറ്റ്, മെറ്റാലിക് സേജ് കളർ ഓപ്ഷനുകളിൽ മോട്ടോ ജി 9 പവർ വരുന്നു.

മോട്ടോ ജി 9 പവർ സവിശേഷതകൾ

ആൻഡ്രോയിഡ് 10 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്ന ഡ്യുവൽ നാനോ സിം വരുന്ന മോട്ടോ ജി 9 പവർ 6.8 ഇഞ്ച് എച്ച്ഡി + (720x1,640 പിക്‌സൽ) ഐപിഎസ് ഡിസ്‌പ്ലേയാണ് അവതരിപ്പിക്കുന്നത്. 4 ജിബി റാമുമായി ജോടിയാക്കിയ ഫോണിന് ഒക്ടാകോർ ക്വാൽകോം സ്‌നാപ്ഡ്രാഗൺ 662 SoC പ്രോസസറാണ് വരുന്നത്. ട്രിപ്പിൾ റിയർ ക്യാമറ സെറ്റപ്പൊടെയാണ് മോട്ടോ ജി 9 പവർ വരുന്നു. എഫ് / 1.79 ലെൻസുള്ള 64 മെഗാപിക്സൽ പ്രൈമറി സെൻസറാണ് ഇതിലുള്ളത്. ക്യാമറ സെറ്റപ്പിൽ 2 മെഗാപിക്സൽ മാക്രോ ഷൂട്ടറും 2 മെഗാപിക്സൽ ഡെപ്ത് സെൻസറും ഉൾപ്പെടുന്നു. ഹാൻഡ്സെറ്റിൻറെ മുൻവശത്ത് 16 മെഗാപിക്സൽ ക്യാമറ സെൻസർ സെൽഫികൾക്കും വീഡിയോ ചാറ്റുകൾക്കുമായി നൽകിയിരിക്കുന്നു.

മൈക്രോ എസ്ഡി കാർഡ് വഴി 512 ജിബി വരെ വികസിപ്പിക്കാവുന്ന മോട്ടോ ജി 9 പവറിൽ 128 ജിബി ഓൺബോർഡ് സ്റ്റോറേജ് മോട്ടറോള നൽകിയിട്ടുണ്ട്. 4 ജി എൽടിഇ, വൈ-ഫൈ 802.11 എസി, ബ്ലൂടൂത്ത് വി 5.0, ജിപിഎസ് / എ-ജിപിഎസ്, എൻ‌എഫ്‌സി, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. 20W ഫാസ്റ്റ് ചാർജിംഗിനെ സപ്പോർട്ട് ചെയ്യുന്ന 6,000 എംഎഎച്ച് ബാറ്ററിയാണ് ഈ ഹാൻഡ്‌സെറ്റിൽ വരുന്നത്.