മോട്ടറോള മോട്ടോ E യും മോട്ടോ G യും തമ്മിലുള്ള പ്രധാന വ്യത്യാസങ്ങള്‍

Posted By:
    X

    ഇന്നലെയാണ് മോട്ടറോള മോട്ടോ E സ്മാര്‍ട്‌ഫോണ്‍ ലോഞ്ച് ചെയ്തത്. നേരത്തെ ഇറങ്ങിയ മോട്ടോ G യുടെ താഴ്ന്ന വേരിയന്റാണ് ഈ ഫോണ്‍. വിലയിലും ആ വ്യത്യാസം പ്രകടമാണ്. മോട്ടോ ജിയുടെ 8 ജി.ബി. വേരിയന്റിന് 12,500 രൂപ വിലയുള്ളപ്പോള്‍ മോട്ടോ E ക്ക് 6,999 രൂപ മാത്രമാണ് വില.

    എന്നുകരുതി മോട്ടോ E യെ വിലകുറച്ചുകാണുകയും വേണ്ട. ഈ വിലയില്‍ ലഭിക്കാവുന്ന ഏറ്റവും മികച്ച ഫോണുകളില്‍ ഒന്നുതന്നെയാണ് മോട്ടറോള അവതരിപ്പിച്ചിരിക്കുന്നത്. മാത്രമല്ല, മോട്ടറോളയുടെ ബെസ്റ്റ് സെല്ലര്‍ ഫോണുകളിലൊന്നായ മോട്ടോ ജി യുടെ താഴ്ന്ന വേരിയന്റ് എന്നു പറയുമ്പോള്‍ തന്നെ മോട്ടോ ജിയുടെ പല സൗകര്യങ്ങളും ഇതില്‍ ലഭ്യമാണുതാനും.

    എന്തായാലും മോട്ടോ E യും മോട്ടോ G യും തമ്മില്‍ ഉള്ള പ്രകടമായ വ്യത്യാസങ്ങള്‍ ചുവടെ കൊടുക്കുന്നു.

    കൂടുതല്‍ ടെക്നോളജി വാര്‍ത്തകള്‍ക്ക് ഗിസ്ബോട്ട്

    #1

    സ്‌ക്രീനിന്റെ വലിപ്പം പരിഗണിച്ചാല്‍ രണ്ടുഫോണുകളും തമ്മില്‍ കാര്യമായ വ്യത്യാസം ഇല്ല. മോട്ടോ G ക്ക് 4.5 ഇഞ്ച് സ്‌ക്രീനും മോട്ടോ E ക്ക് 4.3 ഇഞ്ച് സ്‌ക്രീനുമാണ് ഉള്ളത്. അതായത് 0.2 ഇഞ്ചിന്റെ വ്യത്യാസം. അതേസമയം റെസല്യൂഷന്റെ കാര്യത്തില്‍ വന്‍ അന്തരമുണ്ടുതാനും രണ്ടുഫോണുകളും തമ്മില്‍. മോട്ടോ E യില്‍ qHD റെസല്യൂഷന്‍ ഡിസ്‌പ്ലെയും 256 ppi പിക്‌സല്‍ ഡെന്‍സിറ്റിയും ആണെങ്കില്‍ മോട്ടോ Gയില്‍ 720 പിക്‌സല്‍ റെസല്യൂഷനും 326 ppi പിക്‌സല്‍ ഡെന്‍സിറ്റിയുമാണ് ഉള്ളത്.

     

    #2

    പ്രൊസസറിന്റെ കാര്യത്തിലും മോട്ടോ ജി തന്നെയാണ് ബഹുദൂരം മുന്നില്‍. മോട്ടോ ജിയില്‍ സ്‌നാപ്ഡ്രാഗണ്‍ 400 ക്വാഡ്‌കോര്‍ പ്രൊസസറാണ് ഉള്ളത്. അതേസമയം മോട്ടോ E യില്‍ ആവട്ടെ സ്‌നാപ്ഡ്രാഗണ്‍ 200 ഡ്യുവല്‍ കോര്‍ െപ്രാസസര്‍. രണ്ടുഫോണിലും 1 ജി.ബി. റാം തന്നെയാണ് ഉള്ളത്.

     

    #3

    മോട്ടോ ജിക്ക് 8 ജി.ബി./ 16 ജി.ബി. എന്നിങ്ങനെ രണ്ട് ഇന്റേണല്‍ മെമ്മറി വേരിയന്റുകളാണ് ഉള്ളത്. എന്നാല്‍ എക്‌സ്പാന്‍ഡബിള്‍ മെമ്മറിയില്ല. മറുവശത്ത് മോട്ടോ Eക്ക് 4 ജി.ബി. ഇന്റേണല്‍ മെമ്മറിയും മൈക്രോ എസ്.ഡി. കാര്‍ഡ് സ്ലോട്ടുമുണ്ട്.

