സ്നാപ്ഡ്രാഗൺ 870 SoC പ്രോസസറുള്ള മോട്ടറോള എഡ്ജ് എസ് പയനിയർ എഡിഷൻ അവതരിപ്പിച്ചു: വിലയും, സവിശേഷതകളും

മോട്ടറോള എഡ്ജ് എസ് പയനിയർ എഡിഷൻറെ വിലയും, ലഭ്യതയും

മോട്ടറോള എഡ്ജ് എസ് പയനിയർ എഡിഷൻ ഒരേയൊരു 8 ജിബി റാം + 128 ജിബി സ്റ്റോറേജ് വേരിയന്റിൽ വിപണിയിൽ വരുന്നു. ഇതിന് സിഎൻ‌വൈ 1,999 (ഏകദേശം 22,600 രൂപ) വില വരുന്നു. മോട്ടറോള എഡ്ജ് എസിൻറെ എമറാൾഡ് ലൈറ്റ്, മിസ്റ്റ് തുടങ്ങിയ കളർ വേരിയന്റുകളുടെ 6 ജിബി റാം + 128 ജിബി സ്റ്റോറേജ് വേരിയന്റിന് വില സിഎൻ‌വൈ 1,999 മുതൽ ആരംഭിക്കുന്നു. മോട്ടറോള എഡ്ജ് എസ് പയനിയർ എഡിഷൻ ഔദ്യോഗിക വെബ്‌സൈറ്റിൽ നിന്നും ജെഡി.കോമിൽ നിന്നും വാങ്ങാൻ ലഭ്യമാണ്. ചൈനയിലെ ഓഫ്‌ലൈൻ ലെനോവോ സ്റ്റോറുകളിൽ ഇത് വിൽപ്പനയ്ക്ക് ലഭ്യമാക്കിയിട്ടുണ്ട്.

മോട്ടറോള എഡ്ജ് എസ് പയനിയർ എഡിഷൻ സ്മാർട്ഫോണിൻറെ സവിശേഷതകൾ

മോട്ടറോള എഡ്ജ് എസ് പയനിയർ എഡിഷൻറെ സവിശേഷതകൾ മറ്റ് മോട്ടറോള എഡ്ജ് എസ് വേരിയന്റുകൾക്ക് സമാനമാണ്. ടോപ്പ് MyUI ഉപയോഗിച്ച് ഈ സ്മാർട്ട്ഫോൺ ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്നു. 21: 9 ആസ്പെക്റ്റ് റേഷിയോ, 90 ഹെർട്സ് റിഫ്രഷ് റേറ്റ്, എച്ച്ഡിആർ 10 സപ്പോർട്ട് എന്നിവയുള്ള 6.7 ഇഞ്ച് ഫുൾ എച്ച്ഡി + (1,080x2,520 പിക്‌സൽ) ഡിസ്‌പ്ലേയാണ് നൽകിയിട്ടുള്ളത്. മോട്ടറോള എഡ്ജ് എസ് പയനിയർ എഡിഷൻ 8 ജിബി റാമും 128 ജിബി ഓൺബോർഡ് സ്റ്റോറേജുമായി ജോടിയാക്കിയ സ്നാപ്ഡ്രാഗൺ 870 SoC പ്രോസസറാണ് കരുത്ത് പകരുന്നത്. എഫ് / 1.7 ലെൻസുള്ള 64 മെഗാപിക്സൽ പ്രൈമറി സെൻസർ, 16 മെഗാപിക്സൽ അൾട്രാ-വൈഡ് ആംഗിൾ സെൻസർ, 2 മെഗാപിക്സൽ ഡെപ്ത് സെൻസർ, ടൈം-ഓഫ്-ഫ്ലൈറ്റ് സെൻസർ എന്നിവ ഉൾപ്പെടുന്ന ക്വാഡ് റിയർ ക്യാമറ സംവിധാനവുമുണ്ട്.

16 മെഗാപിക്സൽ പ്രൈമറി സെൻസറും 8 മെഗാപിക്സൽ സെക്കൻഡറി അൾട്രാ വൈഡ് ആംഗിൾ സെൻസറുമുള്ള ഡ്യുവൽ ഫ്രണ്ട് ക്യാമറ സംവിധാനമാണ് സെൽഫികളും വീഡിയോ കോളുകളും കൈകാര്യം ചെയ്യുന്നത്. 5 ജി, 4 ജി എൽടിഇ, വൈ-ഫൈ 6, ബ്ലൂടൂത്ത് 5.1, ജിപിഎസ് / എ-ജിപിഎസ്, എൻ‌എഫ്‌സി, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവ മോട്ടറോള എഡ്ജ് എസ് പയനിയർ എഡിഷനിലെ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. 20W ഫാസ്റ്റ് ചാർജിംഗിനെ സപ്പോർട്ട് ചെയ്യുന്ന 5,000 എംഎഎച്ച് ബാറ്ററിയും ഐപി 52 സ്പ്ലാഷ് റെസിസ്റ്റന്റ് ഫീച്ചറുമുണ്ട്. സൈഡ് മൗണ്ട് ചെയ്ത ഫിംഗർപ്രിന്റ് സെൻസറും ഇതിൽ ഉൾപ്പെടുന്നു.