മോട്ടറോളയുടെ ഐ867 ആന്‍ഡ്രോയിഡ് ഫോണ്‍

മോട്ടറോളയുടെ ആന്‍ഡ്രോയിഡ് ശ്രേണിയിലേക്ക് ഒരു പുതിയ ഹാന്‍ഡ്‌സെറ്റ് കൂടിയെത്തി. ഐ867 എന്ന ഈ ഫോണിനെ ശ്രദ്ധേയമായ രൂപഘടനയോടും സവിശേഷതകളോടും കൂടിയാണ് കമ്പനി അവതരിപ്പിച്ചത്.

ടിഎഫ്ടി കപ്പാസിറ്റീവ് മള്‍ട്ടി ടച്ച്‌സ്‌ക്രീന്‍, 3 മെഗാപിക്‌സല്‍ ക്യാമറ, 512 എംബി റാം, 2ജിബി റോം, അള്‍ലിമിറ്റഡ് ഫോണ്‍ബുക്ക്, കോള്‍ റെക്കോര്‍ഡുകള്‍ എന്നിവ ഐ867ന്റെ എടുത്തുപറയേണ്ട സവിശേഷതകളാണ്. എസ്ഡി കാര്‍ഡ് പിന്തുണയോടെ 32 ജിബി വരെ മെമ്മറി വിപുലപ്പെടുത്താനും ഈ ഫോണില്‍ സാധിക്കും.

ബ്ലൂടൂത്ത്, ജിപിആര്‍എസ്, യുഎസ്ബി,ജിപിഎസ് കണക്റ്റിവിറ്റികള്‍ക്കൊപ്പം ഓഡിയോ വീഡിയോ പ്ലെയറുകളും ഇതിലുണ്ട്. 180 മണിക്കൂര്‍ വരെ സ്റ്റാന്‍ഡ്‌ബൈയും 5.13 മണിക്കൂര്‍ വരെ ടോക്ക്‌ടൈമും 100 mAh ബാറ്ററിയില്‍ പ്രവര്‍ത്തിക്കുന്ന ഈ ഫോണ്‍ നല്‍കുമെന്നാണ് കമ്പനിയുടെ വാഗ്ദാനം.

ആന്‍ഡ്രോയിഡ് എക്ലെയര്‍ വേര്‍ഷന്‍ ഒഎസാണ് ഇതിലേത്. 1.ജിഗാഹെര്‍ട്‌സ് എആര്‍എം പ്രോസസറിന്റെ പിന്തുണയുമുണ്ട്. വാട്ടര്‍പ്രൂഫ്, ഷോക്ക് പ്രൂഫ് സവിശേഷതകള്‍ നല്‍കി രൂപപ്പെടുത്തിയ ഐ867ന്റെ വിലയെക്കുറിച്ചോ ലഭ്യതയെക്കുറിച്ചോ കൂടുതല്‍ വിവരങ്ങള്‍ അറിവായിട്ടില്ല.