മോട്ടറോള വൺ ഫ്യൂഷൻ + ഉടൻ തന്നെ ഇന്ത്യയിൽ അവതരിപ്പിക്കും

മോട്ടറോള വൺ ഫ്യൂഷൻ + സവിശേഷതകൾ

മിഡ് റേഞ്ച് സ്‌നാപ്ഡ്രാഗൺ 730 പ്രോസസറിന്റെ കരുത്തുള്ള ഈ ഡിവൈസ് പോപ്പ്-അപ്പ് സെൽഫി ക്യാമറ ഡിസൈനോടെയാണ് പുറത്തിറക്കിയത്. ഹാൻഡ്‌സെറ്റ് വൈകാതെ തന്നെ ഇന്ത്യയിൽ പുറത്തിറങ്ങുമെന്ന് കമ്പനി സ്ഥിരീകരിച്ചിരുന്നു. മോട്ടറോളയുടെ 'വൺ' സീരീസിലെ ഏറ്റവു പുതിയ സ്മാർട്ട്ഫോണായ വൺ ഫ്യൂഷൻ+സ്മാർട്ട്‌ഫോൺ ലോഞ്ച് ട്വിറ്റർ വഴിയാണ് മോട്ടറോള ടീസ് ചെയ്തത്. ഡിവൈസിന്റെ പേര് പരാമർശിച്ചിട്ടില്ലെങ്കിലും, 'വൺ' ടാഗ്‌ലൈൻ ഉള്ള ഒരു പോപ്പ്-അപ്പ് സെൽഫി ക്യാമറ സ്മാർട്ട്‌ഫോണിന്റെ രേഖാചിത്രം ഈ ട്വീറ്റിൽ ഉണ്ട്.

ഇനി ഇന്ത്യയിൽ പുറത്തിറക്കാനുള്ള വൺ സീരിസിലെ ഏറ്റവും പുതിയ സ്മാർട്ട്ഫോൺ മോട്ടറോള വൺ ഫ്യൂഷൻ+ ആയതിനാൽ ഈ സ്മാർട്ട്ഫോൺ തന്നെയായിരിക്കും കമ്പനി പുറത്തിറക്കുക. മോട്ടറോള വൺ ഫ്യൂഷൻ+ സ്മാർട്ട്ഫോണിന്റെ സവിശേഷതകൾ പരിശോധിച്ചാൽ ഈ ഡിവൈസ് 1080 x 2340 പിക്‌സൽ റെസലൂഷനുള്ള എഫ്‌എച്ച്ഡി+ 6.5 ഇഞ്ച് എൽസിഡി ഡിസ്‌പ്ലേയുമായിട്ടാണ് വരുന്നത്. പോപ്പ്-അപ്പ് സെൽഫി ക്യാമറ മൊഡ്യൂളിൽ എഫ് / 2.0 അപ്പർച്ചറുള്ള 16 എംപി സെൽഫി ക്യാമറയാണ് ഉള്ളത്.

പിൻ ക്യാമറ സെറ്റപ്പിൽ 64 എംപി പ്രൈമറി സെൻസർ, 8 എംപി അൾട്രാ-വൈഡ് ആംഗിൾ സെൻസർ, 5 എംപി മാക്രോ സെൻസർ, 2 എംപി ഡെപ്ത് സെൻസർ എന്നിവ ഉൾപ്പെടുന്നു. 6 ജിബി റാമും 128 ജിബി സ്റ്റോറേജുമുള്ള ഈ ഡിവൈസ് ക്വാൽകോം സ്‌നാപ്ഡ്രാഗൺ 730 പ്രോസസറിന്റെ കരുത്തിലാണ് പ്രവർത്തിക്കുന്നത്. സുരക്ഷയ്‌ക്കായി റിയർ ഫിംഗർപ്രിന്റ് സ്‌കാനറും നൽകിയിട്ടുണ്ട്. കണക്ടിവിറ്റി സവിശേഷതകൾ പരിശോധിച്ചാൽ, യുഎസ്ബി ടൈപ്പ്-സി പോർട്ട്, 3.5 എംഎം ഹെഡ്‌ഫോൺ ജാക്ക് എന്നിവ ഡിവൈസൽ നൽകിയിട്ടുണ്ട്.

ഡിവൈസിൽ 5,000 എംഎഎച്ച് ബാറ്ററി യൂണിറ്റാണ് കമ്പനി നൽകിയിട്ടുള്ളത്. ഇതിനൊപ്പം 15W ഫാസ്റ്റ് ചാർജിംഗ് സപ്പോർട്ടും നൽകിയിട്ടുണ്ട്. സ്മാർട്ഫോണിന് എച്ച്ഡിആർ 10 ഡിസ്പ്ലേ പിന്തുണയും 1 ടിബി വരെ വികസിപ്പിക്കാവുന്ന സ്റ്റോറേജും ഉണ്ട്. സ്പ്ലാഷ് റെസിസ്റ്റന്റ് ഗ്ലാസ് ഫ്രണ്ട് കോട്ടിംഗുള്ള പ്ലാസ്റ്റിക് ബാക്ക്, പ്ലാസ്റ്റിക് ഫ്രെയിമുകൾ എന്നിവ ഉപയോഗിച്ചാണ് സ്മാർട്ട്ഫോൺ നിർമ്മിച്ചിരിക്കുന്നത്. മോട്ടറോളയുടെ വൺ സീരീസ് മിഡ് റേഞ്ച് സ്മാർട്ട്‌ഫോണുകൾ വിപണിയിലെത്തിച്ച ഡിവൈസാണ്. പുതിയ ഡിവൈസും ഇതിൽ നിന്നും വ്യത്യസ്തമല്ലെന്നാണ് റിപ്പോർട്ടുകൾ.