കാത്തിരിപ്പിനു വിരാമം: മോട്ടറോള മോട്ടോ E ഇന്ത്യയില്‍ ലോഞ്ച് ചെയ്തു; 6,999 രൂപ

#1

മോട്ടോ ജിക്കു സമാനമായ ഡിസൈന്‍ ആണ് മോട്ടോ Eക്കുള്ളത്. നാലു കോണുകളും റൗണ്ട് ഷേപ്പിലാണ്. കൂടാതെ 9 നിറങ്ങളില്‍ ബാക് പാനല്‍ ലഭ്യമാവും. മോട്ടോ ജിയേക്കാള്‍ ഗ്രിപ് കൂടുതലാണെന്ന പ്രത്യേകതയും മോട്ടോ Eക്കുണ്ട്. മറ്റൊന്ന് വെള്ളം കടക്കാതിരിക്കുന്നതിനുള്ള നാനോ കോട്ടിംഗ് ആണ്.

#2

4.3 ഇഞ്ച് qHD (960-540) ഡിസ്‌പ്ലെയാണ് ഫോണിനുള്ളത്. 256 ppi പിക്‌സല്‍ ഡെന്‍സിറ്റിയും. ഗൊറില്ല ഗ്ലാസ് പ്രൊട്ടക്ഷന്‍ ഉള്ളതിനാല്‍ വരവീഴുകയുമില്ല.

#3

1.2 GHz ഡ്യുവല്‍ കോര്‍ സ്‌നാപ്ഡ്രാഗണ്‍ 200 പ്രൊസസര്‍ ആണ് മോട്ടോ E യില്‍ ഉള്ളത്. 1 ജി.ബി. റാമും.

#4

ക്യാമറയുടെ കാര്യത്തില്‍ മോട്ടോ E വളരെ പിന്നിലാണ്. 5 എം.പി ക്യാമറ പിന്‍വശത്തുണ്ടെങ്കിലും ഫ്രണ്ട് ക്യാമറയില്ല. പ്രൈമറി ക്യാമറയില്‍ FVWGA റെസല്യൂഷന്‍ വീഡിയോ മാത്രമെ ചിത്രീകരിക്കാന്‍ പറ്റു.

#5

4 ജി.ബി. ഇന്റേണല്‍ മെമ്മറിയാണ് ഫോണിലുള്ളത്. ഇത് മൈക്രോ എസ്.ഡി. കാര്‍ഡ് ഉപയോഗിച്ച് വികസിപ്പിക്കാന്‍ കഴിയും.

#6

ആന്‍ഡ്രോയ്ഡിന്റെ ഏറ്റവും പുതിയ വേര്‍ഷനായ 4.4 കിറ്റ്കാറ്റ് ആണ് ഓപ്പറേറ്റിംഗ് സിസ്റ്റം. കൂടാതെ ആന്‍ഡ്രോയ്ഡിന്റെ അടുത്ത അപ്‌ഡേറ്റ് വരുമ്പോള്‍ അതും മോട്ടോ E യില്‍ ലഭ്യമാവുമെന്ന് കമ്പനി ഉറപ്പുനല്‍കുന്നുണ്ട്.

#7

പുതിയ ഏതാനും ഫീച്ചറുകള്‍ കൂടി മോട്ടോ E യില്‍ മോട്ടറോള ചേര്‍ത്തിട്ടുണ്ട്. അതിലൊന്നാണ് മോട്ടോ അലേര്‍ട്. ഒരു സ്ഥലത്തു നിന്ന് നിങ്ങള്‍ പോവുകയാണെങ്കില്‍ അത് ഓട്ടോമാറ്റിക് ആയി വേണ്ടപ്പെട്ടവരെ അറിയിക്കാനുള്ള സംവിധാനമാണ് ഇത്. അതായത് നിങ്ങള്‍ ഒരു ലൊക്കേഷനില്‍ നിന്ന് പോകുമ്പോള്‍ നേരത്തെ സെറ്റ് ചെയ്തു വച്ച നമ്പറുകളിലേക്ക് തനിയെ മെസേജ് സെന്‍ഡ് ആവും.

#8

അത്യാവശ്യഘട്ടങ്ങളില്‍ വേണ്ടപ്പെട്ടവരെ വിളിക്കാനുള്ള സംവിധാനമാണ് എമര്‍ജന്‍സി മോഡ്. അടിയന്തര സമയങ്ങളില്‍ നേരത്തെ സെറ്റ് ചെയ്ത നമ്പറിലേക്ക് തനിയെ കോള്‍ പോകുകയോ അലാറം മുഴക്കുകയോ ചെയ്യും എന്നതാണ് പ്രത്യേകത. മോട്ടോ E യിലാണ് ഇത് ആദ്യമായി പരീക്ഷിക്കുന്നത്.

#9

ഫോണിന്റെ ബാക്പാനല്‍ ഇഷ്ടമുള്ള നിറത്തില്‍ തെരഞ്ഞെടുക്കാം. 9 നിറങ്ങളില്‍ ഇത് ലഭ്യമാവും