മോട്ടറോള ഐബിസ 5 ജി ബജറ്റ് സ്മാർട്ട്‌ഫോൺ ഉടൻ ഇന്ത്യയിൽ അവതരിപ്പിക്കും

മോട്ടറോള ഐബിസ ഒരു ബജറ്റ് 5 ജി സ്മാർട്ഫോൺ

അറിയപ്പെടുന്ന ടിപ്‌സ്റ്റർ മുകുൾ ശർമ വെളിപ്പെടുത്തിയതുപോലെ തന്നെ ഈ മോട്ടറോള ഐബിസ ഉടൻ ഇന്ത്യയിൽ 21,999 രൂപ വിലയ്ക്ക് അവതരിപ്പിക്കും. മോട്ടോ ജി 5 ജിക്ക് ശേഷം വരുന്ന ഒരു ബജറ്റ് 5 ജി സ്മാർട്ഫോണായിരിക്കും ഇത്. ഇതിനർത്ഥം മോട്ടറോള ഐബിസ മിക്കവാറും കുറഞ്ഞ വില വിഭാഗത്തിന് ഭാഗമാകുമെന്നും 20,000 രൂപയ്ക്ക് താഴെയായിരിക്കും വിലയെന്നും, ഇത് ഇന്ത്യയിൽ താങ്ങാനാവുന്ന 5 ജി സ്മാർട്ട്ഫോണായി മാറുമെന്നും പറയുന്നു. ഈ ഹാൻഡ്‌സെറ്റിന് 90 ഹെർട്സ് ഐപിഎസ് എൽസിഡി ഡിസ്‌പ്ലേയും വരുമെന്ന് ചോർച്ച സൂചിപ്പിക്കുന്നു. സ്‌ക്രീൻ റെസല്യൂഷൻ എത്രയാണെന്ന് അറിയാത്തതിനാൽ അത് എച്ച്ഡി + അല്ലെങ്കിൽ ഫുൾ എച്ച്ഡി + ആകാം.

മോട്ടറോള ഐബിസ മുമ്പ് ചോർന്നതും 2021 ൻറെ തുടക്കത്തിൽ അവതരിപ്പിക്കുമെന്നായിരുന്നു പറഞ്ഞിരുന്നത്. ഈ ഡിവൈസ് വൈ-ഫൈ അലയൻസ് സർട്ടിഫിക്കേഷൻ പോലും പാസാക്കി ഗീക്ക്ബെഞ്ചിൽ പ്രത്യക്ഷപ്പെട്ടിരുന്നു. മുമ്പത്തെ ചോർച്ചകളനുസരിച്ച്, സ്മാർട്ട്‌ഫോണിന് ക്വാൽകോം സ്‌നാപ്ഡ്രാഗൺ 480 പ്രോസസറും 6 ജിബി റാമും നൽകുമെന്ന് റിപ്പോർട്ടിൽ പറയുന്നുണ്ട്. ഈ ഹാൻഡ്‌സെറ്റിന് 128 ജിബി സ്റ്റോറേജ് ഓപ്ഷൻ ലഭിച്ചേക്കും.

ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിലായിരിക്കും ഈ ഹാൻഡ്‌സെറ്റ് പ്രവർത്തിപ്പിക്കുന്നതെന്ന് പറയുന്നു. ഈ ഹാൻഡ്സെറ്റിനെ മോട്ടറോള ഐബിസ അല്ലെങ്കിൽ മോട്ടോ ജി 40 എന്ന് വിളിക്കാമെന്നും ഇത് മോട്ടോ ജി സീരീസിൻറെ ഭാഗമാകുമെന്നും പറയുന്നുണ്ട്. അഭ്യൂഹങ്ങളും ചോർച്ചകളും പരിശോധിച്ചാൽ പുതിയ മോട്ടറോള ഐബിസ ഒരു സ്മാർട്ട്‌ഫോണാണ്. 5 ജി സപ്പോർട്ട്, സ്റ്റോക്ക് ആൻഡ്രോയിഡ് 11 എക്സ്‌പീരിയൻസ്, 90 ഹെർട്സ് ഡിസ്പ്ലേ എന്നിവയുമായി വരുന്ന ഈ ഹാൻഡ്‌സെറ്റ് ഉപയോക്താക്കൾക്ക് 20,000 രൂപയ്ക്ക് താഴെ വില വരുന്ന ഒരു നല്ല ഓപ്ഷനാകുമെന്ന് പറയുന്നു. ഷവോമി, റിയൽമി, വിവോ, കൂടാതെ മറ്റു പല കമ്പനികളും 5 ജി ഫോണുകൾ ഇന്ത്യയിലേക്ക് കൊണ്ടുവരാൻ ശ്രമിച്ചുവെങ്കിലും അവയെല്ലാം മിഡ് റേഞ്ചറുകളും, വില 20,000 രൂപയ്ക്ക് മുകളിലുമാണ് വില വരുന്നത്.