മോട്ടറോള മോട്ടോ ജി 10, മോട്ടോ ജി 30 മാർച്ചിൽ അവതരിപ്പിക്കും: പ്രതീക്ഷിക്കുന്ന വില, സവിശേഷതകൾ

ഈ പുതിയ മോട്ടോ ജി 30 യുടെ വില യൂറോ 179.99 (ഏകദേശം 15,900 രൂപ), മോട്ടോ ജി 10 വില 149.99 യൂറോ (ഏകദേശം 13,300 രൂപ) യുമാണ്. അതിനാൽ, ഈ രണ്ട് മോഡലുകളും ഇന്ത്യയിൽ 15,000 രൂപ വിലയിൽ എത്തുമെന്ന് പ്രതീക്ഷിക്കുന്നു. മോട്ടോ ജി 30 സ്മാർട്ഫോൺ പാസ്റ്റൽ സ്കൈ, ഫാന്റം ബ്ലാക്ക് കളർ ഓപ്ഷനുകളിൽ വിപണിയിൽ വരുന്നു. മോട്ടോ ജി 10 അറോറ ഗ്രേ, ഇറിഡെസെന്റ് പേൾ കളർ വേരിയന്റുകളിൽ ലഭ്യമാണ്.

മോട്ടോ ജി 10, മോട്ടോ ജി 30 സവിശേഷതകൾ

6.5 ഇഞ്ച് എച്ച്ഡി + ഡിസ്‌പ്ലേ 60 ഹെർട്സ് സ്റ്റാൻഡേർഡ് റിഫ്രഷ് റേറ്റിനൊപ്പം മോട്ടോ ജി 10 സ്മാർട്ഫോൺ വിപണിയിൽ വരുന്നു. സ്നാപ്ഡ്രാഗൺ 460 SoC പ്രോസസർ പ്രവർത്തിപ്പിക്കുന്ന ഇതിൽ 5000 എംഎഎച്ച് ബാറ്ററിയും ക്വാഡ് റിയർ ക്യാമറകളും ഉൾപ്പെടുത്തിയിട്ടുണ്ട്. 48 എംപി മെയിൻ ലെൻസും സെൽഫികൾക്കും വീഡിയോകൾക്കുമായി 8 എംപി ഫ്രണ്ട് ക്യാമറയും ഇതിലുണ്ട്.

മോട്ടോ ജി 30 ന് 6.5 ഇഞ്ച് എച്ച്ഡി + (720 x 1,600 പിക്‌സൽ) ഐപിഎസ് ഡിസ്‌പ്ലേ 90 ഹെർട്സ് റീഫ്രഷ് റേറ്റാണ് വരുന്നത്. സ്നാപ്ഡ്രാഗൺ 662 SoC പ്രോസസറാണ് ഈ സ്മാർട്ട്ഫോണിന് കരുത്ത് നൽകുന്നത്. 20W ചാർജിംഗ് സപ്പോർട്ടുമായി വരുന്ന 5,000 എംഎഎച്ച് ബാറ്ററിയാണ് ഇതിൽ വരുന്നത്. ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്ന ഈ സ്മാർട്ട്ഫോണിൽ 64 എംപി പ്രൈമറി സെൻസർ, 8 എംപി അൾട്രാ വൈഡ് ആംഗിൾ സെൻസർ, ഒരു ജോഡി 2 എംപി മാക്രോ, ഡെപ്ത് സെൻസറുകൾ എന്നിവ അടങ്ങിയ ക്വാഡ് റിയർ ക്യാമറ സെറ്റപ്പുണ്ട്.

മുൻവശത്ത്, ഈ ഹാൻഡ്‌സെറ്റിന് 13 എംപി സെൽഫി ഷൂട്ടർ ഉണ്ട്. കൂടാതെ, രണ്ട് ഫോണുകളും ഔദ്യോഗിക ഐപി 52 റേറ്റിംഗുമായി വരുന്നു. ഇത് തന്നെയായിരിക്കും ഈ വില വിഭാഗത്തിലെ പ്രധാന പ്രത്യകത. കൂടുതൽ വിശദാംശങ്ങൾക്കായി ഈ ഹാൻഡ്‌സെറ്റ് ലോഞ്ച് ചെയ്യുന്നത് വരെ കാത്തിരിക്കേണ്ടി വരും.