മോട്ടറോള ഉടൻ തന്നെ മോട്ടോ ജി 9 പ്ലസ് അവതരിപ്പിച്ചേക്കും

ലിസ്റ്റിംഗിൽ സൂചിപ്പിച്ചിരിക്കുന്ന വിലയുമായി ഒരു ഓൺലൈൻ സ്റ്റോറിൽ ഈ സ്മാർട്ട്ഫോൺ കണ്ടെത്തി. 4 ജിബി റാമിനും 128 ജിബി സ്റ്റോറേജ് വേരിയന്റുകൾക്കും 227.15 യൂറോ (ഏകദേശം 20,0000 രൂപ) യുമാണ് ഈ സ്മാർട്ഫോണിന്റെ വില. ഇതുകൂടാതെ, ഈ സ്മാർട്ട്‌ഫോണിന് ഡ്യൂവൽ സിം പിന്തുണയുണ്ടെന്ന് ലിസ്റ്റിംഗിൽ വ്യക്തമാണ്. എന്നിരുന്നാലും, ഈ പുതിയ സ്മാർട്ട്‌ഫോണിന്റെ സവിശേഷതകളെക്കുറിച്ച് ഇപ്പോഴും വ്യക്തതയില്ല.

എന്നാൽ നൽകിയിരിക്കുന്ന വിലയനുസരിച്ച് ഈ സ്മാർട്ട്ഫോൺ മിഡ് റേഞ്ച് സ്‌നാപ്ഡ്രാഗൺ അല്ലെങ്കിൽ മീഡിയടെക് പ്രോസസർ ഈ സ്മാർട്ഫോണിൽ ഉൾപ്പെടുത്തുമെന്ന് പ്രതീക്ഷിക്കുന്നു. ഇതിന് മിക്കവാറും ട്രിപ്പിൾ അല്ലെങ്കിൽ ക്വാഡ് റിയർ ക്യാമറകളായിരിക്കും വരിക.

മോട്ടറോള മോട്ടോ ജി 8 പ്ലസ് 2019 ൽ അവതരിപ്പിച്ചു

കഴിഞ്ഞ ഒക്ടോബറിൽ കമ്പനി മോട്ടോ ജി 8 പ്ലസ് സ്മാർട്ട്‌ഫോൺ പുറത്തിറക്കി. ജി 9 പ്ലസ് അതിന്റെ പിൻഗാമിയാകാൻ സാധ്യതയുണ്ട്. മോട്ടോ ജി 9 പ്ലസിനെക്കുറിച്ച് ഇപ്പോഴും കൂടുതൽ വിവരങ്ങളൊന്നുമില്ല. അടുത്തിടെ പുറത്തിറക്കിയ മോട്ടറോള വൺ ഫ്യൂഷൻ പ്ലസിന്റെ വില കമ്പനി വർദ്ധിപ്പിച്ചിരുന്നു. മോട്ടറോള ഈ സ്മാർട്ട്‌ഫോണിന്റെ വില 16,999 രൂപയിൽ നിന്ന് 17,499 രൂപയായി ഉയർത്തുകയും ചെയ്തു. 6.5 ഇഞ്ച് ഫുൾ എച്ച്ഡി പ്ലസ് നോച്ച് ഡിസ്‌പ്ലേയും, സ്നാപ്ഡ്രാഗൺ 730 പ്രോസസറുമായാണ് ഈ സ്മാർട്ട്ഫോൺ വരുന്നത്. ഈ സ്മാർട്ട്‌ഫോണിന് 16 മെഗാപിക്സൽ മോട്ടറൈസ്ഡ് പോപ്പ്-അപ്പ് സെൽഫി ക്യാമറയും ക്വാഡ് ക്യാമറ സജ്ജീകരണമുണ്ട്. ഇതിന്റെ പ്രധാന ക്യാമറ 64 മെഗാപിക്സലാണ് വരുന്നത്. 6 ജിബി റാമുള്ള 128 ജിബി സ്റ്റോറേജ് ഇതിന് ലഭിക്കും. കൂടാതെ, 5000 എംഎഎച്ച് ബാറ്ററിയും ഫോണിൽ ഉൾപ്പെടുത്തിയിട്ടുണ്ട് .