സ്നാപ്ഡ്രാഗൺ 662 SoC പ്രോസസറുമായി മോട്ടോ ജി 9 പവർ അവതരിപ്പിച്ചു: വില, സവിശേഷതകൾ

മോട്ടോ ജി 9 പവർ: വില, വിൽപ്പന

മോട്ടോ ജി 9 പവർ പ്രഖ്യാപിക്കുന്നതിനായി മോട്ടറോള യുകെ ട്വീറ്റ് ചെയ്തു. 4 ജിബി റാം + 128 ജിബി സ്റ്റോറേജ് ഓപ്ഷന് യൂറോപ്പിൽ യൂറോ 199 (ഏകദേശം 17,400 രൂപ) ആണ് വില വരുന്നത്. ഇലക്ട്രിക് വയലറ്റ്, മെറ്റാലിക് സേജ് തുടങ്ങിയ കളർ ഓപ്ഷനുകളിലാണ് ഈ സ്മാർട്ട്ഫോൺ പുറത്തിറക്കിയത്. ഏഷ്യ, ലാറ്റിൻ അമേരിക്ക, മിഡിൽ ഈസ്റ്റ് എന്നിവിടങ്ങളിലെ തിരഞ്ഞെടുത്ത രാജ്യങ്ങളിലെ വിപണികളിൽ ഇത് വരും ആഴ്ചയിൽ ലഭ്യമാകും. മോട്ടോ ജി 9 പവർ ഇന്ത്യയിൽ ലോഞ്ച് ചെയ്യുമോ ഇല്ലയോ എന്ന കാര്യം ഇതുവരെ കമ്പനി വ്യക്തമാക്കിയിട്ടില്ല.

മോട്ടോ ജി 9 പവർ: സവിശേഷതകൾ

ആൻഡ്രോയിഡ് 10 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്ന മോട്ടോ ജി 9 പവറിന് 6.8 ഇഞ്ച് എച്ച്ഡി + (720x1,640 പിക്‌സൽ) ഐപിഎസ് ഡിസ്‌പ്ലേയാണ് വരുന്നത്. 4 ജിബി റാമുമായി ജോടിയാക്കിയ ക്വാൽകോം സ്‌നാപ്ഡ്രാഗൺ 662 SoC പ്രോസസറാണ് ഇതിൽ പ്രവർത്തിക്കുന്നത്. ഇന്റർനാൽ സ്റ്റോറേജ് 128 ജിബി ആയി പട്ടികപ്പെടുത്തിയിരിക്കുന്ന ഈ ഡിവൈസിൽ മൈക്രോ എസ്ഡി കാർഡ് ഉപയോഗിച്ച് 512 ജിബി വരെ കൂടുതൽ വികസിപ്പിക്കാനുള്ള ഓപ്ഷനുമുണ്ട്.

മോട്ടോ ജി 9 പവർ: ക്യാമറ സവിശേഷതകൾ

മോട്ടോ ജി 9 പവറിന് 64 മെഗാപിക്സൽ പ്രൈമറി സെൻസർ (എഫ് / 1.79 അപ്പർച്ചർ), 2 മെഗാപിക്സൽ മാക്രോ സെൻസർ (എഫ് / 2.4), കൂടാതെ 2 മെഗാപിക്സൽ ഡെപ്ത് സെൻസർ (എഫ് / 2.4) എന്നിവയുള്ള ട്രിപ്പിൾ ക്യാമറ സെറ്റപ്പ് വരുന്നു. ഈ സ്മാർട്ട്ഫോണിൻറെ മുന്നിലായി എഫ് / 2.2 അപ്പർച്ചർ വരുന്ന 16 മെഗാപിക്സൽ ക്യാമറ സെൽഫികൾക്കും വീഡിയോ കോളിംഗിനുമായി നൽകിയിരിക്കുന്നു.

20,000 ഫാസ്റ്റ് ചാർജിംഗിനെ സപ്പോർട്ട് ചെയ്യുന്ന 6,000 എംഎഎച്ച് ബാറ്ററിയാണ് മോട്ടോ ജി 9 പവറിൻറെ ഏറ്റവും വലിയ പ്രത്യേകത. ബാറ്ററി 60 മണിക്കൂർ വരെ നീണ്ടുനിൽക്കുമെന്ന് കമ്പനി പറയുന്നു. വൈ-ഫൈ 802.11 എസി, ബ്ലൂടൂത്ത് വി 5, എൻ‌എഫ്‌സി, യുഎസ്ബി ടൈപ്പ്-സി, 3.5 എംഎം ഓഡിയോ ജാക്ക്, 4 ജി എൽടിഇ എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. 221 ഗ്രാം ഭാരം വരുന്ന ഇതിന് 9.66 മില്ലിമീറ്റർ കനമുണ്ട്.