മോട്ടറോള എഡ്‌ജ് 20 ഫ്യൂഷൻ സ്മാർട്ഫോണിൻറെ ആദ്യത്തെ വിൽപ്പന ഇന്ന് ഫ്ലിപ്കാർട്ടിൽ നടക്കും

മോട്ടറോള എഡ്‌ജ് 20 ഫ്യൂഷൻ സ്മാർട്ഫോണിൻറെ ഓഫറുകൾ

മോട്ടറോള എഡ്‌ജ് 20 ഫ്യൂഷൻ ഇന്ന് ഉച്ചയ്ക്ക് കൃത്യം 12:00 മണിക്ക് ഫ്ലിപ്കാർട്ടിൽ വിൽപ്പനയ്‌ക്കെത്തും. ഇതിൻറെ 6 ജിബി +128 ജിബി വേരിയന്റിന് 21,499 രൂപയും 8 ജിബി +128 ജിബി വേരിയന്റിന് 22,999 രൂപയുമാണ് വില വരുന്നത്. ഐസിഐസിഐ ബാങ്ക് ക്രെഡിറ്റ് കാർഡുകൾ ഉപയോഗിച്ചും ക്രെഡിറ്റ് ഇഎംഐ ഇടപാടുകൾ ഉപയോഗിച്ച് വാങ്ങുന്നവർക്ക് 5,000 രൂപ കിഴിവ് ലഭിക്കും. ഇതിനുപുറമെ, അവരുടെ പഴയ ഫോൺ 10,599 രൂപയ്ക്ക് കൈമാറ്റം ചെയ്യ്ത് മോട്ടറോള എഡ്‌ജ് 20 ഫ്യൂഷൻ സ്വന്തമാക്കാനും കഴിയും. ആക്സിസ് ബാങ്ക്, ബാങ്ക് ഓഫ് ബറോഡ, യെസ് ബാങ്ക്, ഐസിഐസിഐ ബാങ്ക് ഉപഭോക്താക്കൾക്കും ഫ്ലിപ്കാർട്ട് ധാരാളം ബാങ്ക് ഓഫറുകൾ നൽകുന്നു. ഈ സ്മാർട്ഫോൺ വാങ്ങുന്നവർക്ക് പ്രതിമാസം 3,584 രൂപയ്ക്ക് നോ-കോസ്റ്റ് ഇഎംഐ ഓപ്ഷനും പ്രയോജനപ്പെടുത്താവുന്നതാണ്.

മോട്ടറോള എഡ്‌ജ് 20 ഫ്യൂഷൻ സ്മാർട്ഫോണിൻറെ സവിശേഷതകൾ

6.7-ഇഞ്ച് ഫുൾ-എച്ച്ഡി+ (1,080x2,400 പിക്സൽ) ഒലെഡ് മാക്‌സ് വിഷൻ ഡിസ്പ്ലേയാണ് മോട്ടറോള എഡ്‌ജ് 20 ഫ്യൂഷൻ സ്മാർട്ട്ഫോണിലുള്ളത്. 20: 9 ആസ്പെക്റ്റ് റേഷിയോവും 90 ഹെർട്സ് റിഫ്രഷ് റേറ്റുമുള്ള ഡിസ്‌പ്ലേയാണ് ഇതിൽ നൽകിയിട്ടുള്ളത്. 8 ജിബി റാമുള്ള ഈ സ്മാർട്ഫോണിന് കരുത്ത് നൽകുന്നത് ഒക്ടാകോർ മീഡിയടെക് ഡൈമെൻസിറ്റി 800യു 5ജി SoC പ്രോസസറാണ്. 128 ജിബി ഇന്റേണൽ സ്റ്റോറേജും ഈ സ്മാർട്ഫോണിൽ ഉണ്ട്. ടർബോപവർ 30 ഫാസ്റ്റ് ചാർജിങ് സപ്പോർട്ടുള്ള 5,000 എംഎഎച്ച് ബാറ്ററിയാണ് സ്മാർട്ഫോണിൽ ഉൾപ്പെടുത്തിയിരിക്കുന്നത്.

എഫ്/1.9 ലെൻസുള്ള 108 മെഗാപിക്സൽ പ്രൈമറി സെൻസർ, എഫ്/2.2 അൾട്രാ വൈഡ് ലെൻസുള്ള 8 മെഗാപിക്സൽ സെൻസറും 2 മെഗാപിക്സൽ ഡെപ്ത് സെൻസറുമുള്ള ട്രിപ്പിൾ റിയർ ക്യാമറ സംവിധാനമാണ് സ്മാർട്ഫോണിൽ ഉള്ളത്. മുൻവശത്ത് 32 മെഗാപിക്സൽ സെൽഫി ക്യാമറ സെൻസറും ഉണ്ട്. കണക്റ്റിവിറ്റി ഓപ്ഷനുകളായി ഈ സ്മാർട്ഫോണിൽ 5 ജി, 4 ജി എൽടിഇ, വൈ-ഫൈ 802.11ac, ബ്ലൂട്ടൂത്ത് വി5, ജിപിഎസ്/ എ-ജിപിഎസ്, യുഎസ്ബി ടൈപ്പ്-സി പോർട്ട് എന്നിവയും ഈ സ്മാർട്ഫോണിൽ നൽകിയിട്ടുണ്ട്.