മോട്ടോ റേസർ 2019 ഇന്ത്യയിൽ 1,24,999 രൂപയ്ക്ക് വിൽപ്പനയ്ക്കെത്തും

മോട്ടോ റേസർ 2019 സ്മാർട്ഫോൺ

ഗ്രീൻ, ഓറഞ്ച് സോണുകളിൽ ഈ ഫോൺ എപ്പോൾ കൃത്യമായി ലഭിക്കുമെന്നറിയില്ല. അതിനാൽ നിങ്ങൾ റെഡ് സോൺ ഏരിയകളിലൊന്നിലാണ് താമസിക്കുന്നതെങ്കിൽ ഈ ഫോൺ വാങ്ങാൻ നിങ്ങൾ ഇനിയും കാത്തിരിക്കണം. രണ്ട് സ്‌ക്രീനുകളാണ് ആൻഡ്രോയിഡ് 9 പൈ-അടിസ്ഥാനമാക്കി പ്രവർത്തിക്കുന്ന മോട്ടോറോള റേസർ (2019) ഫോണിനുള്ളത്. പ്രൈമറി പാനലിൽ 6.2-ഇഞ്ചുള്ള ഫ്ലെക്സിബിൾ ഒലെഡ് HD+ (876x2142 പിക്സൽ) ഡിസ്പ്ലേ ആണുള്ളത്.

മോട്ടോ റേസർ 2019 വില

21:9 ആസ്പെക്ട് അനുപാതം. 2.7-ഇഞ്ചുള്ള (600x800 പിക്സൽ) ക്വിക്ക് വ്യൂ പാനൽ ആണ് സെക്കണ്ടറി ഡിസ്പ്ലേ. രണ്ടാമത്തെ ഡിസ്പ്ലേ ഉപയോഗിച്ച് ഫോൺ നിവർത്താതെതന്നെ സെൽഫികളെടുക്കാനും നോട്ടിഫിക്കേഷനുകൾ നോക്കാനും മ്യൂസിക് പ്ലേ ബാക്ക് കണ്ട്രോൾ ചെയ്യാനും കഴിയും. 6 ജിബി റാമുമായി ചേർന്നുള്ള ഒക്ട-കോർ ക്വാൽകോം സ്നാപ്ഡ്രാഗൺ 710 SoC പ്രൊസസർ ആണ് ഹാൻഡ്‌സെറ്റിലുള്ളത്. പ്രധാന ഡിസ്‌പ്ലേയ്ക്ക് ഫ്‌ളെക്‌സ് വ്യൂ ഡിസ്‌പ്ലേ എന്നാണ് മോട്ടോറോള നൽകിയിരിക്കുന്ന പേര്.

മോട്ടോ റേസർ 2019 സവിശേഷതകൾ

നീളത്തിലുള്ള ഫോണ്‍ തുല്യമായി മടക്കുന്ന രീതിയില്‍ ക്ലാംഷെല്‍ ഫോള്‍ഡിങ് ആണ് ഇതിനുള്ളത്. ഫോണില്‍ ഇ-സിം സൗകര്യം മാത്രമാണുള്ളത്. സാധാരണ സിംകാര്‍ഡുകള്‍ ഫോണില്‍ ഉപയോഗിക്കാനാവില്ല. മോട്ടോറോള റേസർ (2019) ഫോണിന് പിന്നില്‍ ഒരു ക്യാമറ സെന്‍സര്‍ മാത്രമാണുള്ളത്. ഫോണ്‍ മടക്കിയതിന് ശേഷം സെല്‍ഫിയ്ക്ക് വേണ്ടിയും ഇത് ഉപയോഗിക്കാം. 16 മെഗാപിക്‌സല്‍ സെന്‍സറാണിത്.

മോട്ടോ റേസർ 2019 ഇന്ത്യയിൽ

എഫ് 1.7 അപ്പാർച്ചറുള്ള കാമറയില്‍ ഡ്യുവല്‍ പിക്‌സല്‍ ഓട്ടോഫോക്കസ് സൗകര്യമുണ്ടാവും. പ്രധാന സ്‌ക്രീനിന് മുകളിലായി അഞ്ച് മെഗാപിക്‌സലിന്റെ സെൽഫി ക്യാമറ നല്‍കിയിട്ടുണ്ട്. ആറ് ജിബി റാം ശേഷിയും 128 ജിബി സ്‌റ്റോറേജ് സൗകര്യവും ഫോണിനുണ്ട്. മെമ്മറി കാർഡ് ഉപയോഗിച്ച് സ്റ്റോറേജ് വികസിപ്പിക്കാൻ കഴിയില്ല.

മോട്ടോ റേസർ 2019 ഓൺലൈൻ

4G LTE, വൈ-ഫൈ 802.11ac, ബ്ലൂടൂത്ത് v5.0, GPS/ A-GPS, USB ടൈപ്പ്-സി തുടങ്ങിയ കണക്ടിവിറ്റി ഓപ്‌ഷനുകളാണ് ഫോണിലുള്ളത്. ഒപ്റ്റിക്കൽ ഫിംഗർപ്രിന്റ് സെൻസറും മോട്ടോറോള റേസർ ഫോണിലുണ്ട്. ഹെഡ്‌ഫോണ്‍ ജാക്ക് നൽകിയിട്ടില്ല. എന്നാല്‍ ഫോണിന് താഴെയായി വലിയ സ്പീക്കര്‍ സ്ഥാപിച്ചിട്ടുണ്ട്. 2510mAh ബാറ്ററിയാണ് ഫോണിനുള്ളത്. കുറഞ്ഞ ശേഷിയുള്ള ബാറ്ററിയാണെങ്കിലും 15 വാട്ട് ഫാസ്റ്റ് ചാര്‍ജിങ് സൗകര്യം ഫോണിനുണ്ട്.