     

    #4

    ഫ്രണ്ട് ക്യാമറയില്ല എന്നതാണ് മോട്ടോ E ക്ക് മോട്ടോ G യില്‍ നിന്നുള്ള പ്രധാന വ്യത്യാസം. പിന്‍വശത്ത് രണ്ട് ഫോണുകള്‍ക്കും 5 എം.പി. ക്യാമറയുണ്ട്. എന്നാല്‍ മോട്ടോ E യില്‍ ഫ് ളാഷ് ഇല്ല.

     

    #5

    ബാറ്ററി പവറിലും നേരിയ വ്യത്യാസമുണ്ട് ഇരു ഫോണുകളും തമ്മില്‍. മോട്ടോ E യില്‍ 1980 mAh ഉം മോട്ടോ G യില്‍ 2070 mAh ഉം ആണ്. മോട്ടോ ജിയുടെ ബാറ്ററി സാധാരണ നിലയില്‍ ഒരു ദിവസം മുഴുവന്‍ ചാര്‍ജ് നല്‍കുന്നുണ്ട്. സമാനമായിരിക്കും മോട്ടോ E യുടെ കാര്യവും എന്നാണ് കരുതുന്നത്.

     

    #6

    മോട്ടോ ജിയില്‍ ഇല്ലാത്ത ചില ഫീച്ചറുകള്‍ മോട്ടറോള മോട്ടോ E യില്‍ ഉള്‍പ്പെടുത്തിയിട്ടുണ്ട്. അതിലൊന്ന് മോട്ടോ അലേര്‍ട്ട് ആണ്. ഏതെങ്കിലും സ്ഥലത്തുനിന്ന് നിങ്ങള്‍ പോകുമ്പോള്‍ അത് വേണ്ടപ്പെട്ടവരെ അറിയിക്കാനുള്ള സംവിധാനമാണ് ഇത്. അതായത് നിങ്ങളുടെ ലൊക്കേഷന്‍ മാറുമ്പോള്‍ നേരത്തെ സെറ്റ് ചെയ്തു വച്ച നമ്പറുകളിലേക്ക് തനിയെ സന്ദേശം അയയ്ക്കപ്പെടും.

     

    #7

    അത്യാവശ്യ ഘട്ടങ്ങളില്‍ വളരെ പെട്ടെന്ന് നേരത്തെ സെറ്റ് ചെയ്ത നമ്പറുകളിലേക്ക് വിളിക്കാനോ അല്ലെങ്കില്‍ അലാറം മുഴക്കാനോ സാധിക്കുന്ന സംവിധാനമാണ് ഇത്. വിളിക്കുന്ന സിം ഓട്ടോമാറ്റിക് ആയി തെരഞ്ഞെടുക്കാന്‍ കഴിയുന്ന ഇന്റലിജന്റ് കോളിംഗ് എന്ന സംവിധാനവും ഈ ഡ്യുവല്‍ സിം ഫോണിലുണ്ട്.

     

    #8

    മോട്ടോ ജി യുടെ 8 ജി.ബി. വേരിയന്റിന് 12,500 രൂപയും 16 ജി.ബി. വേരിയന്റിന് 13,500 രൂപയുമാണ് വില. എന്നാല്‍ മോട്ടോ E ക്കാവട്ടെ 6999 രൂപയും.

     

    #9

    രണ്ട് ഫോണിലും ആന്‍ഡ്രോയ്ഡ് കിറ്റ്കാറ്റ് തന്നെയാണ് ഓപ്പറേറ്റിംഗ് സിസ്റ്റം. അതുകൊണ്ടുതന്നെ ഇക്കാര്യത്തില്‍ രണ്ടുഫോണുകളും തുല്യത പാലിക്കുന്നു.

     

    #10

    രണ്ടുഫോണുകളും വാട്ടര്‍പ്രൂഫ് ആണ് എന്നതാണ് മറ്റൊരു പ്രത്യേകത. ഫോണിന്റെ ഉള്ളിലും പുറത്തുമുള്ള നാനോ കോട്ടിംഗ് ആണ് ഇത് സാധ്യമാക്കുന്നത്.

     

    കൂടുതല്‍ ടെക്നോളജി വാര്‍ത്തകള്‍ക്ക് ഗിസ്ബോട്ട്

    ബ്രേക്ക് ന്യൂസ് അറിയിപ്പുകള് നേടൂ. - Malayalam Gizbot

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more