മോട്ടോറോളയുടെ അടുത്ത ബജറ്റ് സ്മാർട്ഫോണായി മോട്ടോ ഇ20 വരുന്നു

മോട്ടോ ഇ 20 കൂടാതെ, 'സൈപ്രസ്' എന്ന രഹസ്യനാമമുള്ള സ്മാർട്ട്‌ഫോൺ പുതിയ മോട്ടോ ഇ 30 ആയിരിക്കുമെന്ന് ബ്ലാസ് സൂചിപ്പിച്ചു. മോട്ടോ ജി 10, മോട്ടോ ജി 9 പവർ, മോട്ടോ ഇ 7 എന്നിവ ഉൾപ്പെടെ ബജറ്റ് സ്മാർട്ട്ഫോണുകൾ മോട്ടറോള മുമ്പ് ഇന്ത്യയിൽ അവതരിപ്പിച്ചിരുന്നു. വരാനിരിക്കുന്ന ഈ പുതിയ ബജറ്റ് സ്മാർട്ട്ഫോണുകളെക്കുറിച്ച് മോട്ടറോള ഇതുവരെ ഒന്നും വെളിപ്പെടുത്തിയിട്ടില്ല. ടിപ്സ്റ്റർ ഇവാൻ ബ്ലാസിൻറെ അഭിപ്രായത്തിൽ, മോട്ടോ ഇ20 നെ 'അറൂബ' എന്ന രഹസ്യനാമം നൽകി XT2155-1 എന്ന മോഡൽ നമ്പറുമായി വരുന്നു. 6.5 ഇഞ്ച് എച്ച്ഡി + ഡിസ്പ്ലേയാണ് ഈ സ്മാർട്ട്ഫോണിൻറെ പ്രധാന സവിശേഷത.

എന്നാൽ, ഏത് പ്രോസസറാണ് ഈ സ്മാർട്ഫോണിന് കരുത്തേകുന്നതെന്ന് ബ്ലാസ് ഇതുവരെ വെളിപ്പെടുത്തിയിട്ടില്ല, പക്ഷേ ഇത് 1.6GHz ഒക്ടാ കോർ പ്രോസസറിലാണ് പ്രവർത്തിക്കുന്നതെന്ന് പറയുന്നു. പ്രോസസർ തീർച്ചയായും ക്വാൽകോം അല്ലെന്ന് അദ്ദേഹം സ്ഥിരീകരിച്ചു. 2 ജിബി റാമും 32 ജിബി ഇന്റേണൽ സ്റ്റോറേജും മൈക്രോ എസ്ഡി കാർഡ് ഉപയോഗിച്ച് എക്സ്പാൻഡ് ചെയ്യാനുള്ള ഓപ്ഷനുമായി പ്രോസസറിനെ സപ്പോർട്ട് ചെയ്യും. മോട്ടോ ഇ 20 ആൻഡ്രോയിഡ് 11 ഓപ്പറേറ്റിംഗ് സിസ്ടത്തിൽ പ്രവർത്തിക്കും. ഈ സ്മാർട്ട്‌ഫോണിൽ 4000 എംഎഎച്ച് ബാറ്ററിയുണ്ടാകുമെന്ന് പ്രതീക്ഷിക്കുന്നു.

മോട്ടോ ഇ20 യിൽ 13 മെഗാപിക്സൽ + 2 മെഗാപിക്സൽ ഡ്യുവൽ ക്യാമറ സംവിധാനം ഉണ്ടാകുമെന്ന് പറയുന്നു. മുൻവശത്തായി സെൽഫികൾ പകർത്തുവാൻ 5 മെഗാപിക്സൽ ക്യാമറയുമായി ഈ സ്മാർട്ട്ഫോൺ വരുമെന്ന് പ്രതീക്ഷിക്കുന്നു. നീല ഇളം നിറത്തിലാണ് മോട്ടോ ഇ 20 കണ്ടത്. രണ്ട് ക്യാമറ സെൻസറുകളും ലീഡ് ഫ്ലാഷ്ലൈറ്റുകളും ഉൾപ്പെടുന്ന പിൻവശത്ത് ഓവൽ ആകൃതിയിലുള്ള ക്യാമറ സംവിധാനം മോട്ടോ ഇ20 യുടെ സവിശേഷതയാണ്. പിൻഭാഗത്തെ പാനലിൽ ഒരു ഹണികോംബ് ടെക്സ്ചറുണ്ട്, മധ്യഭാഗത്ത് ഒരു മോട്ടറോള ലോഗോയും പതിച്ചിട്ടുണ്ട്. ഈ ലോഗോ മിക്കവാറും ഒരു ഫിംഗർപ്രിന്റ്‌ സ്കാനറായും ഉപയോഗിച്ചേക്കാം.

സ്മാർട്ട്‌ഫോണിൽ വാട്ടർ ഡ്രോപ്പ് നോച്ച് ഡിസ്‌പ്ലേയുടെ മൂലയ്ക്ക് ചുറ്റും നേർത്ത ബെസലുകളും കട്ടിയുള്ള കീഴ്ഭാഗവുമുണ്ട്. ഇ 20യുടെ അടിഭാഗത്ത് ഒരു യുഎസ്ബി ടൈപ്പ്-സി ചാർജിംഗ് പോർട്ടും സ്പീക്കർ ഗ്രില്ലുകളും ഹെഡ്‌ഫോൺ ജാക്ക് ആണ് മുകളിൽ. സ്‌ക്രീനിന് ശക്തി പകരാനും സൗണ്ട് നിയന്ത്രിക്കാനും സ്മാർട്ട്‌ഫോണിൻറെ വലതുവശത്ത് മൂന്ന് ബട്ടണുകൾ നൽകിയിട്ടുണ്ട്.