മോട്ടറോള മോട്ടോ ജി 8 പവർ ലൈറ്റ് മെയ് 21 ന് ഇന്ത്യയിൽ അവതരിപ്പിക്കും

മോട്ടറോള മോട്ടോ ജി 8 പവർ ലൈറ്റ്

മോട്ടറോള മോട്ടോ ജി 8 പവർ ലൈറ്റ് വില യൂറോയിൽ 169 ആണ്, ഇത് ഇന്ത്യയിൽ ഏകദേശം 13,870 രൂപയാണ്. ഇത് ഫ്ലിപ്പ്കാർട്ട് വഴി വാങ്ങാൻ ലഭ്യമാകും. വിൽപ്പന ഓഫറുകളോ റിലീസ് തീയതിയോ ഉൾപ്പെടെ മറ്റ് വിശദാംശങ്ങളൊന്നും ഇ-കൊമേഴ്‌സ് വെളിപ്പെടുത്തിയിട്ടില്ല. മെയ് 21 ന് മോട്ടോ ജി 8 പവർ ലൈറ്റ് ഇന്ത്യയിൽ വിപണിയിലെത്തുമ്പോൾ മോട്ടറോള ഈ വിവരങ്ങൾ വെളിപ്പെടുത്തുമെന്ന് പ്രതീക്ഷിക്കുന്നു. മോട്ടറോള സ്മാർട്ട്‌ഫോൺ റോയൽ ബ്ലൂ, ആർട്ടിക് ബ്ലൂ കളർ ഓപ്ഷനുകളിൽ ലഭ്യമാണ്.

മോട്ടറോള മോട്ടോ ജി 8 പവർ ലൈറ്റ് വില

മോട്ടോ ജി 8 പവറിന്റെ വില കുറഞ്ഞ പതിപ്പായാണ് വരുന്ന ജി 8 പവർ ലൈറ്റ് പുറത്തിറക്കിയിരിക്കുന്നത്. 5000 എംഎഎച്ച് ബാറ്ററിയും 20: 9 ആസ്പാക്ട് റേഷിയോ ഉള്ള ഡിസ്പ്ലെയുമാണ് ഈ സ്മാർട്ട്ഫോണിന്റെ ഏറ്റവും വലിയ പ്രത്യേകത. മീഡിയടെക് ഹീലിയോ പി 35 ചിപ്‌സെറ്റ് കരുത്ത് നൽകുന്ന ഫോണിന്റെ പിൻവശത്ത് ട്രിപ്പിൾ ക്യാമറ സെറ്റപ്പും നൽകിയിട്ടുണ്ട്.

മോട്ടോ ജി 8 പവർ ലൈറ്റ് സവിശേഷതകൾ

മോട്ടോ ജി 8 പവർ ലൈറ്റിന്റെ ഡിസ്പ്ലെ പരിശോധിച്ചാൽ, 6.5 ഇഞ്ച് എച്ച്ഡി + ഐപിഎസ് എൽസിഡി മാക്‌സ് വിഷൻ സ്‌ക്രീനിൽ 720 × 1600 പിക്‌സൽ റെസല്യൂഷനും 20: 9 ആസ്പാക്ട് റേഷിയോവുമുള്ള ഡിസ്പ്ലെയാണ് കമ്പനി നൽകിയിരിക്കുന്നത്. ഡിസ്‌പ്ലേയുടെ മുകൾ ഭാഗത്ത് ഒരു ടിയർഡ്രോപ്പ് നോച്ച് നൽകിയിട്ടുണ്ട്. ഈ നോച്ചിലാണ് സെൽഫി ക്യാമറ നൽകിയിട്ടുള്ളത്. ഫോണിന് 9.2 മിമി കട്ടിയും 200 ഗ്രാം ഭാരമുള്ളതുമാണ്. ജി 8 പവർ ലൈറ്റിന്റെ മറ്റൊരു പ്രധാന സവിശേഷത, ഇതിൽ സ്പ്ലാഷ് റെസിസ്റ്റന്റ് നൽകിയിട്ടുണ്ട് എന്നതാണ്.

മോട്ടോ ജി 8 പവർ ലൈറ്റ് ലോഞ്ച്

മോട്ടോ ജി 8 പവർ ലൈറ്റിന് കരുത്ത് നൽകുന്നത് 2.3 ജിഗാഹെർട്സ് ഒക്ടാകോർ സിപിയു മീഡിയടെക് ഹീലിയോ പി 35 ആണ്. 4 ജിബി റാമും 64 ജിബി ഓൺബോർഡ് സ്റ്റോറേജുമുള്ള ഒറ്റ വേരിയന്റിൽ മാത്രമേ ഫോൺ ലഭ്യമാവുകയുള്ളു. ആവശ്യമുള്ള ഉപയോക്താക്കൾക്ക് സ്റ്റോറേജ് വർദ്ധിപ്പിക്കുന്നതിനായി കമ്പനി ഒരു ഹൈബ്രിഡ് മൈക്രോ എസ്ഡി കാർഡ് സ്ലോട്ട് കൂടി ഫോണിൽ നൽകിയിട്ടുണ്ട്.

മോട്ടോ ജി 8 പവർ ലൈറ്റ് ഇന്ത്യയിൽ

കണക്റ്റിവിറ്റി ഓപ്ഷനുകൾ പരിശോധിച്ചാൽ ഡ്യുവൽ 4 ജി, വോൾടിഇ, വൈ-ഫൈ 802.11 ബി / ജി / എൻ, ബ്ലൂടൂത്ത് 4.2, ജിപിഎസ്, മൈക്രോ യുഎസ്ബി പോർട്ട് എന്നിവ ഫോണിൽ നൽകിയിട്ടുണ്ട്. ആൻഡ്രോയിഡ് 10ലാണ് ഈ ഫോൺ പ്രവർത്തിക്കുന്നത്. 5000 എംഎഎച്ച് ബാറ്ററിയാണ് ഫോണിലുള്ളത്. റീട്ടെയിൽ ബോക്‌സിനുള്ളിൽ 10 വാൾട്ട് ചാർജർ നൽകുന്നുണ്ട്. ഫോണിന് ഫാസ്റ്റ് ചാർജിംഗ് സപ്പോർട്ട് ഇല്ല. സ്മാർട്ട്‌ഫോണിന്റെ പിൻവശത്ത് ഫിംഗർപ്രിന്റ് സ്‌കാനർ നൽകിയിട്ടുണ്ട്.

മോട്ടോ ജി 8 പവർ ലൈറ്റ് ഹാൻഡ്‌സെറ്റ്

മോട്ടറോള ഒരു ട്രിപ്പിൾ ക്യാമറ സെറ്റപ്പാണ് മോട്ടോ ജി 8 പവർ ലൈറ്റിൽ നൽകിയിട്ടുള്ളത്. അതിൽ എഫ് / 2.0 അപ്പേർച്ചറുള്ള 16 എംപി പ്രൈമറി ഷൂട്ടർ, എഫ് / 2.4 അപ്പേർച്ചറുള്ള 2 എംപി മാക്രോ ലെൻസ്, എഫ് / 2.4 അപ്പേർച്ചറുള്ള 2 എംപി ഡെപ്ത് സെൻസർ എന്നിവ ഉൾപ്പെടുന്നു. ഫോണിന്റെ മുൻവശത്ത് 8 എംപി സെൽഫി ക്യാമറയാണ് നൽകിയിട്ടുള്ളത്.